172/2016 MTKP LAWNGTLAI BEHBAWM

MTKP INKHAWMPUI 2016

Pehhel tak chunga sawi pawhin MTKP Inkhawmpui 2016 chu kan zo ta reng mai. Thlarau lamah hma ka sawn em ka hre lo a, lamtual chhung erawh a lum khu thei hle tih ka hria a. Ban vela Bus mena men chuan Areopagi atanga AOC khawtawp bera mikhual thleng nih chuan hlauhna; tur ut ut tu, Bus kalsan nih kha a hlauhawm em a ni! MTKP 2013 (Haulawng) inkhawmpui aiin hma kan sawn a, 2019 (Tlabung)ah phei chuan hma kan sawn lehzual turah ngai ila, khawvel nihphung a ni tlat si a.

Thank you Aizawl: Nakum lamah chuan Area Co-ordination an thiat dawn niin ka lo hria a, dik tak maw! Thiah tur  anih si loh chuan Lunglei Area Co-ordination TKP hi din vata, MTKP hian kutke bera hman hi an chakna tur a ni. Lawngtlai leh Aizawl area te hmasawnna hi a zuanin a zuang ti ila Politician ka nihphah kher lo ang chu maw. MTKP emaw BCM hmasawnna chungchangah hian Area awm ve lo pui Lunglei area hi  thlawhtir ngai niin ka hre ve ngawt a. A nih loh chuan Headquarters tal hi thlawk sang zel tura ticket book a ngai a ni. 

Hetia Thank you Aizawl tia bul ka tan ngawt chhan chu Inkhawmpui an kal that vang a ni. TKP thiltihah member ngaihtuahin an tha ta hle mai. Executive area pahnih baka awmte hian hmasawn tur emaw inthlahdul lo tura beihpui thlak kan ngai a ni tih hi ka ngaihdan a ni. Lawngtlai hi khua a zauva, Pastor bial thum meuhin min thleng darh a, kar a hla a ni. Kal dan leh haw dan ngaihtuahin kan programmee duan lawk hi siamthat a ngai niin alang. Chhim lamah hian Public Transport zingah mipui tam dan ngaihtuahin Bus hi a la vang a nih hi.  

Mi chi hnih ka hmu: Inkhawmpui palaite zingah hmelhriat pan vang vang chi ka hmu a, Hmelhriatsa kalsana hmelhriat dang pana kawngkama indinchilh  thin ten an sim a ngai a ni. Hmelhriat neih tam hi a sualna ka la hre lo a, Krista avanga inhmelhriat phei chu hlu tak a ni! Nuih, Seih, leh zaizir hmanga a hun leh hmun azira duhtawk thiam erawh a ngai a ni. Inkhawmpui a ni emaw, Zinna a ni emaw, mahni in pelh avanga first Class a inngai kan pung thin hi kan ze tha lo a ni. First Class nih pawhin inphahhnuai thiam hi TKP te zingah a mawi a ni. Zinnaah i rinna chauh dah bo lovin, i mizia  i dahbo thin nge, i mize pangngai zawk kha a lo lang chhuak thin.

Chang rel a sual ang e:  MTKP rorel hi kan hmanhmawh ta lutuk a ni, sawi hawt a hmain ban phara tihtluk kan uar ta. A awlsam khawp mai. Nihnih emaw nikhat leh zan khat rorel pawh kan ngam/peih loh chuan tha taka bawhzuiin engtin nge kan ken kawh theih ang le?  Kan phar ta chenga kan chipzui leh tho avangin a awlsam ta hle. Entir nan, Christian Literature lama hmasawn tura hmalak ni rawh se (Bazar) tih ang chi kha inzirtirna chauh a nih loh avangin Inzirtirna tur dang nena kaihkawp ngawt chi a ni lo. Thi behte atanga nghawng ut satliah ve ngawt ngaihnepna a ni tih a lang chiang a, leh Rangkachak thi behte tletna lam leh an awnlam ching ta lutuk hi inzahlohna a ni em tih chu ka hre lo. Rampum huapa hmalakna tur kan rel hian a bawhzui lamah kan Ninevi khaw thuhril ngawt thin hi chu ka khawp kham lo fo mai.

MTKP Executive Committee ah hian khaw eng leh hmai engzah lutuk avanga rorel tluang purh hrinchhuah a nih ka ring a. (Lehkhathiam leh zirsang zahna, doctor zahna, pastor zahna hri chhia hi  awm ve a nia, Eng MANIA nge pawh ka hre lo) Opposition bench te siam ve theih chi chu nise rorel hian hma a sawn ang. Hman kuma KTP Rorel Lungleia nghah a nih kha nileng thim thak thlengin pahnih chauh an passed thei a, engtak sawiin, chip ang maw? Roreltu chuan taima takin rel rawh se tih Bible hi ziah belh theih chu nise Rorel kaihruaitu chuan uluk tak, peih rei takin kaihhruai rawh se tih ve tak ka nap a nia. Tin, Rorel dawhkan leh a behbawm atanga Misguide- dan anga ziah chiah ni lo, chuti ang zula inkaihhruai a awm thin em ka ti. Rs 10/- hi member tin hnenah MTKP Inkhawmpui puala khawn thin tur a ni a, a bak kan la khawn duh a nih chuan vawi khat bak khawn loh emaw, khawn theih/loh tih emaw; Kan fehchhuak duh a nih chuan vawi khat/ vawi hnih fehchhuah theih tih ang chi hi rorel dwhkan atanga report hian MTKP inkhawmpui rorel, Unit/bialin palai tura a tirh/thlan thin te tan chuan a hlu khawp ang. (Thlan loh chuan rorel ngawt theih loh avangin)

Kan peng lawk, Rorel laia mi pakhat rilru nat chhan kha ka hrethiam a, Whatsapp a mi pawh ka lo chhiar thiam e. A tak vek ni lul lo se ka ti. Khawvelah hian grassroot levela mi tha leh an tlakna muala chawr tha hi ka mi ngaihsan thin an ni. Inhriatchian lutuk chuan a inngaihsan theih loh a, inhrechiang chung pawha ngaihsan hlawh hi chu ngaihsan tlak an ni lawi si.

Siksawi ang u: Mimal zaithiam ho hi an chhawk then an ngai a ni. Muang Music (Live music hi an rei\muan theih em avangin Muang Music ka ti ve tawp) ah hma kan sawn a, ngaihlu tur tawka kan zep tel thin kha a fuhin a tha hle. A tha lo chauh i bansan ang u. Kan Resource person te hian Workshop, Seminar, Training, Symposium, Conference danglamna hi an ngaihthah lu deuh a ni. Resource person te tluka thiam TKP memberah hian inphumru an awmin ka ring thin! An aia an thiam lo zawk a nih pawhin Resource personte ai chuan anmahni khawtlang (grassroot) dinhmun leh harsatna theuh chu an hre zawk ngei ang. Chumi a nih avang chuan Workshop tih hi a fuh hle a, Grassroot level atanga memberte nena khawtlang dinhmun sawihova inpuihtawn hi kan hlawkpui zawkin ka ring thin.

Rorel hlana Pandala hun hmang duak lo hian, Biak in hran hranah Live Music te, Skit te, Talent show, Workshop hrang hrang nei turin ruahman thin ila, Chutah chuan Unit aiawh tel theuh tura inruat turin ngenna siam bawk ila. Mipuiten kan duhna hmun pan ta mai thin ila Pandal programme leh inkhawm programme a thawl phah khawp ang. 

Thank you Lawngtlai: Kum khat chuang zet hnathawkin ka lo awm ve tawh a, ka hre ve thawkhat che u. In inbuatsaihna kha a tha-in a fakawm a, in inbuatsaih tha leh lutuk erawh thu nawi a tam ta a nih hi. Palai Pre-Registration zat hmanga mikhual thlen in lo tum erawh kan thawl ta a nih hi. Chuti ni lo sela, mikhual nei tlem vui an awm lo tur. Khawpui thang hi chuan hlet a chhuah thin a, chu chu a khu deuh mai mai kha a ni e. Ka sawi duh chu, Cheng nuai thum (?) manah chuan Sound kha a tha khawp mai. Pandal zatve hma lam tan phei chuan. In dawl leh hunah chuan Pandal pawnlam daih tur, thlarau pawh ko chhuak dup dup thei tura sound tha a awm thei tawh ang chu maw! KTP inkhawmpui sound budget Nuai 11 man vel tur hi ka awt ve riau ta mai a.

Lets kick Chhungteism, out of MTKP: Chhungteism (Click la) Khawvela kan la awm miau avangin dah bo ngawt theih a ni lo a. A awm ka tihna ni lovin, Bial lian leh mimal, Unit lian ang chi hi MTKP Huangah chuan duhsk bikna lantir loh/dahbo i tum ang u. Bial liana inchhal chin hi kan duai riau mai. Inkhawmpui leh MTKP thu bawhzui kawngah i tang ang u. Takam ui te tama tam ve ngawt, laktlak leh chhawrtlak loh, kal tha peih mang si lo kan ang fo ka ti. Bial lian hi an tha a, Percentage hian an tha lo a ni. Percentage kan sawi ngawt a, emperical lo khawp ang, study awm miau hek lo. 

Baptist Kohhran hi ka chik ve a, kan dan hrang hrangte hi an tha hle mai. Kohhran member 700-1500 vel tana siam niin ka hmu thin. Kohhran hrang hrangah hian member 400-600 vel erawh a tam zawk kan ni lawi a. TKP pawh hi thingtlang leh khawpui dinhmun a inang lo tih hriain, FOD Inkaihhruaina chai chiam leh hmalakna hrang hrangte hi huapzau zawka hmala zel turin i han tang saih sauh teh ang u. Lu pan lopui hi Lu pan hnathawh takin ka duh lai lai ka han chuk lawr a ni e. Photographer hnawksak ka hmu lo a, Camer changkang tak tak keng erawh ka hmu lawi si, Programme an ti buai lo kha a lawmawm a ni.

Inchei mawi takin pheikhawk tawt tak a bun a, a tawt a ni tih lang si lo ang velin ka tawt up upna leh a a englo nam lai chauh ka lo blogging mai mai a ni e. 
#NOI= NO OFFENCE INTENDED