08/2012 Dad died on Asthma

ASTHMA VANGIN ZUA KA CHAN

Kapa boral kum3na pualin aw

Kumpui sul tam a vei tawh a

Nang ngaih a bang thei si lo

Thinlai mu hnu a tho leh a

Zuapa I hlui thei mawlh lo

Piallei thuah riat hnuaia I zal khan

Engan ka kohkir loh che

Dairial chan hnuah, min ngai lo

Buai mangan tawk mah ila

Phung rual an ṭin a, kan run hi

Luah loh run riang hluan a chang

Hringchan laia rual hui khawmtu

Kalh kim ni reng kan nei dawn si lo

Zua hrîn loh kan pawng tual tual

Zonunmawi leh Kristianna hi

Zua lovin a vul thei lo

Khawdur hlau reng renga hun hman

Boruak thianghlim tlachham leh,

Thangvan rial chu lungngaihna chhum

Sik leh sa inthlak thleng ṭhin

Malsawmna van tlaah kan chhiar lo

Thih suala I sual zia te

Anka chham chhuah leh I thawpik

I harsat  kan lo hre lo.

Tunah erawh I sul I hnu

Awmkhawhar lunglen a chang

Mahten tlaini ka leng zo lo

I zalna hmun daikawmah

I Sul I hnu ka rawn chhui leh ṭhin

Rauthla talin min thlir maw

Tuilairap rai rah nun hman chuan

Damlai ni ka chhiar thei lo