DROPDOWN MENU

Tuesday, December 16, 2014

44/2015 Christmas All around

ISOLATION HAS REFUSED TO ACCEPT ME


Chutia hna thawh tur awl taka ka awm lai chuan mipui chetla leh krismas inbuatsaihna hrang hrang chu ka thlir reng a. Mipui an phu nuaih nuaih a, Krismas inbuatsaihna atan neih belh tumin sum an seng a, hun an seng ral a, ui reng an nei lo. A eng thei a eng a, a de chi a phe zuai zuai a, Rawng hlui hliah khuh nan rawng tharin an tlak a, lang thei lai zawng zawng chu a thar vek emaw tih tur a ni. Chu ngei chu a ni an tana Krismas chu.

Wednesday, December 10, 2014

43/2014 Mail from Tahan & My Response

from Hrangthanfela, Revd.
Tahan Theological College,
Tahan-Kaleymyo,
Sagaing Division, Myanmar.


      Revd Hrangthanfela Kawlram Presbytrian Kohhran Lairam Synod hnuaia rawngbawl mek, tuna Tahan Theological College a M.Div final bei mek chuan ka lehkhabu ziak Tlakawrh kha a lo lei ve a. A tha a tih thu min hrilh a. A final thesis tur hi Counseling for Sick and the Berieved a ni. Heti ang lam hawi lehkhabu hi Tahan-ah a awm lova, a buai ru ang reng hle tih thu min lo hrilh a.

Wednesday, November 19, 2014

42/2014 Shared grief is half the sorrow

DAMDAWIIN TUKVERH

Mi pahnih hi natna khirh tak avangin damdawiin room pakhatah hian an awm a. Mi pakhat zawk chu a khumah darkar khat chhung chu tukverh bula chawhnu tlai lama thut an phalsak thin a. A lung (Lung) atanga tui luanchhuah a awlsam phah dawn avangin an phal a ni. A khum chu room leh lama hnaih tukverh bula awm a ni.

41/2014 I'm their's

KA RUK A NI LO

Aizawl leh Saiha lama ka Unaute chhungkua, tu leh fate lo haw meuh chuan chanchin leh chin thran mak tak tak mai an lo hawn a, Tawngzia leh thluk pawh a dang narawh e. Inpawh tala Krismas hmang ni mah ila nuihzatthlak tak tak kan tawng ve a. Liamtir mai chu uihawm tak a nih avangin dah that nan ka han ziak a ni. 

Monday, November 10, 2014

40/2014 Psyched Chen

DEPRESSION

The term ‘Depression’ includes a variety of negative moods and behavior changes. It can be a  normal mood fluctuation or some requires a clinical treatment. The mood change may be temporary or long lasting. While depression plays a role in most mood disorders, the word ‘depression’ plays a role in our everyday language. It is very important to know that feeling depressed is not the same thing as having a depressive disorder. 

39/2014 Contextual Mission

Mission leh Hnam nun mila rawngbawl

Thinlunga a tul a ni tih hriatna leh turtu awm avangin mi tam takin kal chhuakin hun an lo hmang tawh a, mi dangte tihfin tum leh hrilhfiah a, mi dangte tana malsawmna ni turin an hun, tha leh zung an lo seng tawh a ni. Khawvela sakhaw lian tak tak te zingah Mihring beidawnna avanga Pathian zawngin thlamuantu leh Thlamuanna an zawng \hin a. Kristiante erawh chu Pathianin min zawng chhuak zawk a ni tih thu hril turin Missionary kan tir \hin. Hei hi kan danglamna bik a nih rualin khawvela hnam hrang hrang mizia erawh kan ngaihthah thei lo ang. 

Thursday, October 30, 2014

38/2014 Living God

KEI CHU PA KA NEI

Ka thian,
Thats my dad
Mihring hi a lo pian chuan mipa a tel a ngai a, A fa tan Pa a awm a ngai a ni. Mihring lo piang chu mi ten ‘tu nge a pa ni ang’ an tih chang a, sawi tur an hriat loh fahrah an awm a. “Tunge a pa?” tih an inrinsiak lai leh "Ka pa" tih tur hming sawi tur an an neih loh lai hian kei chuan ka pa hming ka hria a, pa ka nei ngei a ni tih a chiang e. ‘Tu hi nge a Pa ber ni ang’ tih an inrinsiak lai a, rin ngai lo tura chiang sa Pa ka nei hi falak ka ni lo tih a chiang a. Ka nu hi dem tur ka lo ni lo. Kapa tih tur nei pawhin an pa te zahpuiawm a khawsa an awm a, an vanduai hle. Inremlohna avang leh remchan lohna avanga pa te hming atana mi dang hming hmang ta zawk an awm a. Chuti ang mi te chuan 'Lung delh loh thing delh loh chu an thang lian ve ngai e' tia pa ten an thihsan vang emaw Pa enkawltu an neih loh laiin; nu leh pa zarah chawmtu  Pi leh Pu an neih a ngai a ni. Chuti ang ngai lo chuan Pa ka nei. 

Wednesday, October 29, 2014

37/2014 Luangliam

THERE GOES MY EVERYTHING - ELVIS PRESLEY

Ka nun khua a har chang leh ka hlim leh lawm chang hian hriat chhuah pa khat ka nei fo thin a. Chu chu engdang ni lovin ka inhnemna hla “There goes my everything –Elvis Presley” hla hi a ni. Ka kum hian a zir nge ka nunkhua hian a zir zawk pawh hre ka hre lo, ka thil tawn ang hi hla phuahthiam leh zaithiam te hian an lo tawng thin tawh zawk em ni le? Tukverhah ka dak chhuak a, Damlo mangang leh khawhar, chau tak an awm lai hian keimah chauh ka lo inngaihtuah fo thin a. Inthiam lo hle mah ila, ka hringnuna ruak awm te ang hi mi zawng zawngin an nei fo thin a. Mi pangngai ka nihna a ni lawi si.

Tuesday, October 28, 2014

36/2014 For Mizo Girls Hostel-shillong

KRISMAS MI DANGTE TAN

College kal haw chu thian pathum te bazar turin an insiam a, Krismas hla an play riai riai a.

Sicily  :  Pawisa ka nei vak lo na chungin, ka chhungte leh thiante thil hawn kim hram ka duh sia, a man tlawm deuh zawn a ngai leh dawn a ni.

Msi : Hawn sak vak a ngai em ni? I chhungte kha thawmhnaw hawn sak la, a bak zawng chu Beer hawn la, I thiante chu an lawm tho ang. Mizoramah chuan hlu tak a ni.

Tuesday, October 21, 2014

35/2014 The Making of Music Video

KA ZAWH LAMTLUANG 

Birthday Present
Ka Piancham :   Ka piancham a ni a, ka thiante pahnih CR Laldingliani leh C.Vanlalawmawii hnen atangin Piancham lawmna thilpek hlu tak mai, ka duhzawng leh ngaihhlut ber lehkhabu ka dawng nawlh mai. ‘Ka zawh lamtluang’ tih Rev H. Lengluta ziak a ni. Ka va han lawm thin tak em! Tarmawi mai atan lehkhabu ka lei ngai lo a, ka chhiar ve hram hram thin. Chumi hrereng chung chuan “chhiar chhuak ngei ngei tur a ni” tih order hi a inziak bawk a. He lehkhabu kher hi min pekchhan hi ka hre lo a, a ziaktu hi ka mi ngainat chi a nih thu an hre tehreng emaw ni. Mahse tum an lo nei reng zawk a.

Friday, October 03, 2014

34/2014 Ten advises for val senior

ZAWHNA MILA CHHAN DAN TUR


Mizo Society-a Pressure na tak mai pakhat chu Tlangval leh nupui nei lo, kum upa lam te kan zawhna zawh dan hi a ni. "Nupui neih tawh rawh" an tih fo che chuan thurawn sawm ka pe ang che. I duh ber zinga pakhat hmang khian i chhang thin dawn a nia.An zawt nawn leh ngai tawh lo ang che

Wednesday, October 01, 2014

33/2014 Reiek Hill Resort

REIEK : Anthurium Festival


the girl from yesterday
    Reiek tlang hi kan zawlkhawpui atang lo chuan ka la chuan ngai lo a. Lehkhazir leh Hostel awm ve laia hun tha bawhpelh laklawh tan chuan kal mai hi a lo har a, huau huau leh chawlhna tan ka hmang ve ngai ta meuh lo chu a ni e. Ka ni chhinchhiah bik thin, Tahrik ni 25 september 2014 chuan Pisa thilah inhmuhkhawm kan nei a, chumi tuk chuan then leh rual te nen Reiek tlang ka chuan a, Anthurium Festival neih lai hun a ni vei nen thil inhmeh tak a ni. Ka u khawl thirsakawr chu a tui intum chawpin ka hmansak a, ka thiannu leh a unaunu te, ka thianpa Thlate-a Kawrthahpa an tih bawk te nen kal tuma kan intintuah laiin, Tebawihi erawh chhungkaw lam buaina avangin a kal ve thei ta lo a. Khingbai tak leh rilru kim lo tak chungin kan kal ta a. Reiek khua chu tluk leh dingawn, tleng  leh berh tak chungin rei tak chhung kan kal a ni. Damlai kawngchhuk chho zawhtu ten kawng chhukchho kan zawh nawn leh ang chiah hian a bumbohvin a khirh khan hle mai.

Wednesday, September 10, 2014

32/2014 A tiamtu chu a rinawm si

RINAWMNA CHU THIH THLENGIN A FAMKIM THIN

‘Hlau suh, Zam hek suh fiahna a ni’
Rinawmna chu thih thlengin a famkim thin
Ni 26.07.2014 khan Zobawk North Pastor Bial zaipawl te chuan Nehemia Prayer Mountain, Tlawng hnarah Retreat kan nei a. He hunah hian Tawngtai, Bethel, Praise & Worship, Pathian thu, zai leh lam, amah fak leh chawimawi kawnga hmasawnna thar nei a, kan intuaithar leh theih beisei vang a ni. Bial Music Worhsip Committee hruaitute leh Bialtu Pastor Rev F. Lalsangliana ten min ho thei a.  Kei ngei pawh Minute 25 chhung duh duh dana hun hmang turin programmee min pe ve a. Pathian Malsawmna hre tur leh a ropuizia hre turin Social Group Work pakhat kan  ti a. Hunin min daih lo chungin nuam k/an ti ve hle in ka hria a. Ka lawm hle. 


Tuesday, September 09, 2014

31/2014 Nufa inkar thu

PERSONAL LUANGLIAM 

The precious Gift Ever on Earth
Thiam leh thiam lova hun hmang mek, hriat nei tlem tak, hriatna beng tha vak tawh lo zonu mawl tak chuan sehchilh deuh tak hian a tawng nuap nuap a. A rin erawh a hrechiang hle a, a sawifiah thiam lo mai a ni. Ani chuan Sam 86.3-7 a chhiar a. “Pathian hi kan inhumhimna leh kan ropuina a ni a. Amah autu te chu a tanpui thin. Keini chhungkaw tan hi chuan a hlu em em a ni…..” thu tam a sawi lo a, heti zawng hian min sawi chhan ta tlat hian ka hria a ni. Sawi fak lo mahse, min sawi chhan ka ti lo thei lo. 

Friday, September 05, 2014

30/2014 TEACHERS DAY

Kan ropui lo tlang a nia!

Kum tam tak liam tawha kan sikul kha ka mitthla hian a la hmu fo thin. Kha Skul kha in tha leh changkang chu a ni lo, zirlaite pawh kha mi ropui tak an awm lo a, ropui sa lah an awm hek lo. Mi ropui tih tur zirlai a chher chhuak em tih ngaihtuah ai chuan kha sikul paltlang lo te khan hringnun ropui tak an zawh ka hre lo zawk a ni. Zirtirtu kha Class khata pakhat daih chiah kan nei thin a, an ohun ri ka hre lo a, hnual awm hmel lah an pu hek lo. Chuti chung chuan ban hun leh tan hun kha a ngai reng a, Game ni emaw Work ni emaw tiin hun an siam hran lo a, Zirlaite mamawh ang leh Zirna mamawh dan azirin Pu Head-a khan ngaihdan a siam mai thin a ni.

Friday, August 29, 2014

30/2014 Ka che chhia

KA MICROSOFT DIARY 28/8/14

Tukin zing tawngtai inkhawmah Damlo tawngtaipui ngai min chah kha sawilan ve ka duh avangin Tawngtai Subject-ah a dam zawka ka han thawh heu a nih kha. Hria an awm a nih chuan an nui nasa ve khawp ang, mahse an hre lo a nih ka ring, tumah an nui chhuak lo. Ka ti diklo a ni tih ka sawi nawn duh ta lo a, Tawngtaina chhangtu Pathian chuan engkim a hriat kha maw. Khanu tawngtai khan min awia ka mu thlu pek a, mu thlu ah pawh Upa T kaihthawh ngai khawpin. Ka lumen vang vek a ni.


Thursday, August 21, 2014

29/2014 Self X-Ray

X – Ray

Kum 1895 khan Wilhelm K. Roentgen chuan X-Ray a hmuh chhuak a, hemi avang hian khawvelah thihna tur tam tak pumpelh a ni. Natna hrang hrang hmuhchhuah nana X-Ray an hman hi Eng chak tak, Ray hlauhawm tak a ni a, a hlauhawmna ai chuan thil tha a thawh theihna hian hriat a hlawh ta zawk a ni.  Chhungril lam enna anih angin a tangkai hle. Natna hmuhchhuah a nih hian rilru huaisen leh tum ruh tan chuan a tangkai hle a, inenkawl dan tur hriattheihna a nih avangin. Rilru hlauthawng leh dawihzepa khat tan chua mahni dinhmun leh natna hmuhchhuah hi a lawmawm lo a, a beidawn thlak thin. Nimahsela, huaisen emaw dawihzep tan pawh thil tangkai tak chu a ni reng reng a ni.

Saturday, August 16, 2014

28/2014 Count blessings

MALSAWMNA
Bible : Sam 139.14 , Sam 103.1-5, Geneis 3.3)    
“Aw Lalpa lawmthu kan sawi e,
Ei leh in silfen te nen,
Boruak thianghlim ni eng leh ruahsur
Malsawmna tinreng te nen”

Amah chu malsawmna hnar a ni :
Mihring siam kan nih dan hi i chhut ngai em? Kan pianphung (Structure)  kan taksa inremkhawm dan te leh kan mizia, kan ngaihtuahna te miin an zirchiang a, an thil hriatdan te kan lo chhiar a, kan lo hre ve riai ruai a. Mak tih dan pawh kan thiam lo zawk mai thei a ni. Pathian hian engti turin nge min siam tih hi i ngaihtuah ngai em? Amah fak leh chawimawi tur te, a malsawmna ngaihtuah thiam tur te hian min duh a ni. A thilpek ropui zozai kan dawn tawh, kan dawn mek te, kan la dawn leh tur te hi malsawmna chu a ni. Malsawmna eng eng nge i dawn tawh  le? I hmuh theihna te, i hriat theihna te, a tui leh tui loh hriatna te, rimtui i hriat theihna leh i khawih a, i kal theihna kha engvang nge ni ang? Mit del emaw bengngawng emaw tawng thei lo-ah emaw vawi khat tal i inchan tawh em? 

Wednesday, August 06, 2014

27/2014 Left me with no choice

HMANGAIH KA CHAN A;
 HMANGAIHTU I CHAN VE THO ASIN!

Khatia hringnun khawhar tak mai zawh tura min kalsan atang khan kim lo tak chungin hunbi ka chhiar a, tun hi ka thleng ta a ni. Khuareiin min hnem ve mai tura min hrilh lai khan Khuarei rei turzia reng ka lo hre lo. Ka nunah hian khuarei hi a thleng ngai dawn lo a ni ang tiin ka ngaihtuah thin a, tih theih ka nei lo a ni. A thlakna emaw hmangaih dang emaw zawng thin mah ila, nangmah ang reng hi chu ka hmu si lo. Pathianin mihring a siam dan lo danglam bikzia ka hria a, nangmah ang hi ka zawng ngai tawh lo a. Tlang sang tak pawh lawn chhuak ila, chu aia tlang sang dang lawn tur a lo awm leh zel a, ka thleng ngai dawn lo tih ka hre thiam erawh  chuan kal zel turin min nawr a, ka vanneih phah hle a ni.

Sunday, July 27, 2014

26/2014 STAND BY ME

STAND BY ME

Every rose has its thorn
Just like every night has its dawn
Just like every cowboy sings his sad, sad song - poison

Kham kara saisu pawhin mawina a neih a, kumkhaw harsatna an pal tlang thei a, vui mawi tak a chhuah theih chuan kan hringnun hian harsatna te chu kan tuarchhuak thei ang tiin kan suangtuah thin kha I la hria em? Saisu pawh kihthluk a nih loh chuan a kawr kheh satliah hi a thih phah lo a, khua reiin a tuam mawi leh thin. Vante khi chimin, tlangte hi tuifinriatah insawn dawn mah sela, nang ka kianga I awm chhung chuan ka hlau lo ang a, ka tap hek lo ang tih min hrilh lai khan fiamthu I sawi lo a, mi thianghlim lawr emaw Pathian thu rawngkaiah pawh kan ngai hek lo.

25/2014 Tehkhin thu

LALPA LAWNG ANG MAI KA NIH HI
(Ram sazu ang nen )

Khazauhrat a lo thleng thut a, khua pawh hawi hlei thei lo khawpin bing chuk chukin ka awm a. A ngaihna hre lova ka awm lai chuan ‘Ka thi nge ka dam’ tiin ka ngaihtuah nghal a. ‘Ka thi lo a ni ang, ka chhia leh tha hriatna pawh a la fim kak mai’ tiin ka insik a. Inlarna ka hmu ti dawn ila, a thim thuap lawi si. Mangang taka ka awm lai chuan Khawchan a lo eng phut a, min kang fai vek dawn emaw ka thi ngei dawn emaw a nih hi ka ti hman zet a, ka hriat leh chuan Boruak Lawnga chuang ang maiin ka kang ta delh delh a.

24/2014 Birthday present

NI ENG LO CHHUAH NGHAKIN
(27th July 2014 ka birthday pualin aw)

25 years of my life and still
I’m trying to get up that great big hill of hope

For a destination - 4Non Blondes


Kum khuaa ka nawmsak ve theihna tura beiseina sang tak ka neih lai hian engtizia nge heti maia ka nunkhua hi ka hman tak le? Harsatna leh buaina, manganna ka tawh hian min hnehin ka kun tlawk tlawk a. Ka khawvel hi a thim a, beiseina reng ka nei lo. Awm dan tur pawh ngaihtuah thiam lovin ka khawvel hi a thim mup niin ka hria a, ni enga lo chhuak dawn a, chu hun chu ka thlir thiam lo a ni. Engkim hi behchhan leh hmehbel tur hlirin ka ngai a. Ka thinlunga rum ri hi khawpui ri ai chuan a nep chuang lo a, reh ve thei lo tura min thunun tlat avangin. Rim takin ka thawk a, beiseina thar ka neih lai hian engti zia nge hlawhchhamna chauh hi ka chungah a lo thlen thin!

Friday, July 18, 2014

23/2014 Self Help

PATHIANIN MAHNI INTANPUI A TANPUI THIN

Ka thian,

“Lungawina reng reng a awm lo” tiin damlai khawvel hi I lo thlahlel lo maw? I chantawk leh harsatna I hmachhawn te kha tlansan tum lovin I nguai a, I kur dup thin a ni ti raw? Mite nun I hliam tawh te, an pawi I lo sawi tawhah te, I duh loh zawng I lo tih fo-ah te inchhir reng rengin I hun I hmang thin em? Tihsual leh daibuak I neih changing an en bik che a, an mit fukna bikin niin I in hre fo thin ti raw? An ngaihdan leh an rinthu bak sawi tur an nei lo asin. I inphawrh fai leuh a nih loh chuan thudik an hre tak tak thei lo. I chanchin chu an hriat dan danin lo hria se, an rinthu chu lo bawl phuan ta vak pawh nise eng nge pawi? An ni avanga I tum ram leh nundan sawh sawn tur khawpin eng pawimawhna nge an neih?

Monday, June 23, 2014

22/2014 A Testimony of My Friend

KA NUN LEH HIV/AIDS

(Kan thawhpui mah nise, ka hnenah a lo kal a, he thu a ziah sa hi edit sak turin min ngen a, ka type sak lai chuan a thinlung hi a na thar leh a ni tih a awka chhuak a\angin ka hre thei a. Siam \hat ngai siam \ha in ka han blogging ve mai a ni. Ama phalna angin. Mi dangte tana malsawmna ni tur leh PLHIV pui tur erawh chuan hlim takin hun a hmang thei zel a ni tih ka hriatna hian min ngaihsaktir zual hle)

Vawiin thleng mai pawha khawvel hnam hrang hrang leh he kan ram te tak te pawhina kan ngaihven leh buaipui em em, tun darkar thleng pawha a damna tur, khawvel thiamna leh finna pawhin a la hmuh chhuah theih loh ram leh hnam khawtlang leh chhungkua, kohhran mimal nun min sawi sa a, min tichhe mektu natna hlauhawm leh tihbaiawm tak mai hi lo hmelhriat/khual hriat ve an chuan a vei leh a tuartu te hi hmusita endawng mai hi a awl fo \hin a. A chhan chu misual awm \ha duh lo Drug Addict, KS, MSM leh FSW natnaa ngaih vang a ni. Mahse, kan rinloh tak tak, mi \ha leh fel, kohhran leh khawtlang tana mi tangkai tak tak te natna pawh a alo ni ve reng si a. Tumah thlei bik a nei si lo, ka rilru-ah zawhna lian tak mai vawiin thlenga la cham reng chu he natna lo hmuchuaktu khan mi \ha leh fel tak hnen a\angin lo hmu ta se, kan en dan leh thlirdan te hi a danglama  ang em le tih hi a ni. He kan zoramah ngei pawh hian hrechiang inti apiang te hian kan lo hriat chian tawk lohzia hi a lang leh fo \hin. 

Tuesday, June 17, 2014

21/2014 Rumours, Hoax

FINFIAH LOH : THUTHANG

Social network, a bikin Facebook hian engati nge kan rilru zawng zawng hi a hriat le tih zawhna mawlmang tak hi awm ta sela, a mawl ang anga chhang tur chuan hmanruaa kan hman hian thuthang thehdarh nan hmanrua-ah min hmang zawk a ni tiin chhang ila a fiah mai awm e!! Kan ngaihtuahna te, kan duhzawng leh lawmzawng, kan engkim thehdarhna atana kan hman tak avang hian dem ngawt theih pawh a ni lo. Thenkhatin Fiamthu hrang hrang thehdarhin, thenkhat Chat lama lo inkawm thin te, mi thenkhat tana Finvarna leh fiamthu hmanga in hnialna atan kan hmang fo thin. Thian tha leh hmelma siamna hmanrua pawh a ni e.  Rilrua lang bak sawichhuah tur a awm loh avangin rilrua thup chunga hman reng hi thil theih loh thawthang a ni lawi si.

Friday, June 06, 2014

20/2014 Khawnge Pathian chhanna chu God's Answer

KHAWNGE PATHIAN CHHANNA CHU?

‘Mikhual chamrei a thlenin tena an hnar theih loh, a fiamthu nen lama an ngei rawn tawh, lanchhuahtir ngam si loh ang’ pawh kha kan ni mai thei e. Mahse, kan nun hi a ruakin nunhlui i chhuikir thin em?. Lungawina leh inhnem tumin bei thin mah ila, a vuaklet a na ting mai a nih hi. Tu emaw avanga buai tawh lo tur emaw-in an ngen lawm lawm thin che em? Zawm tumin bei ila, mahni leh mahni inhnek thin mah la I taksa lamin a tuar lo thei lo a nih kha ti raw?  Khua reiin a la hnem ve mai ang che pawh I ti a nih ka ring thin a, chu chu kan duhdan leh tum dan pawh a ni a, mahse khuarei hi a rei a, engchen hi nge khuarei chu ni ta ang tih I zawt fo thin em?

Wednesday, May 28, 2014

19/2014 SOCIAL NETWORK

SOCIAL NOTWORKING


Adama nun khawharna tur ngai ngam lova, a kawppui Evi pek a nih khan hlimna tluantling a awm dawn emaw tih laiin, Boralna thlentu mai a lo ni a. Mahni chauha awm phal lova chi tam tak thlah tura malsawmna vurtu Pathian hian awm ho leh chen ho hlutzia a hria a ni ang, heti ang tura min siam ka ti thin.

Tuesday, May 20, 2014

18/2014 Ka pa tan Ka nu'n

EVERY DAY IS MY MOTHER'S DAY
Model : Ka nu, Camera : Galaxy GT-S7562, @Ka pa thlan

Kan thlanmuala vung thar chhuah hi thil thlakhlelawm a ni lo a. Khawiah mah a chakawm ngai lo ang. Mahse vung thar kan la chhuah ve ang a, Chu hunah chuan engtin nge min hriatreng dan ni ang a, kum tam tak ralhnu-ah pawh tu nge min hrereng ang le?


Chutia bung hlim hnuaia ka thut reng lai chuan ka en reng a. Kum tam tak kal ta a, a hmangaih boral ta thlan a tlawh ni chuan a hnim ruih zel a. Hun rei tak buaipuiin Hrehawmna nasa tak tawng thin mahse harsat thlenna, ngaithlatu leh ngaihsaktu a neih lai chuan chan tawkah a lungawi thin a. Rilru hmun khat pu-a 'Ih maw.' tih hrilh tur nei lo, tu leh fate tana inhmang zo chuan harsatna a tawh chang hian a van ruai ruai thin a, chu hrehawmna nasa tak paltlang chu a lunglenna ber niin, a lunglenna kaih thawh hi nuam a ti thin. 

17/2014 ONLY THE LAST LINE

HERO TO ZERO

Mi ngaihsanawm leh mi chhuanawm, mi dangte tana hlutna nasa tak nei te hi anmahni insengso leh inchhiral hmasa-in hun an hmang thin a. An thiamna leh theihna, an finna zawng zawng hi inpumpeknaa a khah thin avangin mi ngaihsanawm an lo ni thei thin. Mite aia chungchuanna leh dinhmun sang luahtu an nih thin avangin HERO chu ngaihsan an ni thin  a ni.

Thursday, May 15, 2014

16/2014 Chan loh khanah

TLANGVAL KHA PATHLAWI A LO NI ZAWK A

Tomir thla Ni 14 zan, kum 2014-a Evangelical Cell rawngbawlna chungchang ngaihtuaha kan kalkhawm hnu-ah khan tihfel ngai leh chinfel ngai ching fel a, paih thawl ngai zawng zawng te, ek-in lama paih chhuak a, ka inbunruah lai chuan kan thusawi hrang hrang te thlir kirin ka indawm kun a, sek phiar fan fan chungin ka ngaihtuah let a. Mihring tupawhin inbunruahna leh a thil ngaihtuah te a rinngam leh rin zawng hnena hrilh hi a mamawh a ni tih hi chu a lo va dik tak em! Harsatna emaw lawmna emaw kan tawh chang te hian hrilh tur zawngin kan phi ruai thin a nih hi. Hrilh chawp ngai lo a, min lawmpui leh min tawrhpuitu te chu kan rilru hian a pawh em em thin a ni.

15/2014 Dah maia

GLOBAL VILLAGE LEH SAVA BU 

Manmohan Singh te ho LPG tuipui phak vek mah suh ila, kei zopa hriatdanah chuan LPG alh thei chi hi avang a ni tih erawh chiang takin ka hria a, chung chu kan tunlai khawvel a ni miau si a. Chuti ang dinhmun hre vi viai thei tura ngaihtuahna ka sen lai chuan mihring finthuruk hi khawvel leh mihring finna hian a ngaihtuah chhuak thiam si lo. Kan ram hi a chhunglam leh lang theiah a tlu chhia tih ngaihtuahna seng ngai miah lo kan va tam em!!

Keini ang sikul chhe chhuak tan chuan khawvel changkanna leh hmasawnna, thil ropui tak tak siam chawp te, lirthei leh lir thei lo man tam tak tak te hlutna hi kan chhut thiam si lo a. A man pawisa pek dawna a hlutna the dawnin a tam lam leh a zatah hrethiam mah ila, a thawhchhuah leh a khawl khawma hlutna-ah hian kan hrethsiam ve tak tak si lo.

Tuesday, May 13, 2014

14/2014 The very very most important

HMANGAIHNA
“Hmangaihna famkim a lang thin,
Engkim huama tuarna hmunah chuanin”

Thianpa Sermon ka ngaihthlak hnua, Lumenna lama kan zai chhung zawngin hmangaihna thu hi a lo lang a, Pathian hmangaihna leh Mihring hmangaihna hi ka ngaihtuah tawp hlei thei lo. A sawi dan ang chiah pawh a ni lo a, a lo ang deuh a ni ta a nih leh min hneh (influence) ah ka ngai mai ang. Ziaka dah that hi tha in ka hria a, ziakin ka dah ta a ni. 

Monday, May 12, 2014

13/2014 ADELE'S SONG

MIN HMANGAIH CHHAN KHA I LA HRERENG EM?


Rih dil, Mobile photography

Hmangaih di then chu tuarthiam a har thin a ni ang, khawvel thu leh hla tha tam tak hi thinlung luangliam leh tuiral atanga thu leh hla tha lo chhuak a ni si a. Sap hla zinga ka ngaihthlak tam pawl tak, Adele leh a hla chungchang ngaihtuah melh melh chungin nunhlui ka thlir a, chu chu chin /han a ni a. Lunglen hi thil nuam tak, hrehawmna atanga malsawmna chhiar dan a ni a, Khawhar ngaithei lo tan erawh thl hrehawm tak a ni ve ang chu. Chutia ka tukverh atanga thli thaw seng seng kara thing chawrno, phe hlep hlep ka thlir reng lai chuan  kum tak tak ral ta a, a chanchin min hrilh kha ka hre chhuak a, ka ngaihtuah let a. Khatih laia ka lo ngaihtuah tawk lo kha pawi ka ti hnuhnawh hle a ni.

Friday, April 25, 2014

12/2014 HNAM MUALPHONA HI KAN MIZIA VANG

ENGVANGIN NGE INDIA MITE CHAUH AN PIAN NAWN THIN

Vantirhkoh Gabriel-a chu Pathian hnenah a kal a, "Sawi duh ka nei. Hetah vanramah hian India mite an lokal ve a, harsatna tam tak an thlen nghal a ni".  Tuikeplunga siam Gate-ah te an uai a, ka tlangauna te a bo a, Thui loh kawr aiah sari te an ha a, sakawr tawlailir aiah Mercedes leh BMW car te an khalh a, anmahni chawimawina bik belval kual te chu man tlawm zawkin an hralh a, Samosa leh thingpui in paha kawng dalin, vanram kawtchhuah kawng te chu an dip dal reng a, mi thenkhat te chu thla pakhat chauh, khingbai tak vuahin an tei reng zel bawk a ni tiin.

Thursday, April 24, 2014

11/2014 Ka va hman em!!

INNGAIHTUAH LUNGLENG ANG

Kan chhuahna sikul, mi puitlinga chherchhuaktu tih pawh zahthlak khawpin an inthlahdul ta a nih. Zitirtute hi kan khaw kohhrana hruaitu leh Upa min tak tak te an ni a, khawtlang leh kohranah chuan mi rawntlak an ni the meuh mai. Sikul leh a velah chuan hlawh chungchang leh kohhran khawmpui an seprawtui ber thin a. Devotion thlengin an sawi thin a, an ngaipawimawh a ni tih a tilang hle. Private sikul te an tang em em a, Zirlai mumal pawh an nei thei tawh lo, Private sikul lama fee harsa deuh te chauhin an bawh tawh a, sikul naupang leh zirtirtu an inzat trep tawh a ni. Thawm bengchhen kawngah chuan zirlai aiin zirtirtu nuiri leh infiamri a ring zawk mah ang tih tur khawpin naupang pawh an inthlahdah tawh a ni. An thawhrim rahah an lungawi lo ni lovin, an lungawina tur khawp hna an thawk thei lo ni berin ka hria a. Thalai hna hmu lo, eizawnna mumal nei lo, lehkhathiam bawk si an tam tawh teh lul nen, mi dang ena inteh lungawi loh chi a ni dawn em ni??

Thursday, April 17, 2014

10/2014 Lemchan chungchang lawrkhawm

LEMCHANGTUTE HRIATTUR

Drama, Lemchan kan tih fo chungchang hi mithiamte thuziak khaikhawmin sawi tum ila. Hmanlai Grik mi ten 3000-2000BC vel atanga an lo chin tanah ngaih a ni a. An pathian biak dan leh sakhuana-in a kaihhnawih atanga lo intan chhuak niin an ngai a ni. Darkar khat atanga darkar li vel chhung chan a ni thin a. Hmanlaia Grik hunah chuan Chaw ei kham atangin Drama (Tragedy) pali te an en thin a, chumi hnu-a mipui rilru ngui chawh harh nan Short Play (Drama tawi) darkar chanve chhungte an chang thin a ni. Kum zabi 19na hun laia Radio leh TV lo chhuah atang hian tunlaia lemchan tawi erawh hi chu vawrh lar a ni. Lemchan tawi, 15 minutes play emaw Skit emaw pawh a hming pu thin mah sela Drama/lemchan kalphung hi a bosan ngai lo a ni.

Wednesday, April 09, 2014

9/2014 Palm Sunday

LALPAN A DUH A NI
(Matthaia  21: 8)

Lal Isua kha a damchhungin mipui vantlang zinga chawimawia a awm chhun chu Jerusalema Lal anga a luh ni kha a ni a. Lal a nihzia amah ngeiin a puanchhuak bawk a nih kha. A damlai chu sawi loh, kum 300 a liam hnu-ah chauh khan he ni, Tumkau Pathianni an lo serh \an a ni. Chuvangin Tumkau Pathianni hian Hnehna nena Jerusamlema luh ni an ti bawk \hin. Hemi hun laia Lal Isua rawngbawlna hi Jerusamlem khawpuiah a tlem zawk a, Vantlang hriata a luh awmchhun pawh a ni awm e. Amah ringtu leh zuitu, ringhlel zawng zawng nen lama chawimawia a awm hun a ni. 

Saturday, March 22, 2014

8/2014 Praise the Lord

CHATUANA FAK TUR KAN NI
( Bible : Sam 150.6, Rom 14.11)

Pathian lungti awia, a thupek zawm tur chuan chibai buka, fak tur kan ni. Thilsiam zawng zawng hnena chanchin tha hril tura thupek mai a ni lo a, Amah fak turin thilsiam, engkim thaw thei tawh phawt chuan fak ngei ngei tura thupek kan ni. Tunge zawm lo ngam awm ang? Chibai buka kun duh lo, inthlahdah leh harsatna siamchawp thin kan nih pawhin engtikah emaw, kan duh emaw duh lo emaw chibai bukin kan kun ang a, amah hi kan fak a la ngai dawn tho tho a ni. Chibai bukna thinlung chu chhungril atanga chhuak a nih hian inpekna a tel thin a ni. Fak leh chawimawi leh chuan dan awm lo kan Pathian hi a ropui a, a pangngai reng bawk. 

Tuesday, March 18, 2014

7/2014 Tihmakmawh

KRISTIANNA LEH ENVIRONMENT HUMHALH

Thaizawl : Zorama Mau
Environment chu thil siam tihna a ni :
Pathianin lei leh van A siam khan lei hi a chhia-in a ruak vek a (Gen 1.1-2) Khawvela engmah awm lo kha ni ruk chhung hnathawkin a siam a, thil siam nana A hun hman rei zawng enin thil siam te hi intluktlang vek kan ni a. A thil siam te zingah erawh chuan Thlarau nei  mihringte chu A dah chungnungin, chung A thil siam te enkawltu atan chuan mihringte min ruat ta a ni. A thil siam te chu an boral mai phal lo vin, Nova lawng hmangin  nen a rualin min chhan chhuak a, chimit lo vin khawvelah kan la cheng ho thei ta a nih hi(1) Kan chhehvela awm te chu min hualveltu an ni a, a French tawngin "Environ" tih an hmang a, Environment (Min hualveltu) tih tawngkam a lo chhuak ta a ni. Kan chhehvela awm hmuh theih leh hmuh theih loh thleng hian a huam a.(2)  Hrilhfiahna dang rawn lo vin,  Bible tawngkam takin, "Thil siam te  hi Environment an ni" tihna a nih chu. Tun tumah hian ramngaw, thing leh mau, nungcha; leilung chhunga cheng kan hmuh theih leh hmuh theih loh thlur bingin, kan khawtlang huapa tangkai tur en ila.

6/2014 Open Letter

A LETTER TO THE MIZORAM STATE LIBRARIAN

            Ka pu, I hmel a tha em ka hre lo a, I aw erawh a zaidam aw hle tih ka hria a, I hming chauh hi thu maia hria ka nih avangin mi lar tak chu I ni. Mizoram zimzia an sawi thin dik lohna leh Aizawl khawpawn tana Mizoram zauzia a tarlang theiin ka hria. I hmel hmu tur chuan hun leh tha tam tak sen a ngaih avangin lehkha ka lo thawn ta mai che a, i thinur phah em lo ang chu maw! I lo thinur palh a nih pawhin i mize hre hmasa lova lehkha thawn che ka nih tlat avangin a mawh chu ka phur mai ta law’ng. Ka ziak zet na-a, ka thawn tak tak ang em tih erawh ka la hre lo a ni.

Thursday, February 20, 2014

5/2014 YES ti ve mai thin la

YES, AW TIHNA

Thupui mawl mang tak darhzau thei lawi si, funkim tak thuziak chhiar tur a awm lo ang tih ka hlau hlel lo e. Researcher te thupui thlan hi word 10 vel a ni thin a, zirchianna thupui thlan chhuah chuan a funkim hle tur a ni a, a ziak len zawng 12 fonts leh tlar zau zawng pawh single  a ni tur a ni tih nen kha chuan a inang lo hle mai. Research guide duh khirh leh thiam uchuak vanga hlawhchham ta pawh ni lovin, Regular theih loh vang leh Guide indaih leh tak loh thut avanga Research Scholar ka ni thei ta lo, ka beidawnzia ka ngaihtuah a. Research Guide duhzawng ngaihtuah a, YES ti khan lo chhang mai thei ila, ka tuina leh duh zawng thupui kha thlang lo ila ka hlawhtlin theih ka ring ve rum rum. Tunah lem duh duh dana phuahchawp turin zalenna ka nei a. Ava zalen mah mah em!!

Wednesday, January 29, 2014

4/2014 Dont looked only East, But Learn

Internation Border Trade Centre : Zokhawthar

Mizoram atanga Myanmar kalna lei
Ni 6-11 Jan 2014 inkar khan Champhai leh a chheh vela zin tura sawmna Tlabung Journalists Association hruaitute atangin sawmna ka dawng nawlh mai a. Chawlh lai a nih bawk avangin ka tawiawm ve ta a. Chuta ka thil hmuh leh hriat, ngaihtuahna vakvel chu tarlan ka tum a. Ka ngaihdan leh hmuh dan liau liau a nih avangin a zalen deuh a, ka lo fawmkem hnem deuh a nih pawhin inhriatthiamah kan ti a ni ang chu. Beiseina nena thlirtu tan chuan bei a dawng fo thin.

Wednesday, January 15, 2014

3/2014 A man of Principle

Liantea sulhnu ka chhui

                Tlabung Journalist Association hruaitu te chuan Border Trade chungchang phak ang tawka zir chiang tur leh Vacation laia rihdil kama chawl hahdama Press tour-a kal ve turin min sawm hlauh mai. (Kum 2013 MLA Election hma-a Changdam Chanchinbu, Lunglei chhuaka RTI zawhna tarlan avanga Thla hnih zet chawl hahdam tura thupek kan dawn vanga tih tur neih loh vang pawh ni lovin) Hnar phal chi a nih loh avangin ka zui ve ta a. Chanchin tam tak sawi tur a awm a. Tun tumah chuan hunrei tak ka hmuh tawh loh ka thianpa chanchin chauh tarlan ka tum hrih a ni. Press Tour-a kal thei ve lem, heti ang mai maia khawsa thin a nih chu I ring bik lo a ng chu. A hming chu Vanlalliana Pachuau a ni a. Liante tiin an ko thin.

Liantea nen kawng kawiah :
 A pian hlima Kg 3 lek kha, ni thuma upa a nih chuan “Lian Tea” tih hming a pu nghal a. Mi bik a nihzia hriattheihna turin samkawlh atangin samseiah a chhuak a, Leonardo hming lem hial pek a lo ni tawh a ni awm e. Sa tha nghet cherhchawrh a ni a, rilru sukthlek hriat har leh bulfuk tak ngaihdan nei mi a ni a, A man of Principle tih tura mahni style hran nei chi hi a ni a. Rihdil panna kalkawngah erawh a nghet lo hle a, kawng kawia a nek a na hi chu ka tuar thei a. Min hnar (snore) khum hi chu thil nuam tak a ni lo thung.