KA
THIANNU MAENI
Dawn lem nei lovin
a khawvel nun hi hlim takin a hmang a
Eng helh leh
lungkham a nei lo em ni chu aw tih turin hunbi a chhiar a
Rinawmna hi tawngka
ni lovin chetzia anih zia a tarlang fo
Dam mawh hritlan ni
khua in koh phar a ni a,
Lengzawng zingah a
to ber mai awm e; rual u zingah
Chhai lai D a tawng
lo nge, a tawng duh lo zawk
Chhungpui nu nih a
fawm a, pa ber aiawhin
Khawi kipah a
thaikawi hmanrua mobile leh spirit soap nen a leng
Khawl thluak nei lo
chunga chuangin, khawl thluak nei bag a ak
A fimkhur luatah
sut theih zawng zawng a su kim tawh a,
Sut leh tum tawh lo
thlirin a tlan thin a, eng tak ang maw?
A khaw hawi a ti
zau hman lo, khawl chunga a chuanin
Lampui changkhatah
lo au nawm nah suh, a liam ang e
Khawtlang punkhawm
a harsat tawh hi
Thawm dim rawh kan
khaw hel luar a lokal an ti
Khawilamah va dim
bik suh hel luar nu'n
A tawnah Zanrei leh
Chhun pachang zia aikhat
Koh theih ti a
inzuar ni si lo; zawrh lai ang maia
Heti taka koh phar
a nih hian a to loh phah lo
To lo lenin a leng
ngai si lo, zawng lai a ni a
A vah vah chuan ek
thing a tawng ngei ang.
Chutih hunah chuan
'Ngaihlai Mathang' tiin
An ngui ruai awm e;
ding chunga-na te
Chan loh khanah a
chhuak em ni?
Khawilamah nge a ṭuan
leh tak Damlo bawk maw?
Damlo zawnawlna ni
maia sakhming nei hi
Sakhminga chhia,
tlawmngaihna a pa,
Lalenthang hming chawiin an lo sa nia.
* 24.7.2010 Maeni Health Worker (Chakma hovin Hel
Luar an tih) nunphung ze tha leh tlawmngaihzia ka phochhuahna leh ka chawimawi ve theihna
No comments:
Post a Comment