250/2017 New Year Resolution 2017

Kum thar thutiam

Bible : Numbers 30.1-2

      Tin, Mosian Israela thlahte hnamho puipate chu a bia a, :Hei hi a ni, LALPAN tu a pêk chu. Miin LALPA hnena thu a tiam emaw, chhechhama mahni intiamkamna emaw a neih chuan a hlen ngei tur ni; a htu ang zawng zawng chu a ti vek tur a ni.

Pathian hian thu a tiam a, a tiam ang ngeiin a hlen ngei ngei \hin. Thutiamtu chu a rinawm si a. Thutiam pawh hi a ngai pawimawh khawp mai a. Nula, dinhmun nghet lo tak pawh, a pasal neih hmaa a pain a hriatpuia \ha lo a tih chuan thutiam a tling lo. Pasal a neih hunah a pasal erawh chuan a sut thei a, a pasal neih hnua a ngawih reng chuan a thutiam chu a nung, a tiam a ni tihna a ni a. Ngawih chu remtihna chanve a ni si a. 

249/2017 Ka pu te khuaah Krismas

Ka pu te khuaah Krismas

Ka pu te khuaa Krismas hmang turin urlawk ni chuan bike-in ka tlan vang vang a. Hman hmawh si lo, muang bawk si lova nun leh hun hman hi a lo nuamin a hahdam ber mai tih ka ngaihtuah a, ngaihtuahna a kawm pah theih avangin. Ni tla tur zul zuia tlanin ka hmaa bike ri ring chi tlan chu ka zui ru deuh zel a. Km 20 vel zet ka tlan tawh ang, ni thlar leh daihlim phe zeuh zeuh karah chuan putu ni awm tak hi ka kalna tur lamah chuan inkokichhuan chungin an kal a. No vehicle zone puan hranpa a ngai lo khawp mai. An zawn ka thlen chuan beisei nei mitmeng, beisei ngam chiah lo hian ding meuhin min lo thlir a. An kalna turte zawta ka din hnu chuan lawm takin an putu chuan ka phur ta a.

248/2017 God of this City (Pathian khawpui chu)

God of This City- Chris Tomlin

You're the God of this city
You're the King of these people
You're the Lord of this nation
You are

247/2017 Zing thla zarin ka thlawk ang

THLAWK  CHHO  ANG (I’LL FLY AWAY) - Albert. E Brumley

(Tunlai ka ngaihthlak zin ber te zing a mi hla hi tonic Solfa behchhanin kan letling ve chawm teh ang. Khawvel buaina leh lungngaihna hi engtikah emaw ka la chhuahsan ang. A link chu ka dah lo mai ang a, youtube leh google lamah 'I'll Fly Away' tiin lo search ve la, chhan neih ngai lovin i duh ve ka ring em em a ni - Zofa H Chhangte)

246/2017 The Life of Aged (Suangtuahna)

KA DAM REI MAH MAH TAWH A NI TI RAW?

Photo Credit : The-Vid

Krismas dawnah hi chuan Ka pa thlan hi kan chei ve ziah a, kan tifai a, kan \awng\ai \hin. Kum sawm dawn a vei meuh chuan lungngaihna lam aiin lawmna lam a hawi zawk mah mah tawh \hin a. Lunglen a kiam \an tawh a, lunglen leh kha kan duh zawk \hin a ni. Kan khaw thlanmual hi zau tak, ngaw deuh ruih mai a ni a, a vawh \hin avangin nilum ai tur pawhin  zawn chawp ngai a ni fo. Naupang nen hi chuan kan bengchheng chel chul \hin a. Chuti chung pawh chuan thawm hi a ring mawh khawp mai a. Thlanmuala kal e ti lo chuan hlimna lam kan hawi tawh zawk \hin.

245/2017 KRISMAS MIDANG TANA PEK CHHUAH HUN

CHRISTMAS: A TIME TO GIVE

Sawmna anga sharing sawi awm chhun ka ni a. Minute5 chauh chuan thinlunga awm pawh ka puang zo hman lo. Hetah hian kan belhchhah leh hlek teh ang.

Zanin (ni 15 Dec 2017) hian TKP Memberpui zawng zawngte kum 2018 Isua krista piancham chibai ka buk duh che u a ni, ka ti kual duah dawn lo. 2018 Krismas chibai ule ka ti mai dawn a ni. Krismas chibai ule.

244/2017 TKP Day Sermon

HREHAWM MI TUARPUI RAWH   
(II TIM 2.3) 

1 Petera 4:13, Marka 8.34, I Korinth 9.7

THUHMAHRUAI :

Sermon \ha tak sawi tur chuan nun pumpui hi inbuatsaihna a ni an tia, inserh hranna hun pawh nei hlei thei lo kha ka kovah a tla miau si a. Tawngtaina nen min ngaihthlaksak turin ka ngen che u  ani. John Wesley-a chuan “Thuhriltu chhiar peih lo mi chu thunun hial tur a ni” tiin a sawi a. Thla khata lehkhabu pakhat pawh chhiar zo hlei thei lo tan chuan tling lo ka inti hle a. Vanglaini chanchinbu chauh la tan chuan chanchin thar chhiar tam te hi ava harsa tak em ka ti thin. 

243/2017 A pawi lo ti suh; A pawi hnuah engtin nge i tih ang?

A CHHELAI SIAMTHATU

Bible : Genesis 12.2; Isaia 58.12; Isaia 61.1-3, 

Nehemia 2.17-18, Matthaia 5.13-14, Luka 4.18

Nehemia 2:17 Chutichuan an hnênah, “kan chan a chhiatzia hi in hmu a, Jerusalem a ram tih te, a kawngkhâr te a kang tihte pawh in hria a: hawh u, sawichhiat kan nih tawh loh   nân Jerusalem kulh chu i din leh ang u,” ka ti a. Tin, ka Pathian mi duhsak thute ka hrilh a, ka hnêna lal thu sawite pawh. Tin,  anni chuan, “I tho vang u khai; i din teh tak ang u,” an ti a. Chutichuan chu hna \ha thawk tûr chuan an kut an tichak a.

Matthaia 5.13 “Khawvel eng in ni e. Tlang chhipa khaw awm chu thuhruk theih a ni lo.  Miin Khawnvar halin hrai hnuaiah an dah ngai lo, a dahnaah an dah zawk thin;  tichuan in chhunga mi zawng zawng a en thin.

Siam\hatu dinhmun :

Ram leh khawtlang, kohhran leh chhungkua, mimal leh pawlah hian siam \hat hna thawk turin Pathianin min tir a. Siam\hatu chuan mi dangte tan hna thawkin malsawmna a ni ngei ngei thin a ni. Siam\hatu chuan mi pawisawi te, mi rilrem loh zawng anga chet te a ngaih chang pawhin a pawisa lo a. A tuartu tur lam aiin a \hatna tur ngaihtuahin hma a la fo \hin a ni.

242/2017 Min vengtu chu Lalpa a ni

Henry William Baker (1821-1859)

Arranged and Based on Kristian Hla bu

Henry William Baker hi London-ah kum 1821 May ni 27  Pathianni khan a lo piang a. A pa chu  Vice-admiral Sir Henry Loraine Baker niin, a pu Sir Robert Baker pawh mi \angkai tak niin,  chhungkaw zahawm tak hnuaia seilian an ni.  trinity College, Cambridge a\angin kum 1851 khan a zo a, 1877 ah MA a zo leh a ni. A pa chu 1859 November ni 2 khan a boral avangin Sir nihna chu a pathum nan a rochung ta a ni. 

241/2017 Nula Senior-in a hlau lo

Eliza Edmunds Hewitt (1851 - 1920)

(Arranged and Based on Kristian Hla bu)

Nula Eliza Edmunds Hewitt hi Pennsylvania-a, Philadelphia khuaah kum 1851 June 28 khan fa pahnihna, hmeichhe hmuh hmasak ber ni turin a lo piang a,  apa chu lawng captain James Stratton Hewitt niin, a nu chu  Zeruiah Edmunds  a ni a. Eliza lo pian hian a pa hi kum 27 niin, a nu hi kum 26 a ni thung. 

240/2017 Rev G.C Boberg an Pathian kutchhuak mak tiin a khat

Rev. Carl Gustor Boberg (1859-1940)

(Arranged and based on KHB)

Rev. Carl Gustor Boberg (1859-1940) hi thuhriltu langsâr tak a ni a. Sanningsvittnet chanchinbu Editor hlawhtling ber berte zing a mi a ni bawk. Chhun laia kawng a kal lai chuan khawpui a lo ri dur dur a, tek tla leh kawlphe a nasa hle a. Khaw awmdan chu a tihbaiawm hle a ni. Chumi a reh fel hnu chuan ni eng mawi em em tle set ang mai hian a hmu a. Chumi hnu khaw tha leh thiang tak a hmuh chuan “O Stor Gud, nar jug den varld beskader,” tih châng kua laia sei chu a phuah ta a.  Mizorama fur khawthiang ngawt pawh a mawi a nih hi. Vanneihtluanga (Biahzai) chuan ‘Chatuan hawlhtlang hla’ a ti hial a ni.

239/2017 Rinna thuk nei lovin Rinna a dil

K Hughes (1889-1963)

(Arranged and based on KHB)

He hla hi Miss K Hughes (1889-1963) phuah niin Kristian hla bu-ah chuan tarlan a ni a. Chretien Urhan thluk siam niin ziah a ni.

Rev PD Sena chuan heti hian a ziak thung a. Hetiangin, “He hla phuahtu hi Anni Griffiths, kum 1755-1837 laia mi a ni. A letlingtu hian Welsh tawng atanga a lehlin a ni a, a hla chanchin hi kan hre tam lo hle mai. Mahse kan hla bua a chuan ve dan hi, kan hlabu ennawn laia thurin lam belh ve nise tih laia lehlin a ni a. Isua Krista mize ropui tak, Mihring ni bawk, Pathian ni bawk, inkhak buai hauh si lo, famkim ve ve thlarh anih sizia leh chu pahnih chu keini tan a hlutzia, mihring a nih angin van lal leh thuneitu a ni bawk si, a ti a ni. Kan hla hian Isua mize phuah lan chianna ber pawl a ni. Zo \awnga lettu chu Pi Zaii a ni” tiin kan hmu a. Tuna kan hmanlaiah hi chuan a lettu hming ziak kan hmu lo thung a ni. A enga pawh chu nise, a phuahtu emaw a letlingtu chungchangah dik duh hmel viau mah sela, a dik lohna erawh kan hre lo a. Rev PD Sena sawi ang hian Pathian ropuina leh danglamna puanchhuahna hla a nih angin kan thlarau nun chawm tur hian i ring mai ang u.

238/2017 Charles Davies-an Pathian thilrel dan a mak ti

David Charles Davies (1821-1891)

(arranged and based on KHB)

Kristian hla bu-ah a damchhung ziah hmu lo mah ila pastor David Charles Davies hi 1826 May 11 khan Aberystwyth khuaah a lo piang a. Kum 65 mi niin September 26, 1891 khan a boral niin a sawi a. Rev PD Sena chuan David Charles-a hian he hla a phuah chhan chu Inrinni hian an dawr a kang chiam mai a, engmah a chuh hman lo va, A tuk Pathianni chuan engmah tuar lo ang chiahin veng dangah Pathian thu a hril leh daih a, chuvang chuan ‘Hetah lo \hiat mah se’ tih nen a inhmeh thu a sawiin chu kangmei chu ‘ hmun dangah a din thar’ tih avanga a tuar thiamzia a sawi a ni. 

237/2017 Charlesworth-a Lalpa lungpui leh a himna

Rev Vernon J. Charlesworth (1838 - 1915)

(Arranged and based on KHB)

Rev Vernon J. Charlesworth hi  kum 1838 April ni 28 khan Barking, Essex-ah a lo piang a. Kum 1915 khan khawvel a chhuahsan a ni. Homerton College a\anga a zir zawhin Rev Newman Hall nen Old Surrey biak inah pastor an thawk dun a. Kum 1869 khan Charles spurgeon fahrah in, Stockwell ah headmaster hna a thawk leh a ni.

237/2017 H.W Baker Min vengtu chu Lalpa a ni.

Henry William Baker (1821-1859)

(Arranged and Based on KHB)

Henry William Baker hi London-ah kum 1821 May ni 27  Pathianni khan a lo piang a. A pa chu  Vice-admiral Sir Henry Loraine Baker niin, a pu Sir Robert Baker pawh mi \angkai tak niin,  chhungkaw zahawm tak hnuaia seilian an ni.  trinity College, Cambridge a\angin kum 1851 khan a zo a, 1877 ah MA a zo leh a ni. A pa chu 1859 November ni 2 khan a boral avangin Sir nihna chu a pathum nan a rochung ta a ni. 

236/2017 William Williams Hrehawmna piah ram saw

Rev William Williams (1717-1791)

(Arranged and based on KHB)

Rev William Williams hi kum 1717 khan Cefn-y-coed, Carmarthenshire, Wales-ah a lo piang a. A tirah chuan mite tana malsawmna nih tumin damdawi lam a zir a, mahse Pathian thu a zir duh avangin a bansan leh ta a ni. 

235/2017 Abide with me (Eventide)

Rev. Henry F. Lyte (1793 - 1847)
(Arranged and based on KHB)

Rev. Henry F. Lyte-a hi Thomas leh Anna Maria Lyte fa pa hnihna ni turin kum 1793 June ni 1 khan Ednam, Kelso bul Ednam khua, Scotland-ah a lo pianga. Trinity College, Dublin, Irelandah lehkha a zir chhuakin Church of England kohhran mi a ni.  HF Lyte-a pa hian sangha man leh silai kah tui em em a ni a, a fate Portoral Royal Skul, Enniskillen-a an kal theih nan a chhungkua chhuahsan a. A nupui Anna chu Londonah a fate nen a pem ve thung.

234/2017 German Fakna hla phuahtu

Joachim Neander (1650-1680 )

(Arranged and Based on KHB)

Joachim Neander hi kum 1650 khan Latin zirtirtu fa ni turin Bremen, Germanah a lo piang a, 1680 May ni 31 khan a thi a ni. German-a Calvinist kohhran siam\hatna zirtirtu niin, Pathian thu thiam a ni a, hla hi 60 phuahin, hla thluk hrang hrang a siam \hin bawk. Hla tam tak phuaha sawi tur chu ni lo mahse a hla phuah leh thluk te hi hnam hrang hrangten an ngai hlu a, hla bu hrang hrangah pawh hmuh tur a  awm a ni.  Neander hi German kohhran insiam \hat hnu a German hlaphuah thiam pawimawh tak niin, Hlaphuah thiam chungchuangah an chhal bawk.

233/2017 Paih daih rawh

PATHIAN : HLAUH TUR DIK TAK CHU

      

 “Tin, taksa tihluma thlarau tihlum thei lotute chu hlau suh ula; Gehena-a thlarau leh taksa tiboral theitu erawh chu hlau zawk ang che u. Matthaia 10:26. 

II Chro 19:9, Thufingte 8:13, Marka 9.42-50 

Kan hlauh hi a inang lo khawp a. Vangvat hlau tak, sawnpai hlau miah lo a awm theih a. Zan thim hlau tlata Pathian duh loh zawng tih hlau eih lo a awm theih bawk. Sual khawih pawi ti miah lo va, kohhrana inhmang tlat, Pathian hlau viau lawi si pawh an awm \hin. An hlauh Pathian erawh an hre chiang lo a ni.

232/2017 Mitdel mit var Suakliana

SUAKLIANA (1901 - 1979)

(Arranged and based on Kristian Hla Bu)

Suakliana hi kum 1901 khan Hrangkunga Sailo leh Lalziki te fa upa ber ni turin Maite-ah a piang a. Mipa 6 leh hmeichhia 1 an ni. A naupan laiin Chhipphirah an pem a, naupangte a nih laiin Baptits Pastor Ropianga kutah Baptistma a chang a. . Kum 1925-ah Suakzawni nen inneiin, Kanghmun Melvengah an pem a. Khaw sawmah an pem kual a, kohhran hote leh \henrual ten an thlakhleh vang a ni. A hla phuahna hmun pawh hi khaw hrang hrang niin hla 300 chuang phuahin chhal niin, hriatchian theih erawh 128 a ni a, a thlan lungah chuan hla 150 phuaha ziah a ni thung.

231/2017 Hla 6500 chuang phuah theitu

CHARLES WESLEY (1707 - 1788)

(Arranged and Based on Kristian Hla bu)

Charles Wesley a hi kum 1707 December ni 18 khan Rev Samuel Wesley leh Susanna Wesley te fapa pathumna ni turin Epworth, Lincolnshire, England-ah a lo piang a. Chhungrual tak niin an unau zinga a sawm pariatna ni a ni.  Kum khat leh a chanve a nih lain an chenna in kang a, mak tak maiin u John Wesley-a nen chhanchhuah an ni. A u John Wesley hi Methodist kohhran harhna lama hma hruaitu hmingthang tak a ni a.  Chhungrual tak an nih avangin Unau sawm leh pakua zet a nei a ni. A pa hi pastor hlaphuah thiam tak a nih avangin a chhun fuh hle a tihtheih bawk awm e.

230/2017 Thianghlim Reginald Heber

Bishop Reginald Heber (1783-1826)

(Arranged and Based on Kristian Hla Bu)

Bishop Reginald Heber hi Cheshire, England-ah Kum 1783 April ni 6, mi bik chhungkua atanga lo piang a ni. Kum 17 a nihin Oxford University-ah inziak lutin, a zir zova. Chumi hnu chuan Anglican Kohhran rawngbawltu atan nemngheh a ni a; England khawthlang lam Shorpshire bialah (Hodnet khuaah) lungawi takin kum 16 chhung rawng a bawl a. Rawngbâwltu thianghlim leh zahawm tak nia hriat lar a ni. 

Thianghlim, Thianghlim Thianghlim: He hla hi Trinity Sunday an tih mai, Pathiana minung pathum (Trinity) chungchang puanchhuahna atan leh chumi chawi larna chawlhni bika atana a phuah a ni awm e.

229/2017 Vanmawia leh a hla te

VANMAWIA : HLAPUI PHUAHTU

(arranged and based on Kristian Hla Bu)

Saichal khuaa piang Vanmawia hi kum 1922 khan Chawnbuaia  (Ex District Council member) leh Zakhumi te fa ni turin a lo piang a.  Unau mipa 4 leh hmeichhe 4 zinga a upa ber dawttu a ni. Saichal a\angin Saitualah kum 1923 khan an pem a. Kum 11 anih (1933) khan lower primary a pass a, kum 1936 khan Middle English School a\angin First Divisionah a zo a ni. Hetih lai hian Jubilee Hostelah a awm \hin a ni. 

228/2017 Upa Zasiama hi tunge?

Zasiama chanchin

(Arranged and Based on Kristian Hla Bu)

Zasiama hi Thanghnuna leh Chhawnlovi fa mipa pali zinga a naupang ber ni turin kum 1900 khan  Vaituichhunah a lo piang a, Chhangte hnam a ni. Hmun hrang hrangah pemin, Thingsulthliah, Sesawng, Lungbial leh tlangnuam chheh velah an insawn zing hle.  Kum 1920 khan Thingsulthliahah kir lehin  a inbengbel a, Thingsul Tlangnuam mi leh saa chhal a ni ta ber a ni. Kum 23 a nih kumin Zachuailovi nen Tlangnuam khuaah an innei a, fapa pahnih leh fanu pakhat neiin, a fanu hi a naupan laiin a boral a ni.

227/2017 Thlarau tih at RL Kamlala

Mihlim RL KAMLALA

(Arranged and Based on Kristian Hla Bu)

Lutzathanga fapa upa ber RL Kamlala hi kum 1902 khan Ngurlenah a piang a. Ralte hnam peng Lutmang hnam a ni. A pa hian lehkhathiam a ngaihsan avangin a pian hlimah pencil humtir nghalin an sawi a. Lehkhazir hi a rilruah tuh nghehsak tlat a duh avangin kum5 mi lek a nih a\angin a pa chuan pencil leh lehkhapuante a leisak a, thiam lo chungin ziah dan tur a zirtir \hin a ni. Kum 10 mi lek a nih laii an khua lehkhathiam awmchhun Hangpawla chu Private zirtirtu atana hmangin chhiarkawp bu II thlengin a zirtir a ni. 

226/2017 Tlangval Isaac Watts

HLA 600 CHUANG PHUAHTU ISAAC WATTS

(Arranged and based on Kristian Hla Bu)

Hman laia kohhrante khan thuthlung hluia Sam sak ho, chhiar rual ang lek leka an hla sa \hin chu mipuiten an ning a, thlak duhna pawh a lian hle a ni. Chutih laia lawm hlawh lo tak Protestant rawngbawltu leh French Calvinist rawngbawltu fanu raltlan chuan fapa Isaac Watts an nei a.

225/2017 Mizo nih tinuamtu Rokunga

ROKUNGA CHANCHIN: 

(Arranged and Based on Kristian Hla Bu)

Kum 1914 February ni 20 khan Thangluta Hmar leh Zaliani fa ni turin Aizawl Vengnuaiah a lo piang a. An inbula Zawlnei sawi lawk angin Chhungkaw ro tur, nu leh pa chawma mi hmingthang tak ni tur a sawi lawk avangin ‘Rokunga’ tiin a hming an sa ta a ni. Kum 13 a nih kum 1927 khan Lower Primary a pass a, kum 1929-31 ah Boys Middle English school, Sikulpuikawn a\angin a zo leh a ni.

224/2017 Ramthar Bahubali

My thought on Bahubali

Ka țhianpa tih ai mahin ka thawhpui ti ila a inhmeh zawk ang. Accountant a ni a, Tally hmangin Office sum a vawng țhin a. Internet muang taka Pawisa hmanna ziah luh a ngai țhin hi a buaina a ni. 
Thla tin hian hmunpui lam ațanga pressure an pek nat

223/2017 Hrehawm mi tuarpui rawh (II Tim 2.3)

HREHAWM MI TUARPUI RAWH   (II TIMOTHEA 2.3) 

II Timothea 2.3 Krista Isua sipai \ha tak angin hrehawm mi tuarpui rawh. Sipaia awm tura thlangtu chu a tihlawm theih nan, sipai tumah indo laiin tun damchhung khawsaknate hian a intihnawk ngai lo va”; 

1 Petera 4:13; Marka 8:34 ; I Korinth 9:7

Thuhmahruai :

Sermon \ha tak sawi tur chuan nun pumpui hi inbuatsaihna a ni an tia, inserh hranna hun pawh nei hlei thei lo kha ka kovah a tla miau si a. Tawngtaina nen min ngaihthlaksak turin ka ngen che u  ani. John Wesley-a chuan “Thuhriltu chhiar peih lo mi chu thunun hial tur a ni” tiin a sawi a. Thla khata lehkhabu pakhat pawh chhiar zo hlei thei lo tan chuan tling lo ka inti hle a. Vanglaini chanchinbu chauh la tan chuan chanchin thar chhiar tam te hi ava harsa tak em ka ti thin. 

222/2017 Thutiama rinawm : Ngawi reng lova lantirin

A mak ka ti, A na ka ti. Mi Bumhmang I lo ni 

Tute emaw hla ngaithlain mi dang, mi rinawm lo suangtuahna nen i hmeh bel thin ti raw?. 'Runlui a lehluan hma loha Lungtat a par hma loh chuan i tan ka rinawm ang' tithin mah sela a thutiamah a rinawm lo a ni. Rinawmna thuthlung hmachhuana vawng tlat tan chuan a ngeiawm em a, indo bak hmachhuan tur awm hek lo. Thutiama rinawm lo chu bunhmang nihna a ni.

220/2017 Zosapthara'n Kungi a hmangaih?

ZOSAPTHARA (Rev Edwin Rowlands) CHANCHIN 

(Miten hahthikula lehkhabu an siam tawh hi tlai khaw hnuah kan tuipui thar leh a. Ziak dan hrang hrang in ang lo mah se a rintlaka ngaihte lakkhawmin kan siamrem ve a ni a. Plagiarism a pawl a nih pawhin hriat eng mah nei ta lo chuan kan phur mai ta law'ng. Reference/Footnote note dah zel tur chuan ka taimaknain a tlin lo a ni e)

      Zosapthara hi missionary hmasa niin, David Rowlands leh E.E.Anne-i te fapa niin, Abergele biala Pensern khuaah kum 1867 march ni 15 piang a ni. A naupan lai atanga lehkhathiam thei tak niin, nungchang \ha chawimawina pawh dawng thei khawpa skul kai \hin a ni. A nau John Rowlands nen hian inkawmngaih em em a, an puitlin thlenga pindan khata mu niin an sawi. (A hnu lamah chuan a chhang chiah hi America chhimlama Missionary turin a in pe a, a nu chuan an unauvin ni khat thil thu-ah khawhar takin mittui nen a vai liam a ni.)

219/2017 Pipute nun atanga zirtur kan neih

NANGMALSAWMNA NI ANG CHE

(One thought on Bible leh Kan pipute nun ațangin. Dedicated to all visitors of TKP Zion Unit, Lunglei)

Genesis 12:2 "Tichuan chi ropui takah ka siam ang chia, mal pawh ka sâwm ang chia, i hming ka tiropui bawk ang; tin, nang malsâwmna ni ang che"

Vawiinah hian thil hrang hrang ka ngaihtuah a, kan thlahtu- kan mizo pi leh pute kha ka ngaihtuah a, an lo mawl ngawt mai. Bible hian thlahtu bul (Myth)  chhui a phal lova, a chhan chu chapona leh uanpuia hmangin Pathian hmel an ti bal \hin a ni.

218/2017 selected Mizo Praise songs LYRICS

Selected Mizo Praise songs:

Ni 23 July 2017 hian kan pastor bial chhunga kohhran ten fakna inkhawm kan biak inah kan nei dawn a. Chutah chuan bial zaipawl te worship team ah awmin, leaders zinga mi ka ni ve a. Lyrics type sa leh kawngkama ka hmuh te ka han dah khawm ve a ni a, mamawh in lo awm ve tak mialin.

Engkim kan hmuhte hian an fak a che,
Engkim kan hmuhte hian an fak a che,
I thu ruat zawng zawng pawh an zawm zel e;
Va aw mawi neiten fak che an ning lo,
Hlim takin hla an sa fo.

Keinin kan awte hian fak kan duh bawk,
Nangman, chuti-in min faktir zâwk.

217/2017 Indona Thianghlim (Crusade)

BEIHPUI KAN THLAK

Kan Golden Jubilee (1967-2017) kum planning zinga pakhat atan 'thlarau bo sawm tal man tum nise' tiin TKP Bazar Unit, Zobawk North te chuan rinna-in kan rel a. Zobawk hi Pastor bial pahnih; North leh South awmin, North lamah a hming chuan kohhran panga kan awm a, member tam lamah erawh BCM ah hian 25-na vel kan ni. Keini unit hi member lamah chuan a tam ber kan ni ve a, Kohhran member pawh zaruk chuang hlek kan ni.  Kan hmalak dan hi Baptist Today-ah tarlan ni mahse Unit dang ten kan lo tangkaipui takin tarlan tum ila. Hmalakna tur dang inkawhhmuhna pakhatah min ngaihsak turin ka ngen nghal che u a ni.

216/2017 Inspirational Speech

Kan zoram khawvel hi ka thlir a.
Hawina lam apiangah hian mang a ang a ni. Chhe ta vek erawh a ni lo
Sorkar skula thawh duhin an phe sup sup a, an fate erawh private skula dah an duh si
Sorkar skul building a tha tual tual a, an zirna erawh a hniam telh telh mai.
Kan ram leh hnam hruaitu tur zirlaite hmakhua hi ava thim em!

215/2017 Tuihal apiangte lokal rawh u

TUIHAL APIANGTE LOKAL RAWH U

Hebrai 6.1-7, Isaia 55.1-3, 55.6-7, Johan 6-4,  Luka 15

Mizote zingah thlarau bo an awm thei dawn em ni? Piangthar lo a awm theih dawn em ni tih zawhna lian tak a awm thei ang a? Isua chanchin la hre lo phei chu an awm awm kher lo e. Zaninah hian chutiang mi chu an awm leh awm loh ngaihtuah lovin "Mahni chauh inngaihtuah zawk ila" a tha awm e.

214/2017 Ti Ti rawh u

A THIL MAK TIH CHU TI TI RAWH U

Sam 105.7, 145.3 KHB-18

THIL TIHMAK: Mihring hi ropuiin hmasawnn ve tawh hle mai. Kapu khan Jeep tawng tak a neih laiin "Hmeichhia-in motor an khalh tih hi a awih ngai miah lo a". Thlaa mihring inkahkai hi thilawihawmah pawh kan ngai ta lo. Video Calling phei chu ava awih dawn lo rua em! ka ti thin. Chung chu sawi lova lumah Mipa pawh a mipa nihnaa lungawi zo tawh lovin, a serhin tanin a verh kua a, hnute a siam belha chung pawh chu mak kan ti tawh lo. Mipa leh Hmeichhiaa min siam tih te chu Transgender hmangin kan awih ta mang lo a nih hi. 

213/2017 T-Melody leh Aung Myo Tint

Patling tap hmuh hi thil nuam a ni lo

Pu Awma (Aung Myo Tint)

Inchhungkhur tul leh mamawh singsak fel ngai a awm chuan Pu Awma kovin kan thawk nghal mai thin a. Ram hnathawh leh hlawhfa atana chhawr tlak a ni. Amah hi tawngpai chhi chhe, tlawmngai zet a ni. A tawngfiah loh avangin “Ivapool” tiin an ko fiam thin a, Liverpool FC inkhel en tur a awm chuan kan en ho thin. Suahsual rawng a bawlin min hlat a, ka bula a awm chuan zu a in ngai lo thung.

212/2017 Four books, plus one

Hruaitute sulhnu : At a Glance

Tunlaia Autobiography/ Biography ka chhiar lai a ni a. Zoramthanga lehkhabu ziah (Mizo hnam movement History) ka chhiar azarah ka lehkhabu hluite keuvin kan ram leh hnam hruaitu hrang hrangte leh an sulhnu leh chanchin chu ka keu tawn chhen a. He Smart phone-ah hian thu tam  ziah theih loh mahse ka thairan chin pawh ziak ngam lovin, ka rilru-a awm chauh kan tarlang mai mai teh ang. Book review a ni lo a, sawihawnna ang chauh ni mai teh se. A chhuah kum indawtin chuk pawr mai ang.

211/2017 Letter to Someone (LOL)

 Dear Someone,

Will you marry me with no condition, but with these conditions!

210/2017 Lalpa Tu nge i nih?

LALPA TU NGE I NIH? ENG NGE I RUAHMANNA?

“Tin, ka kal a, Damaska khaw kiang kan thlen chuan chawfak hun laiin, thawk lehkhatan van ata eng nasa tak ka velan a lo eng ta phut a; tin, leiah ka tlu a, ka hnenah, “Saula, Saula, nangin engati nge mi tihduhdah hi?” tiin aw ka hria a. Tin, keiin, ‘Lalpa, tunge i nih?’ tiin ka chhang a. Tin, ani chuan ka hnenah,  ‘Nazaret Isua, i tihduhdah hi ka ni,’ a ti a. Tin, ka thiante chuan eng chu an hmu na a, mi betu aw erawh chu an hre lo.  (Tirhkohte 22.6-9)

209/2017 28th February 2017

Vawiin 28th February 2017

Vawiin hi lawm avang leh lungngaih avanga ni khat thil thu-a ka mood inthlak zin ber a nih thu kan blog mai mai teh ang. Thinrim ngai lo chuan Doctor rawn rawh se an lo tih thin angin Mood pawh nei lo khawpa mawlin awm mah se Mood thlak chu an nei vek thin a ni. 

Vawiin ka rooma lo leng chu,  HIV avanga lungngai leh beidawng, chhungkua leh an hnathawhna hmuna harsatna tawk chuan min lo pan a. Mizo tawng a thiam lo a, Sap tawng lah thiam tih tur khawpa nal a ni lawi lo a. Vai tawng leh saptawng tlem pawlhin a vuivaina thu leh a harsatna min hrilh a, hre vek lo mah ila, a tap zawih zawih tho a. Nguntak leh ngaihven taka ka ngaihthlak (Listening skills) avang leh Ama dinhmuna ka inchan theih (Empathy) vang ni tak ang maw!  Ka hriatchinah chuan ka hnim ruai a, English te chuan kan hnem tak mawlh mawlha a hrethiam lo tih ka hrethiam lawi si. Zaizira inbe chungin milem te ka siamsak a, sawichhuak thiam lovin kan han nui leh rih thin a.