VILLAGE/LOCAL COUNCIL TE HNENA THUCHAH
In khawtlang hruaitu tur te hi tu te nge an nih ang a, engang mi nge, eng Political party nge tih ka hre lo a, nimahsela, tute nge an nih hre lo mah ila, an tih tur leh an hmalakna, beisei an nih dan te ka han hrilh teh ang. Chhungteism - Chhungkaw hlun vang emaw Chhungte ngah vang emaw mai a in-campaign tling te ai chuan an mimal thatna leh hnathawh thin avanga tling te hi mi tha an ni zel zawk a.
Party bik V.C/L.C an ni tawh lo : VC Member, khawtlanga mi bik thlan chhuah an ni a, hmasawnna atana pawisa lokal te hi hmasawnna dik a thlen theih nan hma an la ngei tur a ni. Village/Local Contractor an ni lo. Party aiawhin emaw ding mahse an tlin chuan party pakhat VC/LC aia Khawtlang VC/LC an nih tawh avangin an chawr chhuahna aiin Khawtlang hi an dah pawimawh hmasa tur a ni.
Independent Candidate pakhat chuan VC/LC hi an duh khawp loh avang leh Ruling VC, hlei-hluaka induhsakna (Nepotism/favouritism) a tam lutuk a, Independent a ka tlin theih chuan Khawtlang tan a ṭangkai dawn em a ni, tiin miin min sawm a, ka ding ve ngawt a ti. Tling-in tling lo mah sela VC/LC te kan beisei dan chu a chiangin ka hria.
Administrative Agency : VC/LC hi Development Agency an ni emaw in ti hi an awm tlat. Sorkar hmalakna lo thawhpui a, dan leh dun ken kawh (Administrative Concerned) hi an tih tur a ni. MGNREGS, NLUP etc chungchanga an inrawlh danah pawh a thawktu mai ni lovin, felfai leh hlawhtling taka kal pui anih theih nana hmalak hi an tih tur a ni. Pawisa aia rorelna dik luang tura hmalak hi an dah pawimawh hmasa tur anih tak ber chu.
Sorkar tel lova hmalak: Sorkar a innghah bur hi a dik lo a, Sorkar tha ti chak a, puih (participate) hi Khua leh tui tih makmawh a ni. Kan sorkar lai pui hian NGO leh mimal tel ve dan tur (Participation) hi a ngai pawimawh hle a. A ni, a ṭangkai bawk a ni. Tunah chuan MGNREGS te a lo awm tawh a, thil ṭangkai tih a harsa lo. Sorkar hmalakna enpui, Tuiluan kawr ṭha, sa talhna mumal leh bazar, Insak dan: mi dangte leh khawtlang tan a hnawk em?, kawngpui enkawl pui leh kawng te (approach road) enkawl, tuikhur leh tui thianghlim chungchanga hmalak, in(Hall) leh bungrua (hmanrua) te enkawl hi a tih tur dik tak ani. Hengah te hian sorkar hmalakna ngaichangin hma an la ang a, a ṭul chuan Sorkar pawh an bei (against) ngam mai tur a ni. Ruling emaw ling lo emaw pawh nise.
Vision (Hmathlir): Kapa in min hrilh pakhat chu, A.O pakhat chuan VC te nena sawiho-in Mau hmangin tuilak dan a ngaihtuah a, mi fel leh hmathlir nei tak a ni a ti. Tunah hian kha hmalakna behchhan khan tuilak niin, a thlakna tur dang ngaihtuah fel a, chhunzawm pawh ala awm thei lo anih hi. VC/LC Member te chuan hmathlir an nei tur a ni. Lehkhathiam lo emaw mi chapo emaw pawh nise, mi thiam leh a ngaihna hria kan ngah tawh a, an rawn hreh tur a ni lo. Hmathlir nei lo chu khawtlang a hruai chhung (term) chauhin a vul ang a, an term a tawp hunah an rel zui mai ang.
VC/LC hrang hrang te hian an duhdan danin min sawp fo ṭhin. Ar chhuah loh tur an ti a, kan talh rem a, hma an la leh si lo. Satalhna hmunah talh tur an tia, an zawm bawk si lo. Bazar (Market) enkawl ve tawh ila tiin an rel a, ro hrang hrang an rel a, an bawhzui mumal si lo. Hmala ngam turin rel ang hmiang, Tlangau ngawt hi hmalakna awmchhun a ni lo. Pawisa hial chawi tir theitu VC te chuan an hmalakna te hi inchhunzawm sak zel se. (A ṭha ah chuan) A ṭha lo erawh paih ngam rawh se.
Council awmzia : VC/LC Member pakhat ngawtin a kal theih loh a, pawl bik/member te ṭanrualna tel lo chuan VC/LC ṭha a awm thei lo. Ruling emaw VCP/Chairman emaw ai mahin an thawhhona ṭha kha a pawimawh a ni. Kan aiawh tura a mi ṭhenkhat thlan chhuah bik, mipui te tan leh subject bik neia thurawn pe tur an ni tih hi Village Council awm zia chu a ni. Sorkar, NGO, Kohhran leh mimal te thurawn pe ngam tur khawpa an khauh a ngai a ni.
Chanvo insem thiam a ngai : Te lua leh lian a awm lova hmala tura an inbuagtsaih hi a ngai tawh a, VCP leh Secretary duhdan, kaldan ngawt a kal ngawt hi chu ramhlui zia kha a ni. Committee kaltlanga lo a thu tih tluk hi an awlsam leh lutuk a, a fuh lo. Committee peng hrang hrangah VCP or a thawhpui te aiawh ruat an ni ṭhin. Hemi atana Sitting an neih ngai loh leh report pek ngai loh anih hian an buai ziah. Kan kal tawh danah en teh. VC/LC Member satliah a awm theih loh a, veng area a chanvo insem theih pawh a ni hek lo. Chuvangin, VC/LC hi eizawnna a ni lo a, hlawkna um a VC/LC nih chi pawh a ni lo. Khawtlang leh ram tana rawngbawlna a nih avangin chan ngam a ngai. Zahawmna a ni thei a, hmuhsitna pawh a ni thei. Chanvo insem thiam loh vang a ni lawm ni VC/LC member te an indo fo a, VC/LC member te leh Ruling Party hruaitu te pawh an buai fo ni.
Hetiang lam hi ngaihven se : Khawiah nge mipui te tana an hnathawh te an puan zara, mipui engtin nge hrilh hriat, mi zawng zawng hriatthiam theih tur a ni em?
Community Hall leh Indoor Stadium hrang hrang sak a ni ṭhin a, Building leh hmasawnna rahbi bul ṭan a ni ṭhin. Thil ṭha tak a ni a. Vawi leh khatah a sak zawh, tihpuitlin a harsa anih pawhin Fund hrang hrang te pawh khawm thiam (Resourceful) a, hmalak hi a ni. A LO KAL HUNAH KAN PEIH DAWN EM NI? Tih tur khawpa hmalakna chhunzawm loh hi khaw tinah a awm a, heng chhunzawm hi VC/LC te, Ministry, sorkar sawi mawi pui ang a piang hi a ṭha vek lo a, Committee mumal tak indina, inrawn khawm chi a ni lo em ni? Development hi a in-contrast tur a ni lo asin. Hmasawnna hian thil dang a tichhe tam tur a ni lova, a tlem thei ang ber tihchhiat neihtir kan tum tur a ni. Chuti ang bawk chuan hmasawnna lo awm leh zel tur a dal tur a ni hek lo. Hmasawnna thil pakhat kan neih hlutna leh a tihchhiat hlutna pawh kan buk tawn zel tur a ni.
VC/LC tling te chu tute nge an nih a hriat loh a, VC/LC hmasa sawichhiat ngawt a ni lo, fak an phu chuan fak a, chhunzawm sak mai tur, kan kalphung a fuh em em ang. Hmun lah hi a tlem si a, thuziak thiam lo chuan hmunawl te hi kan mamawh tam bawk si.
No comments:
Post a Comment