28/2012 Christmas at that time

HMANA MASI KAN HMAN DAN KHA KA NGAI THIN

Kan naupan zual lai chuan Masi kawr thar neih a, Masi zinga hak kha kan chak em em a, Dawh thlak zana thleng dawh te hlei hlei kha kan nghakhlel ṭhin. Duhkhawp loh changa Thleng pawh pathum lai dah tlara hun hman kha chuan Masi zing nghah-hlelh vang leh thil thar duh vangin, mut hun hmaa mut kan chuh thin, mut thilh harzia kha ka naupan laia ka mut theih loh awm chhun a ni awm e. January ni khat atanga krismas kutzung thliak meuha thlir lawk thin ka nih vang nge, hun kha ava kal muang thin tak em!!! Masi dawna buk lem sak leh a chhunga bailem chhum tluka nghahhlelh leh infiamna hlimawm kha ka nei ngai tawh lo.

27/2012 Jail tlawh thu

LUNGLEI DISTRICT JAIL-AH ZANRIAH KA EI

(Jail hi Insiamṭhatna hmun NGE Inhremna hmun?)

Vawiin November 24, 2012 (Sat) hian Lunglei District Jail-ah Woman Anti Drug Association (WADA), MJA Lunglei leh Prisoner Welfare Committtee (PWC) ten an huaihawt Ṭhalfavang kût hmang turin ka kal ve a, ka dan pangngai angin ka tlai leh tlat mai. Chawhma lamah Office ban ala hun si lova, ban velah chawhnu programme nang turin hman hmawh takin ka kal a, hun ṭha tak ka la chhim hman thova, ka inthiam lo lo e.

26/2012 Essay on God

                                            PATHIAN

Pawl thum zirlaite chu an zirtirtunu chuan 'Pathian' tih thupui hmangin essay a ziahtir a,naupang pakhat chuan heti hian a ziak;

Pathian hnapui ber chu mihring siam hi ani a, a mihring siamte an thih ṭhen zel avangin, he leia thil enkawl thei tur tawka tam an awm a ngai si a, a buai khawp mai. Puitling a siam ngai lova, naute chauh a siam ṭhin a, an tet deuh avangin siam an awlsam zawk a nih ka ring. A buai em avangin kal leh ṭawngte han zirtir na hun pawh a neilova, nu leh pate zirtir atan a dah tawp ringawt. Engpawh nise,  ala ṭha viau zel chu ani awm e.

25/2012 Letter to mommy

KA NU TANA THAWNLOH LEHKHA

          Hei ni danga ka tih ngai loh ang takin 'ka chhas neih thar thu' ziak meuhin ka han hrilh a che.  Ka lawmna hian van a tawng hialin ka ring asin. Ngun taka ka ngaihtuah hnua ka thutlukna siam amahin alo pawm avanga 'ngaihzawng' ti a sawi ngam ka ni.

24/2012 It reminds me

ABC Inkhawmpui alo hnai leh ta

  Hun tam a liam ta. Aizawl aṭanga bak lênga Sumo uma ka tlan hnu-ah Durtlang Leitanah ka um pha hram a,  hnamdang leh ṭhalai hawk lak, sakhaw ngaihsak lem loh hmel tak tak an nih hlawm avangin Ṭawngṭai tur chuan min hnawn thlu a ni deuh ber: an chetzia leh mit mei khan. Suam hmang lakah leh tawhsual laka venhimna ka dil bak kha chu ka hre thei ta lo. Ka ṭawngṭai chhanna mak ka la tih ber ṭum a ni awm e. Cachar phai vaihote’n khualzin an suam uar lai  a nih avangin Vairengte daiah kan innghak khawm a, Sumo 10 zet kan inzui a, thla a muang sawt a ni. 

23/2012 Tlakawrh forwarding

HE LEHKHABU LEH KA HRINGNUN

Mi ropui ka ni lo a, mi tih peih loh chu harsa tak chungin ka sualchhuak ve hram a, Awlsam taka in tih theih kha harsa takin, a ba thlauin ka hlen chhuak ta  a ni ber mai.

Ka dam chhung hian thil pathum tihhlawhtlin chak deuh ka nei a, chungte chu

(1)  Rural development lama Doctoral degree neih a ni a. Hei hi Kum khat ka bei ve a, Synopsis ka thehluh dawnin mak tak main Mizoram University-a Head of Department pakhat chuan Guide in daih loh vanga a remchan loh thu lehkha min lo thawn a. A  mak a ni.

(2)  Kristian chhungkaw ṭha tak din a ni a, ka la thei lo chu a nih hi.

(3) Mi dangte tana malsawmna nih a, professionalism maintained a ni. Chumi atan chuan lehkhabu ṭangkai  

22/2012 Case History 2

Ka tah chhan

Kum tam a vei tawh a, hun a rei tawh deuh na-in, ka ngaihtuah chhuah apiang hian ka rilru a hnim ruih ṭhin. Ziak tawh mah ila, a hun ve tawh tho alawm tiin ka ziak a ni. Vai buhfai ei ṭheuh ṭheuh hi alo inan loh theih lutuk tih ka hriat chhuah rualin, ka vanneihzia ka hrechhuak tel bawk ṭhin.

  Tlangval harh vang veh vawh, lu zo tak a nih ṭhin teh reng nen. Heti ang hian a tawp mai kha ka khawngaih a, keimah hi ka indem fo ṭhin a ni. Ngawih bo-pui ila a ṭhat zawk ring mah ila, ka ziah chhuah hian mi dang nunah chona thar a pek theih ka rin vang a ni a. Intihmualpho tum vang ni lovin ngawi renga a liam mai kha ka inthiam lo a ni.

21/2012 HRINGNUN

BUAIPUI THAM HRINGNUN ROPUI ZIA

              Daih mai a. Thuziak tluang leh Sermon ṭha tak tak ṭhalai te chhiar hlawh si lo a awm theih avangin; Ṭhalaite rilrem zawng nia ka hriat Anant Pai-a lehkhabu ziak hre rengin kan ziak ve teh ang. Mihring kan lo pian hian ṭah leh lungngaihna in bul kan tan ṭhin a, Hlim leh lawmna kan neihte hi kan hre reng lo ṭhin a ni.

             Solomona meuh pawh khan "Hringnun hi buainaa khat, mihringte rorel sak hi hna hrehawm tak a ni" tiin a sawi a. "Ka la fing ang chu ka ti ṭhin a, mahse a teuh lo mai! Thil awmzia chu thuk tak, thuk em em alo ni. Tuin nge hringnun chu hmuchhuak thei ang" a ti a. Hringnun tibuaitu leh tihrehawmtu ber chu lungngaihna leh harsatnate hi a ni. Awwww Khawvel thil ngaihtuah chuan kan khawngaihthlak mang e. Beiseina nung nei ṭhinte kan nih avangin buaina kan tuar thiam tur a ni kan ti a. A har em em si a nih hi

20/2012 BLESSINGS

  Nang Malsawmna ni ang che

Bible Innghahna

“ Tichuan chi ropui takah ka siam ang chia, mal pawh ka sawm ang chia, I hming ka ti ropui bawk ang; Tin, Nang malsawmna ni ang che” “Thil ṭha ti atan Krista Isuaah chuan siama awmin Ama kutchhuak kan ni si a; chu thil ṭha tih chu kan awmna turin Pathianin a buatsaih lawk a ni”

  

              Pathian ringtu, kristian te hi thil ṭha ti a, mi dangte tana engchhuak turin min duh a, Tlang chunga khaw awm, mi zawng zawng hmuh theiha awm tur leh, Khawnvar hala mi dangte tana engchhuak turin min zirtir bawk a ni. Mi dangte tana nunna pe chhuak turin min phut tlat. Lei chi ang te, Berampu ṭha a nih anga nundan thiam turin min beisei bawk a ni .

19/2012 RAMHUAI

ZANA KA MI PHURH

Ramhuai em ni?

Bial inkhawmpui hmang zo tih takah phur surh hian ka mu a, A tuk ni 10.10.2011 (Mon) a Tlabung lam pan tura ka inngaihtuah fel hnuah chuan zan danga ka tih ṭhin ang bawkin Mobile Facebook chu Dar 11.00 aṭangin ka khawih ṭan a,  ka duh tawk chin ka khawih chuan dar 1 alo ri leh ta  reng mai. Ka ṭawngṭaia  mut zai ka rel ve ta a. A tukah thawh ka hai dawn tih reng ka hre lawk lo.   

18/2012 Blood donation

Thisen pe la Nun chhanhim rawh

"Medical College a chawhma pawh la kal lo te leh Naia Dere pawh seng ve lo te hian Kumpui linglet tak meuh a, sum hmang raltu te thiamna hi a rintlak ang tih I ring ang u"

            Kum 1936 December 10 khan Dr. Norman Bethune khan Madrid ah Spain ram chhung indo lai khan alo din  daih tawh a. Thisen tlak chham avanga thi mai tur mi engemawzat chhan chhuah alo ni tawh a. Mizoramah chuan  Kum 2007 atang khan MSACS bul tumin mumal takin kal pui a ni a. Thisen pek tam lamah chuan kan tha thawkhat hle. India ramah Top ten ah lang phakin, kan India erawh khawvelah kan la hniam hle. India rama thisen petu hi mihring sang khat (1000) zelah mi pali (4) pe ang chauh kan ni a. thisen pek 1000 zela 8 hi Voluntary Blood Donation anih hunah chuan kan mamawh kan phu hru thei dawn ani. (1)  Mizoram pumah thisen pe thin te zingah hian thisen mamawh 40% chu a petu tur zawn chawp ngai kan la ni a. (2)  Thisen hi Chhandamna leh nunna pakhat a ni.

17/2012 Reach unreachable

Kawtthlerah leh daiah rawng I bawl ang u.

“Krista Pasalṭha khawnge in awm?

Chhan tlak kan la awm asin

Krista hnenah min hruai thleng ru

Thimin min nan hma hian”

Kawtthlerah leh daiah

Luka 14:3 Tichuan Isuan dan hretute leh Pharisaite chu a bia a, an hnenah, "Chawlhniin tihdam a thiang nge thiang lo?" a ti a. Luka 14:21 Tin, bawih chuan a pu hnenah chung thu chu a va hrilh a. Tin, in neitu chu a thinur a, a bawih hnenah chuan, "Chhuak la, kawtthlerahte, kawmkarahte kal thuai thuai la, pachhiate, piangsualte, mitdelte, kebaite hetah rawn hruai lut rawh," a ti a.

16/2012 Abortion

HEI HI A THAWNTHU LENLIHN CHU A NI

Hello, Ka nu

            I fa ka ni a, min hre lo mai thei a, kar tlemte a upa ka nih avangin. Tu nge ka nih hi ila hre thuai dawn tih ka tiam a che. Ka chungchang hi ka han hrilh ang che.

            Ka hming chu John-a ni a,  mitmu pawl buang mawi tak leh sam dum ka nei a. Tunah hian lang lo mah sela ka pian hunah chuan I hmu thei ang. I fa-mal neih chhun tiin min ko ngei ang le. Dan naranin pa nei lovin ka ṭhang lian ṭhin bawk. Nimahsela,  kan inngaihsak tawn a, kan inṭanpui tawn ṭhin alawm. Ka ṭhan len hunah chuan Doctor nih ka tum a. Anu, vawiinah hian min hrechhuak ngei ang a, I hlim viau ang. Midangte hrilh tur hian i nghak thei bikin ka ring lo. Nitina i tih tur chu hlim taka awm hi  a ni dawn a, nun hi a par ang a, a famkim dawn si a.

15/2012 University Hostel Life

P.G BOYS HOSTEL, MIZORAM UNIVERSITY,  AIZAWL

(Chawngtepa nen Chawngtelui-ah tuia inchiah dai pahin nunhlui kan sawi a, Kan Hostel nun kha dawt nge thutak, a hreachiangtute tan leh a thlen lai kha chuan a nuihzatthlak em a ni, mahse ka ziak chhhuak zo lo vang tih erawh ka ring.)

Hun kha leh chen kha a liam tawh a, kan nunhlui leh lenrualte nena kan lehkha zirlai, kan hun hman te kha a thar zel a, lunglen sawi chang chuan khang hun kha kan sawi chhuak lo thei si lo a. Hnathawhna leh eizawnna avang te, mahni khua-ah leh Mizoram hmun tinah hian kan inzarpharh a, kan tam tham avangin khaw hming emaw chhinchhiah awlsam danin kan inhre ber zawk a, hming hmerh hian kan in ko ngai meuh lo.

Keipawh eizawnna avangin Chawngte khua-ah ka kal zawk a, chutah chuan hmana Chawngtepa ngei mai kha ka hmu leh ta anih chu. Nui miah lova fiamthu thawh reng, a ṭawngkam chhuak hi fiamthu nge thutak tih chan reng ngai a ni a. Fiamthu a nih leh nih loh chu a hnu-ah a hriat chauh ṭhin a, kan nuih vur vur chuan min lo bawl hman leh nge nge ṭhin a ni.

Ava lunglen thlak em!! Engkimah min buaipui a, a ṭul ang zawng zawng min tihfel sak hnu-in khawlum pumpelh nan luiah lendeng turin min hruai a, eitur kamramte kan pai bawk a. Ngaiteh, tuiah kan inchiah hmasa a, kan lenden tur chu vawi khat pawh a bawm aṭangin kan la chhuak lo. Lak chhuah pawh kan tum lo, nunhlui sawiin kan nui tlawrh tlawrh a, darkar chanve zet kan han nuih chu maw le…

14/2012 True story

Stacy Khawngaihthlak-i

Tleirawl niin, nula kum 18 mi a ni bawk, thingtlanga seilianah chuan ‘a ṭha mah mah e’ tih mai turin a hmel a zahawm a, nulat tlangvalna chim buai karah rual elna rilru a pu a, an khaw chhunga lehkha a zir theih lai chuan ṭha takin a zir a, thil dangin a pawlh buai ngai lo.  Zirna leh inelna ah ti ṭha le lua lo mah sela, a hniam pawl a ni ngai lo.

13/2012 First Love

BIAHTHU HLAN LOH TLEITIR NUTHAI CHANG TA KHA

Khatia Class hrang hrang te room khata min khalh khawm lai khan eng ti tiha I bula ṭhutna chang pha nge ka nih ka hre lo. Pakhatna ka nih thu kan Class result ka hriat hmasaka ka lawmna aiin, In Class-a Pakhatna I nih ka lawmzia kha a mak zawk a ni! Kha tih laia Ka lawm avanga ka hnukulh chhan kha Pathian chauh lo chuan an hre lovang. Khuanu samsuih loh pawh hian samsuihna Chance vawi khat tal an nei ṭhin tih hi tun hnuah chauh ka hrethiam ta. A hun lai khan hrethiam ila, kum 18 kal taah pawh hian nang ngaiin ka kur lo tur. Nang chu hotupa fanu duat lai kha I ni tlat a, Kohhran hruaitu fanu chu I zahawm sa em avangin ter pha lo che a in ngaihna ka nei asin. Tunah erawh a tlai zo ta anih hi, engtin tak awm zel ang che maw?

12/2012 Call

LALPA MIN KO EM NI ?

       Hausak ka duh a, ka bei ve a, ka thei si lo. Officer nih ve a, hlawh tam zawk leh zahawm tak ni turin lehkha ka zir a, ka thei lo. Chutiang ni tura beih chu ka phur tawh mawlh lo. A theih pawh ka thei lovang, ka phur  lova, hmel hriat pawh ka nei hek lo. Ka duhna ringawt tihhlawhtlin tir ka tum avangin kum khat chuang hun ka seng ral a. A tawpah chuan mi dangte tanpui nan tiin ka zirna ka thlak ta a ni.

11/2012 Counsellor

MANGAN THLENNA TUR

{Mahni nunna lak bo duh hial khawpa (Suicidal Attempt)a I awm laiin a ṭangkai thei ang. ENGKIM I hrilh ngam ṭhianpa khat tal nei turin thurawn pek i ni}

Ka hun leh ni chhiar dan hi

Ka duhdan a ni bik si lo

Ka hringnun lamtluang zawh hi

Ka beisei dan  a ni si lo

Tumram chu ka thlir thiam a

Chu hmun chu ka thleng thei mawlh lo

In duhdah te ka hria a

Chu chu ka zawm ve thei si lo

10/2012 Val dawntawia

VALDAWNTAWIA NGAIHTUAHNA 

(Un edited)

Ṭhang khat lian meuh zawnglai nun atan hun chu kan hmang ta a, thurawn ṭha pui pui, zilh hauna mak sak tak tak ka dawng fo a. Hriselna lam thu-ah te, nundan ṭha chungchangah te, duhsakna chungchang thuah te hian nitin-in mi thusawi kan ngaithla kur dup mai. Kan duh loh vang emaw kan tum loh vang emaw a ni bik lo. Ala hun lo maiah kan ngai a ni. In la thlarau mi tak chu ni ila, Pathianin a remti lo a ni ang tih mai chi a ni. Rem ti tura mihringin tha a thawh a awm hma hauh, tih theih chin pawh tih a hma-in Thlarau hian hna a thawk ngai lo.

09/2012 Daddy's friend

KA PA THIANPA

Ka zua thlana ka thut laiin

Lungngaia ka kun reng laiin

Rilru hmun khat pu-in a lo hnai

Zua lenrual zinga lenrual ṭha

Ṭhian Sa ring hleh phaka ṭhian ṭha

Dumphaia a chhuahvah pui kha

Chawlhkar hnathawk, ringa kal ṭhin

Chappui rawh zo a, mangkhawh ṭhin

Bawhar lawi ruala  sul haw ṭhin

Khaw awmdan tur a hre thei a

Tlangkamah a innghat ve lo

Ngun takin a dawn a, a hre thei.

08/2012 Dad died on Asthma

ASTHMA VANGIN ZUA KA CHAN

Kapa boral kum3na pualin aw

Kumpui sul tam a vei tawh a

Nang ngaih a bang thei si lo

Thinlai mu hnu a tho leh a

Zuapa I hlui thei mawlh lo

Piallei thuah riat hnuaia I zal khan

Engan ka kohkir loh che

Dairial chan hnuah, min ngai lo

Buai mangan tawk mah ila

07/2012 Moral Reform

Mite tan Rilru buatsaih hun

Hmanah Chhim tlang dung fangin, District lian ber pawl Lunglei Districtah mahniin, Self Help Groups  60 (Sawm ruk) ah, mihring 600 (Zaruk) chuang ka han bial ta a nih kha. Harsa ve ngawt asin, khaw hrang hrang 40 chuangah thingtlang chengker tak zet zet a ni leh nghal. Chu aia harsa mah chu kha Special SGSY Project kha a number tihdik tumna Project ni maia mawi khan a thawktu te kan bang bo tlat anih chu maw le. Facilitator ber khan a Guideline mumal tak leh a project estimate tun thlengin ka la hmu lo. Hmuh tuma ka beih poh leh ka bang bo a, chhanna ka dawng mawl ṭhin. Chu ber chu a ni harsa ta zawk chu. A thawktu Officer te min hrilh dan leh an thusawi a dang fo mai a. Mipui te lah a hlawhtlinna aia hamṭhatna ngaihtuah hmasa kha an tam a ni.

06/2012 Blue mountain

Ka hnunglam hi ka mawipui zo ve lo !!

Vawi hnih ka tlawh ve tawh a, an enkawl dan hian ka ṭah a ti chhuak ani, khawnge nature hlutna tak chu?? An hre lo a ni. A chereu a, a thawktu te leh a vela mite hian ramsa an humhalh mawlh lo. Sava thlawk leh hram pakhat mah ka hre lo a, hmuh tur pawh a awm tawh lo.

Tin, a tlang chung zawl, far pak a in an sak hi a eco friendly lo khawp mai. Eco Tourism chu hma kan sawn pui dawn lo a ang khawp mai.

05/2012 Election Message

VILLAGE/LOCAL COUNCIL TE HNENA THUCHAH

In khawtlang hruaitu tur te hi tu te nge an nih ang a, engang mi nge, eng Political party nge tih ka hre lo a, nimahsela, tute nge an nih hre lo mah ila, an tih tur leh an hmalakna, beisei an nih dan te ka han hrilh teh ang. Chhungteism - Chhungkaw hlun vang emaw Chhungte ngah vang emaw mai a in-campaign tling te ai chuan an mimal thatna leh hnathawh thin avanga tling te hi mi tha an ni zel zawk a.

04/2012 Indo Bangla Border Fencing

INTERNATIONAL BORDER FENCING

            Ka hming chu C.Lalneihkima a ni a, Zobawk khua ka ni. Ka pa chu C.Lalliana (L) a ni a, Ka dawih zep vang ni lovin ka thianpa hriatreng nan Pen Name hi thuziakah ka hmang ta zel a nih hi. Tun tumah pawh ka sawi leh dawn; zofa te Hmangaiha Insuihkhawmna duhtu ka nih avang tal pawhin. 

"Zoram hruaitu ten harhchhuah phah se

Goat Proof Wiremesh aiah Foreign' Issue

Zoram hruaitu zawng ten harh chhuah phah se..

 Hung ve ngei se Zoram hi

 Goat proof wiremesh aiah Foreigner proof

 Kan mamawh dan leh hraiin,

 Kan him ngei ang,

 Kan hung phui phawt chuan "

03/2012 Sialton Official

SIALTON OFFICIAL-A HMANGAIHNA MAKZIA

Sialton Official-ah Inngaitlawm leh inring  tawk takin bul min tan sak ta sa sa, ka literature thlirna mit ti-keutu a nih avang leh he thawnthu tawi avang hian amah hre reng lo thei lova min siamtu C.THUAMLUAIA hriatreng nan hun ka’n hmang ve teh ang.

02/2012 Youth and Sex

THALAI TE LEH SEX 

Thuhmahruai :                       Thupui pawimawh tak pawmdan in ang lo tak tak, kawngtha inkawhhmuh harsa em em si , a mawi lo lai erawh langsar hma hle si sawifiah tum hi a hupphurh awm hle a. Mahse tunlaia kan hriatchian ngai ngawih ngawih anih avangin kan sawi lo thei lova, Mizo tawnga ziah sen loh leh fiah lo zawk a awm ang tih pawh ka ring.

01/2012 Poverty

RETHEIHNA

           He thumal pakhat retheihna hian ramtui lei lovin min siam a, min sawp dan hi mak ka ti. Ka hmui a thui ping a, ka ban min khirh a, kebaiin min siam a, ka thluak neih ve chhun pawh hmang thei lovin mi ^-ah min siam a, ka hman tlak loh chu a ni ta der mai. Ka aw hi a tilawi zo a, ka kha a chhilh vei nen. Heti ang hi ka nih tak avangin ka ngaihtuahna mawl te chu sawr bingin ka in hnit hlawp hlawp a, keimah leh ka ziakfung chu a \ap ta a, ka mittui far chuan ka lehkhapuan chu alo dum zo ta a nih hi. Chu mangang au chuan awmzia i nunah a nei ve em tih chu chhiar zel mai teh.