DROPDOWN MENU

30 December 2013

40/2013 A day spent with the Aged


A DAY WITH AGED


Central Ministry of Social Justice and Empowerment bul tum turin tar enkawlna hmun siam tuma ka hmanhlel hle thin kha a ni a. State Social Welfare Board pawmpui hmasa tur hian Day Care for the Aged Project siamin vawi hnih lai Aizawl ka zin ve tawh a. Kan Registered NGO hi min ringtawk lo nge, kan project siamin a hmin lo a, Mizoramah heti ang project hi a la awm ve loh vang zawk tiin engmah lo maiah a chhuak leh thin. Professional NGO din tura tul leh mamawh ka buaipuina tha zawng zawng leh ka insenso te ka ngaihtuah a, beidawng turin vawi thum tha chu ka seng ngam ta lo a ni. 


01 December 2013

39/2014 Mi ang lo thuchah

ZERO DISCRMINATION

Zoramthanga, Boxer ropui takin Cuba mi nena Boxing an khelh ni khan Kolkotta-a mithiam rual NRL mi leh sa te chuan Aizawl Civil Hospitalah HIV/AIDS test dan kalphung zirtirin an lokal a, pawt chawp taka Police Outpost-a awm an test chuan HIV hrik hmuhchhuah an nei ta tlat mai*  Mizorama mithiam leh a thawktute pawh an inring hman lo a ni. Mizoram lamah a lo lut thut a, kan tawng ta mawp mawp a nih hi. Mi hausa leh nuam tawl te, misual leh awm tha duh lo ni-a kan ngaih te zingah a lo thleng a. Tunah chuan Thingtlang khaw chengker, motor luh theih lohna hmun, electric eng chauh hmanga zan hun hmang thinte zingah pawh hmuhchhuah a ni a, Alkatra chhuang thlengin kan kaidarh a, naupang pawisawi lo hialin an lo tawrh phah ta. Kan ram hi min run a, a dam ta lo.



24 November 2013

38/2013 Songs that inspired

HE KA THINLUNG HIAN


                   Khawvelah hian I awm ve tih pawh ka hriat hma hian hlimna leh lungngaihna chu ka lo nei ve tawh ngei thin a. Chungte chu palzam theih mai tur khawpa harsa erawh a ni lo. Palzam mai mai turin harsatna ka nei lo a, ka nunphung a khaihlak phah eih ngai lo. Ka buaiphah chhete lo a nih chu. Khang zawng zawng kha nang ka hriat hma che a, ka nunphung a ni a, khawvel hi a la danglam lo a, a kal ngaiin a la kal miah miah thin. Kei erawh ka danglam ta si a. Khawchhak chhuak kamram kawra bel tel; milem ang mai mai khan hmu che ila, hmuh chhung chauh hrereng tur ang hian ka nunah awmzia nei lo la ka va ti thin tak em!!!

24 October 2013

37/2013 Separate Time Zone

THANGTHAR BENG TLAK LOH TIR TU (IST)

            Kan Mizo zingah Thangthar nun ninga thi (Thasiama) a awm tih hi a tak tak emaw ni dawn ni? Ka thil awih loh te zing a mi pakhat chu ava  ni em! A dik a nih chuan amah a mawl em vang emaw "amah a in siam rem theih loh vangah"  ngai ila, a dik ang. A fate an khawloh vang nge fa a neih ve loh vang ni ang?

23 October 2013

36/2013 Leadership


HRUAITU THA KAN MAMAWH



Kan Ram leh Khawtlang hian hmagaihtu a mamawh a, mi tlem te chauh a nei a. Chung mite chu khawtlang ti hmasawn tur hian an tawk em em a. Nimahsela chung mi tlem te hruai tur chuan hruaitu tha a nei lo tluk a ni. Mite sawisel a tawng mai thei emaw khawltlang, veng hmusit zawnga thu awm duh lo ngawt hi a mamawh ber tawh lo. Ram leh khawtlang thatna tur duh a, pen chhuak ngam a mamawh ta. Hruaitu tha kan mamawh tak zet a ni ti pawhin a sawi theih ang chu.



14 October 2013

35/2013 ILLUSTRATION

TEHKHIN THU HRANG HRANGTE


THIL TE THAM TAK HIAN THIL DANGLAM TAK A THLEN THIN

Vuakamah hian mipa khat chu zinga a kal laiin, tuifawn tam tak inchhawk kiam sanah chuan Sangha tam tak a hmu a. Tuifawn kiam san hnu-ah chuan Ni a lo sa a, an thi mai thin tih a hmu a. Tuifawn lai leh tuiin a chim lai chuan sangha te chu an nung thei a ni. Chupa chuan sangha chu a mal mala chharin tuiah chuan a theh lut nghauh nghauh a. Chutia a buailai chuan a hnung lama mi putar pakhat chuan eng nge a tih tih hrethiam lovin “Eng nge I tih? Sangha za tam tak an awm si a. Eng zata tam ngei I theh luh theih ang a? Thil danglam eng nge I thlen vak chuan ang?” tiin a zawt a. 


05 October 2013

34/2013 Problematic Play

A PAWI HMA NGEIIN

(Beli leh Zaluaia chu an fate chanchin sawiin)

Beli                  :          Zova pa, kan fapa awm dan hi ka mang a ti ang thin. A nunzia hi a danglam lutuk a, a ute ho ang hi chuan awm se hlim tak hian A rawng ka bawl thei tur a nia. Khuk ral daih te hi ka chak rum rum thin a nia!!

Za-a                 :          A ute ho ang chuan awm se, I chapo phah khawp lo vang maw? Pathianin kan kutah a dah tawh a, theih tawp chhuah a, kan enkawl hun a ni dawn lawm ni? Lei rohlu berte enkawl tura tih ber I mangan tlat te chuan le.

25 September 2013

33/2013 When September ends

Beirual thla chawhnu hian min hriatchhuahtir leh thin


“Like my father's come to pass
Twenty years has gone so fast
Wake me up when September ends”

Kum 15 lai a liam ta. September thla chaw hnu lam, vawiin angah hian a nih kha, kan awmpui nena thingtlang lama min chhuahsan ni kha!! Kan ram khawpui ber hi a reh tlawk tlawk a, min hrethiamtu reng an awm lo. Ka sikul bang chu hlim takin in lam panin ka haw a. Nimahsela, kawng chu a lo inkalh thiap a. Rei tak pawna ka nghah lai che khan kan thenawmnu chuan chahbi  a kawl thu min hrilh a. Kawng min hawn sak a, inchhung a luh hmasak laia a mittui hru ni awm taka, a ban a vai ka hmuh lai pawh khan ka rilru reng a hrethiam si lo. Ka nau, hmeichhe lungmawl mai khan a la hrethiam si lo a, kawmchhak lama lo biru kha a lo lut a, min lo tihthaih zet kha chu ka hlau der thei lo a nih kha. Thlam ram ang maia ruak kha ka mitthla hian a la hmu thin a, theihnghilh hi ava har take m!!! ‘Ka nu, min lo chhawn a, thawmhnaw thlak tur leh home work min enpui turin I lo let tawh ngai dawn lo’ tih hria i la, khami ni vek khan ka lo zawng nghal ang che. 

32/2013 Sum ngainat hi natna

Millenium Natna

               Khawvela thihna lo lut  kha duhthlan sual vang a ni a, Pathianin chhia leh tha hriatna min pek, zalenna zau tak min pe a, zalenna ken tel theirah ei tura duhthlan khan thihna a keng tel a. Lungngaihna leh manganna hian min la tuam zel dawn a nih hi. Theirah ei ni la laa thi tura tih khan kan nunna chu zuahin, Pathian lak ata kan thi ta a ni. Hmangaihna mak tak mai chuan khawngaihna avang liau liau-in Chhandam kan lo ni leh thei ta a ni.  Chu pawh chu keimahni tih theih ni lo, rin mai a ni. Krawsah Isuan kan aiawhin min tuarsak a ni tih hi.

29 August 2013

31/2013 MK Gandhi 'Justice = Injustice visible'

Ṭhahnemngaihna kawng bo

Bible behchhan ṭalh I duh a nih chuan Rom bung sawma Paula ṭhahnemngaihna chi hnih kha lo en la. Kawng bo chuan  kawng dik zawh turin hma-a la ṭhin. Kawng dik lo zawh chunga ṭhahnemngaih chu kawng dik a hlat tual tual thung. Kawng dik zawh chunga ṭhahnemngaiha erawh a sawt hle. Kawng dik zawh chung pawhin a kal ve mai mai theih a, kawng lakah tawpsan emaw chawlhsan emaw a nih chuan kawng bo nen a danglam chuang lo a, tum ram thleng lo a ni ṭhin. Harsatna hrang hrang paltlang hnu-ah chauh hlawhtlinna a awm ṭhin.

24 August 2013

30/2013 Travelogue

SUMO DRIVER BIANGBIAKNA

            Mahni chauha chhiar tur diary ziak an awm ngai lo a, nunhlui enletna leh thil thleng thlirletna atan miin diary an ziak thin a. Anmahni ni lo, mi dang ten thih hnu-ah tal an chhawr dah law maw tiin an ziak thin. Kei ve tak ngial pawh hian diary ziah aia ka nun dan ziah hi ka hlimpuiin, ka chhawr thin si a. ka blog www.zofahchhangte.blogspot.com lama dah that turin kan zin chungchang hi ka ziak a ni. Mi faten Ram thianghlima thianghlim lo taka an luh dan te leh ram hrang hrang an zin chanchin pawh an ziak thin alawm le!! Khawthlang hmasawnna awh leh duh avangin Look East Policy hial duan chhuah ni tawh mah sela, ka ram riangtea khawthlanglam erawh Sahuai ni do ang maia Sorkar hi hmuh a awl thin.


15 August 2013

29/2013 Social Theology

Ram a chhiat loh nana dai theu a hun ta

Social gospel theology hi kum zabi sawm pakua-na hun lai atanga lo irh chhuak kha ani a,mi tam zawkte chuan kum zabi sawm hnihna huna lo intanah an ngai thung. Kum 1890 vel atanga industry thang duang tak maiin a hrinchhuah khawtlang nun inthlakthleng veina atanga lo piang chhuak a ni a. United States leh Canada-a khawtlang nun tluchhia leh an harsatna lo langsar zingah Intluktlanlohna leh hleih neih bikna,rethei leh hausa inkar khi chat thuk lutuk te, zu ngawlvei tam lutuk te, sualna (crime) langsar te, chi inthlirna leh chin dan tha lo te, naupang hnathawk tura chhawr luih a nasa a, school a tlu chhia a, zirna ngaih thahin indona leh thuthang tha lo tam tak a lo langsar ta em em bawk.

                Hei hian mipuite nun tluchhia chu a belhchhahin, khawtlang a rum a ni. Chumi siamtha tur chuan a vei leh a ngaihna hriaa hma la turin social gospel movement chu German- American Pastor; Walter Rauschenbusch-a chuan bul a lo tan ta a. Ani bakah hian he movement ah hian mi langsar tak tak American congregational church pastor te, Washington Gladden-a leh Richard Theodore Ely-a te khan hma nasa takin an la bawk a ni.

12 August 2013

28/2013 Social Movement

NGAIHHLUT TUR DIK INZIRTIR

Thalai social movement :      Kum 2011  daih tawh khan Mizorama thalai pawl pakhat TKP rorel chuan ngaihhlut tur dik inzirtir uar turin thu a tih tluk khan ngaihtuahna mi neih tir a. Kohhrante hmalaknate hi ngun taka ngaihtuah a, zir chian a ngai a ni. Baptist kohhran pawh hian a rawngbawlna hi zir chian a mamawh tawh hle. Synod pawhin ramthim rawngbawlna zir chian an duh lo kha chu a pawi a ni. Movement neih dawn hian activist an awm a ngai a, Thlarau mi leh thlarau mi loh tih lam a ni lem lo a, a beih dan leh inchawhphur (motivation) hmanga kalphung awmze nei taka kal a ngai. Programmee siam tam lam leh mi tam lamah a innghat ber lo va, nih duh hmel riau lamah a in nghat thuk hek lo. A sawhkhawk en chiang a, a rah chhuah thlir thiam a ngai. Khawpui, thingtlang mi te leh eizawnna, hmasawnna mila  kal pui loh chuan a hlawhtling lo vang.

10 August 2013

27/2013Lunglei Chalo!

CLEAN LUNGLEI ATAN KA HNATLANG VE

Ni 9.8.2013, Zirtawpni kha Sorkar pisa chawlh (Idu’l Fitre) a ni a, mahse kohhran leh a behbawma thawkte tan erawh chawlh a ni loh avangin Serkawn atang chuan Lunglei a lo fai zawk nana tha thawh ve turin innghahkhawmna hmun tur pan chuan ka kal ve ta a. Bazar venga Mosolman biakin bul vela lukhum var khum tam tak ka hmuh chuan mi tihnual nghal ngawt a. An ni zat hi kan thawk chhuak ang em aw tiin ka inngaihtuah a, ka zam hle. A ni tak a, ILP check laia vang riau kha an sakhaw hun pawimawhah chuan an lo tam ve zet lah tak a. Innghahkhawmna hmunah pawh chuan Lunglei Clean Volunteers-te chuan lukhum dum khumin an lo thu thup mai a. Lunglei tana inpe mi tam tak an lo la awm tih ka hmuh chuan ka phur leh ta deuh. A ngaihna hriaa mipui huikhawm thei leh a thiam an lo awm avang hian hmabak eng tak nei niin ka inhria a, ka inchhuang rilru hle.


05 August 2013

26/2013 Childish Testimony

PATHIAN KA HRIAT DAN

Kum 13 mi, Naupang mai ka nih lai chuan kan khua-ah
After 23 years
Thuhriltu pangngai ve mai, pawl chhuak hotupa emaw tih tura nunphung dangdai deuh nei hi a lo kal a. A tawng erawh ngaihthlak tui dawn laia bengthlehna tham khawpa tawng pai a ni thung. A nundan leh a rinna chakzia erawh mipui mak tih a ni. Rinna chungchang hi a sawi uar em em thin a. Amah chu Roy-a, Darlawng hnam a ni. Mizo hnahthlak a ni a, Rova Darlawng tih hi sipai ah Rova tih aia Roy-a tih an lam awlsam avangin Roy-a a ni hlen ta ani. Sipai bang a ni a, Sipai a tan lai pawh a, boxing lam tui chilh mi niin, Kungfu Master leh Gymnastic Instructors a ni a. Kum khat ral hmaa promotion hmu zel thei niin, Arsi bel hnih Sipaia bel thei chu an hrehawm zawk zawk bik lo ang. A tlangval lai chuan khawkhat sual huai, chhungte manganpui a ni thin. A chhungte pawhin tihngaihna an hriat loh avanga Tripura Baptist Union hnuaia, Pastor leh an kohhran upa te ngenin, a lo that theih tak mialah tia Kohhran Upa an hlankai ve ngat kha  a ni. A tha nghal ngawt hek lo.

29 July 2013

25/2013 Roles & Responsibilities of Christian on 62nd TKP DAY

KHUA LEH TUI THA NI TURA PIANGTHARTE MAWHPHURHNA


Kan thupui hi kohhran thalai memberte tana buatsaih a ni a, thalaite hi piangthar vek erawh kan nih loh avangin "Khua leh tui tha ni tura piangtharte mawhphurhna" ti pawhin a sawi theih awm e. Paper Presentation tur a nih lai hian presentation kalphung pela hun hman a nih pawhin inhriatthiamah kan ti ang a. Inngaihbel tur in awm phei chuan ka hlawhtlingah ka inngai ang a, lo insiam tha ang che u.

27 June 2013

24/2013 Behaviour Change

MAHNI LEH MITE NUNPHUNG THLAKTHLENG


Kum 2013-a Mizoram kohhran huapa ṭhalai pawl lian ber ber pahnih (KṬP leh ṬKP) rorel chuan nunphung thlak thleng (Behaviour Change) tura hmalak tumin thu a ti tlu ta mauh mai. A ṭul ngang a ni e. Kawtthlerah leh daia rawngbawl ṭhin, a thim a var pawh thlu lova hnathawktu chu YMA hi a ni a. YMA hian tharum leh pawng nêk lam ni lo, hnathawh dan thiamna hmanga kan ram leh khawtlang, mimal leh chhungkaw nun siamṭha turin kan bei zel dawn a. Ziak ni lo, ṭawngkam leh awmdana kan hman nghal theih chipchiar lo tak, hun leh hmun heh lo, funkim si a tarlan tum ila.

11 June 2013

23/2013 Lungduh Sanga wrote

IN BAWLNA ROPUI 

Hostel titi chungchanga ka thuziah  fahrah te hian Pu Lungduh Sanga a cho chhuak ni maw!  ka ziah aia ngaihnawm in alo ziak a, ngaihnawm tak a ni. Han bihchiang ve teh.


“Hello’ Thianpa, I dam maw”

“ Aw dam a lawm tunge aw”

“ I Thianpa Rza( Rza ti mai ang,a tul dan a zirin a hming tak pawh ka sawi hreh lo)ka nia, hei kan inneih kum 10na champhaphak a nia, I va ngaihawm ve..i la thinrim reng a mi..he he..”


08 June 2013

22/2013 Cry for Children

KA NGAIHTUAH TAWP HLEI THEI LO

Hmeichhia kum 50 ral kai lo a ni, Lehkha a zir em tih hriat a har a, English Medium chu sawi loh Mizo Medium-a luh pawh  a tan chuan thil harsa tak a ni. Bengali Medium-a lut awma  mawi niin; a khawsak phung chu a danglam bik hle. A pasalin HIV/AIDS a kai avangin a nupui pawhin a lo kai  ve ta  a. A pasal chuan  a thihsan tawh a, tunah hian a fate enkawl chu; chu hmeichhe kutah chuan a awm ta a ni. Aw, electric eng luh theih lohna leh zelah pawh HIV/AIDS hrik hi a lo lut thei a ni maw??

06 June 2013

21/2013 HIV/AIDS Statistic

HIV AIDS AMONG ADOLESCENTS 2010

Introduction :     You may not be effected person but some how you can be affected through tour firneds, relatives, family etc.     
 HIV/AIDS Spread through :
1.         Unprotected Sex with an infected person. ( it is the main route of transmission of HIV Infection)

2.         by Receiving HIV infected Blood.
3.         by using unsterilized needles/Syringe 

4.         HIV Positive Mother to her child During Pregnancy

20/2013 Blessing

MALSAWMNA THURUK PATHUM TE

Mihring siam ṭhat nan khaw dur a ngai a, chu khawdur chu thihna emaw lungngaihna emaw inchhirna emaw adang vang pawh a ni thei. Hriatfiah thiamna neih loh erawh chuan mihring takin kan tuar thlawn mai a ni. Lal Isua nena hriatfiah a, hriatthiam theih a ni. Kawng awlsam ber a ni bawk.

Pathian chatuan thil ruahman hi hriatfiah thiam a har a, hriatfiah zawh sen rual pawh a ni lo. Miin ama phak tawka Pathian a rin a, chu rinna chu nghet taka a vawn tlat chuan tih nghin rual a ni lo. Pathian rinna leh a thlarau nun lam thu chu intehsak theih pawh a ni lo a. A lan chhuah danah hian a fiah zawk fo ṭhin. Mihring mihrinna, a thiamna leh theihna hmanga chhut chhuah theih a ni lo a. Inzirtir theih lah a ni hek lo, Pathian pawl leh thlaraua awm dan erawh inzirtir theih a ni thung.

19/2013 Leakage

COME TO ME    

I'm the lone wolf hunting a fresh flesh
I'm the lone wolf hunting a match partner
You're the violet blooming in the hamlet
You're blossom, when you keep smile

Nobody's gonna hurt when you smile
Everybody's gonna move when you urge
Nobody's seen your secret lifestyle and skills
Everybody's seen your style

18/2013 Counselling

Ṭhalaite mamawh Counselling leh Ziak rawngbawlna

Zoram ṭhalaite mamawh rawngbawlna chi hnih, pawimawh em em mai; bul ṭan thar leh nana ka suangtuahna leh duh dan kan thai lang ve ngawt teh ang. Kohhran rawngbawlnaa hmun pawimawh tak chang reng tur, ṭangkai em em, kan hman thiam tawk loh avanga a hlawk tur anga a rah kan hmuh tlemte an nih avangin thai lan ve hi ṭha ka ti a. Hun leh hmun chep tak karah hian thluai thlum vaka sawi erawh ka tum lova; khal (tunlai ṭawng takin) tak hi kan duh dan anih tawh hi avangin.

Mipui hi rorel thei vek kan ni lo a, rorel loh remchangah programmee hrang hrang kan lo nei tawh a; kan nei zel bawk ang a, kan hlawkpui hle ṭhin a nih hi. Fellowship, Workshop, Training adt., neih hi thil ṭangkai tak a ni a. Chung zingah chuan Ziaka rawngbawlna leh Counselling chungchangah hian Workshop neih hi ṭul hlein ka hria a, a ṭulna thai lan hi ka theih tawk a nih avangin tawi kim takin tarlang ila.

17/2013 Chakma Saum

DANGPUITHU

Aw dangpui, I sakhming an sel che maw?
I hmel leh rim atang hian I thup lo
Ngawi  rengin diriamna i tuar a maw?
Mitin hma thingthi lo, Thiamthu sawi lo

Ze thup leh peh hel awm lovin I awm
I rah chin a piang I ram a ni a
I kalna apiang I rim hriat tur awm
Mi dang tan malsawmna tur I ni a

05 June 2013

16/2013 Greatest Gift

HMANGAIHNA

Engmah lovin hringnun a nuih tir thei;
Leilung  thilsiam te thunun tir theitu
Damchhan leh thih chhan; chhan tha a siam thei;
Engdang dawn lova suangtuah tir theitu

Chapo leh inngaitlawmna a siam thei;
Nuiha khahna leh ṭaha rum tir tu
Tlangrel leh sawichhiat te pawh a phur thei
Hmingmawi, thang ṭhat lak leh elrel  phur tu

15/2013 Someone's Auntie

MALAWMI

Damna run pawh damna a tling zo lo
Beiseina chuai ngai lo I neih thin kha
Doctor ten I beiseina an hai lo
Kan hai bil lo asin I hma khua

Hmangaih lainat luat vangin kan zep e
Hringchan chhung tawite ah kan hliam lo'ng che
Siamtu changrel sual zar kan zo em ni?
Lal remruat kan dawng sual ta zawk em ni?

14/2013 Voice of the social worker

TANPUITU A AU RAWL
Ka pian ka seilenna ram riangteah
Riangvaihna hnuaia saltang te chhuah nan
Hmuhsit leh tihduhdahna chauh lo chu
An tan vanneihna beisei tur a awm lo
Mihuai kal ta Liando hnehna thuruk
Hrefiah tan lo chuan din chhuah ni a awm lo
Tinkim dawnin kan ram harsatna te
Tawngkam tha sial man aiah penchhuah nun



Chanhai hringfa te mamawh pek leh puih
Zofa thalai lo tunge pen chhuak ang
Dinhmun thara min hlangkaitu MZU
Zara Social Work zirna sulsutu te
An hlu chuang e, Pi Kumari, Pi Sharma
Dam ten leng r'u Khuanun thlazar hnuaian
Nghilh zai kan rel lawng ram tana in thawh

13/2013 My friend

KA THIANNU MAENI   

Dawn lem nei lovin a khawvel nun hi hlim takin a hmang a
Eng helh leh lungkham a nei lo em ni chu aw tih turin hunbi a chhiar a
Rinawmna hi tawngka ni lovin chetzia anih zia a tarlang fo
Dam mawh hritlan ni khua in koh phar a ni a,
Lengzawng zingah a to ber mai awm e; rual u zingah
Chhai lai D a tawng lo nge, a tawng duh lo zawk
Chhungpui nu nih a fawm a, pa ber aiawhin

12/2013 My first written free verse

BESEINA ENG CHUAI
Kawla ni chhuak chhiar a,
Thiamzirna hmun khat kan belh laiin
Ka tawng ta che lungrun
I seih vang chauhin
Engdang sawi ka tum ngai lo
Nang bela kan hlim lai khan
Ni khat thil thu ah maw ka lo phung thal thoh din le?
A chhan tal min hrilh ve la
Anchhedawng rilru ka put loh nan

04 June 2013

11/2013 To daddy

ZUA TEL LO

Duh ten I duan te mangan mai a awl
Rorel I thiamzia manghilh mai a awl
Kan chantawk khuarel hi kan tuar thiam lo
Hringchan chhung a tawi kan tuar thiam lo

He thimchhah hi kian 'tik ni awm si lo
Ro, Sum leh pai dawi kiam tu lo ni e
Dawidam thintu damdawiah kan dam lo
Lainat, Phungthluk, kamtha ah dam lo e


Van ni sal thihna kan tan mal sawm lo
Kan damna chu Thlamuantu lo ni e
Zua tel lo ropui rel kan dawn ngam lo
Chhulkual kan sutpui ber a lo ni e

   I Chekkawi loh thai hrai duh leng zawng ten
   Zua tel lo pheilai vawr kan zuam nem le.
                    
(Kapa Ka hmangaih che.)



03 June 2013

10/2013 Book review

Tlakawrh Lehkhabu Fakselna/Review
- Lalremliana Pachuau



Lehkhabu release na-ah hian sawm ka nih ve ngai lemloh avangin ka la kal ngai miahlo! Mahse rinloh tak maiin kan thianpa Zofa H Chhangte (Maneiha) chuan Tlakawrh (Counselling Kaihhruaina) 9th Oct, 2012 khan a release a, kal ve tura min sawm miau avangin ka va tel ve ta a, vannei ka inti ta riau mai a ni. Tin, Lunglei hmun ngeia Lehkhabu chhuah ngam an awm hi a lawmawm lehzual bawk. Chubakah he function-ah hian zaithiam emaw political figure emaw an tel miahlo kha ka lawmna tizual leh zeltu pakhat a ni bawk.

Tlakawrh (Sava hming) lehkhabu ang hi lehkhabu dang, Mizotawnga ziak a la awm ngai miahlo niin an sawi a, hei hian he lahkhabu hlutna hi a belhchhah kan tilo thei lovang. He lehkhabu hi page 127 a ni a, cheng 70 man a ni bawk. Lehkhabu kawmah hian mipa pahnih leh hmeichhe pakhat lemziak, damdawi ti thin niawm tak te pencil drawing (?) a ziah a awm a, thing khawro tak leh notice board 7 a awm bawk a, a ziaktu rilru hi hriatthiampui a har phian mai.

01 June 2013

09/2013 Friends Forever

Thianpa Sate El Raju-a

(विलम बेर राजु)
Keima thianpa hi “Aw thihna khawnge I tur chu?” tia kun tlawk thlawk hmelpu tur hian khawvelah a lo piang lo a. A pian leh murna hian a nunkawng a hril lova, a thlahtute nunphung lah a chhawm hek lo. Tunlai tleirawl ze pakhat ka hriatchhuah phah fo avangin a chanchin ziak lo thei lo-ah ka inngai a. Chu chuan mite nun ngaihsakna leh hmuhthiamna kawngah a pui thei ngei ang che.



A pian hlim a; vahvaihna khawvela a lo dakchhuak ang hian vahvaih nawn tum tawh lo awm ang hrim hian hun a hmang a, naupang rilru thianghlim suahsualna-in a pawlh dal loh rilru ngei kha a la chhawm nun zel avangin kaihruaitu azira nun hmang chho tur a ni a. Thian kawm (peer pressure) hian a nunah awmzia a nei thui dawn tih hi a lang chiang hle  a ni.


13 May 2013

08/2013 Leakage

RIGHTENOUS AND EVIL

When I was young!  I was young?
I’d dreamed of the right path
I’d always dream of Justice  and Equality
I finally found righteousness and dark side of the evil
Righteousness is of nothing
But, in selfish manner.
Nobody cares, but God


27 April 2013

07/2013 Wine into Water

ZU NGAWLVEI HLA PHUAH KHA
(Wine into Water- T. Graham Brown)

(Khatia ka room kawngkhar an pelh ruala lungchhia a, tap zawih zawiha an lo len khan, a pasal zu ngawlveina avanga chhungkua-in harsatna an tawh tamzia min hrilh a, ngun takin ka ngaithla emaw ka tih laiin thildang daih ka lo ngaihtuah a. Chu ka ngaihtuahna-ah chuan Turn Back Wine Into Water tih hla hi ka lo sakpui mawlh mawlh a. Harsatna eng ang pawh tawk mah ila, Pathian tanpuina kan dil tlat chuan kan chak lohna kha kan chakna a lo ni let thei a ni tih sawiin hlim takin kan inkawm a. Heti ang lam thu hi chhiar peih in lo awm ve takin, kan update ve leh ngawt a ni e.)


Kana khuaa inneihna-ah khan Lal Isua meuh pawhin Uaiin tlakchham avangin tuisik kha Zu-ah a chantir a nih kha.  Kha tih hunlai khan Zu neih loh chu mualphona a ni a. Zu in tur a awm loh avanga mualphona a ni tih a hriat avang te, Inneih chawimawina pakhat leh hlim taka lawm nan a thil-tihtheihna a lantir duh pawh a ni thei bawk. Hlimna leh Lawmna hmuna zu a tel zel ang hian, lungngaihna leh buaina thlen chhan chu Zu hi a lo ni fo bawk. Lawmna leh hlimna, mualphona thlentu a kan lo ngaih fo thin chu Zu a nih ang hian, tun thleng pawhin Zu hi nuihzatbura min siamtu chu a la ni. Hlim hlawp bawlna hmuna chengte tan pawh lungngaihna thlentu chu zu a ni tho.

21 April 2013

06/2013 Illustration

JAR OF LIFE 
 The stones, Pebbles and Sands

          Ni khat chu France rama Public Management zirna sang taka Professor upa tawh tak hi America rama Company lian leh hlawhtling tak tak 15 aiawha kal Executive Manager-te hmaa "Efficient Time Management” tih thusawi (lecture) turin an sawm a. He ni hi chhawng nga-ah thenin, Professor hi Darkar khat chhunga thusawina hun siam sak a ni bawk.

            Managers tha thlankhawm thah hmaa a din lai chuan, a thusawi kamkhat pawh hmaih lova chhinchhiah tumin an lo inring a. Chu professor chuan muang changa hawi kual chungin, mi maltin mit a en chhuah vek hnu-ah chuan "Enchhinna kan nei dawn a ni" tiin a sawi a.

15 April 2013

05/2013 Self Help

MIDANG TE TAN NUN I HMANG ANG U

Pathian thu zirmi (Theologian) ka ni lova, Pathian thu ‘dik lo thei lo-ah erawh chuan midangte tana malsawmna ni turin’ thu min pe tih erawh ka chiang hle. Khawvel ṭhang chho mek, hmasawnna a kal mup mup lai hian a ngai renga kan awm chuan kan hnufum dawn tih erawh kan in hre reng ang a. Hmasawn tura ke kan pen hi kan tih makmawh, kristiante nun inghahna a ni. Chumi anih avanga nun tlu chhia leh boral an tam em avang chuan fimkhur  a ngai a ni.


03 April 2013

04/2013 Kilhna thirkhen ka tan a na lua e

KILHNA THIRKHEN KA TAN A NA LUA E
 Bible  Hebrai 12.4 -13

Tirhkoh Paula kha Lal Isua a tih duhdah poh leh Pathian vuak let a nâ anih kha. Bawng leh Sakawr ke a thir an phum hian an phum thuk poh leh bawng/Sakawr ke chu a lo lek nâ ṭhin a ni. Chuti ang bawk chuan Khawvel lama tlan tam nasat poh leh hrehawmna a nâ a ni.


04 March 2013

03/2013 Ram leh Hnam humhalh nan

INTANPUI THEI TURA TANPUI
(to help dependants to  help themselves)

(Chorus: Khawtlanga sualna hrang hrang zingah hian damdawi hmansual leh ruihhlo pungzel hi tih rem theih a ni a, chumi tur chuan kil hrang hrang atanga inthlahdah lova beih hi a ngai a ni. Ngawlveina hi natna a ni tih hi khawvel pawm dan a ni a. Chumi a nih avang chuan natna hi enkawl dam theih a ni a, natna zawng zawng erawh a dam vek kher lo ang bawk  hian mihring rilru put hmang azirin a damin a dam lo fo thin a ni. Chhungril chhiatna a lo lan chhuah dan pakhat chu Ruihhlo hi a ni. Ram leh khawtlang chhiat lohna tur chuan a mi chengten khawtlang sualna an do hi a hunt a tak zet a ni)

Stage : Albert-a, Zathangpuia,  Chhawnthluaia te chu Daikil karah an lo awm khawm laih laih a.

06 February 2013

02/2013 Case History

FIVE VISITORS IN A DAY

Nimin chu ka hnathawhnaa ka mi kawm te ka ngaihtuah let a, ka professionalism theihnghilh leh hmang tangkai thei lo leka ka ngaihtuahna ka thunun theih loh chu a. Kum 5 dawn hun ka hman tawhah hian hetianga dinhmun khirh leh ngaihtuahpui ngaihna ka hriat loh hi an vang hle a. Chutih lai chuan ka office chhuahsan rual ruala an haratna leh an phurrit te mimal taka la lova theihnghilh a, dah tha ve hrhih tur ka nihzia ka hria a. Mahse ka thei hrih lo a ni e. I ngaihtuahna lo seng ve la, tichuan hemi atanga kan ram leh khawtlang mamawh hi ngaihtuahzuia mi dangte zirtir nana hun hmang dun turin ka ngen nghal bawk a che.

28 January 2013

01/2013 Challenge!

THALAITE TANA CHONA THAR 

(Three Issues to Challenge Youth)

Stage : Chanchinmawia , Laldiksawna,  Zuitluanga an lo awm lawk ang a...


Chanchina : Zanin kan Committee tur chu ka bangbo riau mai a. Ka buai deuh a, kan Agenda tur pawh ka lo ngaihtuah lawk hman lo.


Diksawna : Hriat loh te chuan a bangbo loh theih loh alawm le