04/2012 Indo Bangla Border Fencing

INTERNATIONAL BORDER FENCING

            Ka hming chu C.Lalneihkima a ni a, Zobawk khua ka ni. Ka pa chu C.Lalliana (L) a ni a, Ka dawih zep vang ni lovin ka thianpa hriatreng nan Pen Name hi thuziakah ka hmang ta zel a nih hi. Tun tumah pawh ka sawi leh dawn; zofa te Hmangaiha Insuihkhawmna duhtu ka nih avang tal pawhin. 

"Zoram hruaitu ten harhchhuah phah se

Goat Proof Wiremesh aiah Foreign' Issue

Zoram hruaitu zawng ten harh chhuah phah se..

 Hung ve ngei se Zoram hi

 Goat proof wiremesh aiah Foreigner proof

 Kan mamawh dan leh hraiin,

 Kan him ngei ang,

 Kan hung phui phawt chuan "

            Ni 16 March 2007 (Friday) khan Mizoram Assembly Budget Session-a Private member Resolution, Pu Lalchhandama Ralte (MNF party MLA) put luh, ' Border Fencing hi Indo- Bangladesh chauh ni lovin Indo-Myanmar pawh Fencing ti turin Central Sorkar nawr ni rawh se" tih house in alo passed ta reng mai le.  Ava lawmawm dawn em!! Kan MLA thenkhat  te erawh chuan Vote laka ban pharna ah min tel pui lo tlat. Chhan tha tawk an neiah ngai ila. He Resolution hi sorkar laipui hmalakna kal mek a ni a, eptu ZNP (MLA) Member pahnih an tel duh lo (Vanglaini 17, Mar 2007) kha eng nge a chhan ka hre lo.  Thil tha chu lungrual takin an passed mai tura ka ngaih laiin "Hnam pawi khawih Resolution kan passed ta em ni?" tiin ka ngaihtuah a.

            Inhung phui a, ram chin humhalh nana Fencing siam hi tha ka ti a, Zo hnahthlak inpumkhat lo zawng a hmalak erawh tha ka ti lo hul hual a ni. He Fencing hian kan hnam inpumkhatna a ti chhe mai turah ka ngai lo. International Boundary in kan duh emaw duh lo emaw min then darh a,  'Divide and Rule Policy' chimawm takin min awp bet tawh a, sawi theih kan nei tawh lo. 'Greater Mizoram'  ti a iak iak hman lah kan ni hek lo. Chimral kan ni mek asin. Min chimraltu pawh hnamdang leh ramdang mite an ni asin. Ram hranga kan awm chuan ram mi (Nationality) nihna kan nei a, Mizo pawh Myanmar a an awm chuan Myanmar mi, Ram dang mi kan ni. Mizo dang te pawh India mi kan ni. Engvanga inhmel mak tura ngai nge kan nih? Kan awmna ram theuhah Ram Danpui kan nei a, chu Dan chuan a ram mite theuh min phuar khawm a, ram hrang hrang a mite chu Khawvel huap Danin min phuar khawm a ni. Chung dan te ang chuan hun kan hmang mai tur a ni. Fencing anih pawhin KM3 zelah gate a awm dawn avangin dan ang (legally) in kan inkalpawh suau suau ang a, him takin kan lengza thei dawn zawk lawm ni? Chu chu hnam pui zia, rorelna fel a ni dawn a ni.

            A kum telin kan Legislative Assembly/ Session hian ngaih ven a hlawh tawh a, hei hi mi fing, ram hmangaihtu leh veitu an pun tak zel vang a ni. Chuvangin kan Legislator te pawhin tan lak sauh sauh an ngai hle.  ZNP Member te vote lakna a an tel duh loh chhan ni awm a an sawi chu zohnahthlak te insuihkhawm  an duh vang a ni.  Congress (I) te au chhuah pui "ram zim nasa zawng a hung leh ramri hungtu Contractor ten anmahni hlawkna uma an remchanna hmun apianga an hung mai leh sawrkarin a hriatpui loh lutuk avanga Silisuri khua in 100 lai ramri pawn lam a awm leh, Sikul, Health Sub Centre pawn lama a awm anih a, hetiang bawka Myanmar ramri hung anih leh dawn ai chuan hung lo law law mai rawh se" ti a, chhuah tauh vek mai awm tak a ni a.

            Insuihkhawm tum luat avangin kan zalen a, sual a ngam pa a, kan chen ho tam avangin kan in mu leh ar a ni zawk lo maw? Kan inhung bik avangin unau te inhuat phah thu a awm em ni? He Resolution pu lut tu pawh hian Social Problems tam tak sut kian a duh vang niin a sawi a, a chhan dang a sawi pakhat "Peaceful  State kan nihna vawn nun zel kan duh" tih hi chu a chhan ni theiah ka ngai lo. A chhan chu No Confidence Motion hial put luh a ni a, he motion hian peaceful lam kawnga hmalakna ni lo, ralthuam, hel, silai...... chungchang ZNP President Pu Lalduhawma khan a tarlang chiang hle a ni. Sawi tur an nei em?

Indo Bangladesh Border ang thovin Myanmar ramri pawh tuipui, kham emaw remchang lo chu ramri ah chiah chiah a hung theih lo vang a, Sorkarin a hungna tur hmun chu siam remin Contractor te kutah dah mai mai lo se. Kan ramri ngai reng ni siin,  kan hung chin erawh a remchan dan angin humhalh zel nise thil lawmawm tak a ni ang.

            MZP leh pawl hrang hrang ten zofa te insuihkhawm nan theih tawpin an bei a, a lawmawm hle. YMA pawhin zofa te inpumkhat hi a duh ang tih a rin theih a. YMA Chuan khawchhak unaute emaw Negro hmui pawrh ho emaw ngaihtuah hmasa lovin ramri hung a, dan phal loh ang a Mizoram lo lut (ru) te a duh lo a, chumi piah lamah Mizorama hnamdang leh ramdang mite pawh dap chhuak tur leh lo lut tur dang turin Sorkar hial an beisei thu Conference hrang hrangah Resolution (thu) passed in an lo ngen tawh a ni. Kan laichin tupawh Myanmar a an awm chuan ramdang mi an ni thau thau.

            Ramdang mi kan hnawtchhuak a, keini ai aiin kan khawpui an lut leh hmasa zawk a, ILP kan hmang the teh chiam bawk si lo. Foreigner Act hre chiang tur khawpin tuman ram kan hmangaih zo si lo. Mipui te pawh ram hi humhalh turin i inzirtir leh ang u. Kan thinlungah hian kan inhungphui loh chuan eng Fencing/kulh bang mah hi a him chuang love.  England rama passport tel lova luh ruk tum chu tawnzau var ha chunga maipawl than kin tawh Pum thum paipawn ruk tum ang vel a ni tih an sawi thin hi kan ram hian a mamawh ve ta. Mite chuan an ram an hung phui a, an thinlungah a tulna an hriat avangin an rilru erawh an hawng thung a, Dan erawh tha takin an keng kawh a ni.

            He International Border Fencing atana hmalak  mek hi duh tawk mai lovin, kan ram hi dan leh Fencing-in hung ila, kan thinlung, kan hnam erawh i hung tel lovang u.