DROPDOWN MENU

Wednesday, November 19, 2014

42/2014 Shared grief is half the sorrow

DAMDAWIIN TUKVERH

Mi pahnih hi natna khirh tak avangin damdawiin room pakhatah hian an awm a. Mi pakhat zawk chu a khumah darkar khat chhung chu tukverh bula chawhnu tlai lama thut an phalsak thin a. A lung (Lung) atanga tui luanchhuah a awlsam phah dawn avangin an phal a ni. A khum chu room leh lama hnaih tukverh bula awm a ni.


Damdawiina awm mi pa khat zawk chuan a hun chu khuma mu chungin hun a hmang thin a ni.

Chu pa nen chuan darkar khat chhung chu an in be thin a.

An nupui te leh chhungkaw chanchin te, an in leh an hna te leh Sipai an tan laia an chawlh hman dan te leh thildang sawiin an inkawm thin a.

Chawhnu hun apiang chuan chu pa chu khum atanga thovin tukverha a thil hmuh te chu  khuma mu reng hnenah chuan a hrilh chhawng thin a.

Khuma mu thin tan chuan  chu darkar khat chu khawvel a dam thlakhleh chhan leh amah tifingtu a ni a, damdawiin pawn lama thil awm leh che, rawng chi hrang hrang te chu damchhan a nihzia a lang fiah hle a.


Tukverh atang chuan hmun mawi nuam tak leh Dil nawm hmel tak chu a lang a. Varak leh chu  dilah chuan infiamin, naupangte chuan an lawng lem te chu an kaltir a. Nula leh tlangval induh hmel taka inkai chunga pangpar zinga leng vel te, hla taka khawpui chunga kawlkil lang ruih te chu a hmuh theih a.

Tukverh bula thu chung chuan chupa chuan chuti ang mawi leh nalh tak tak chu kimchang takin a sawi zel a, room leh lam hnaiah mu zawk chuan a mit chhing chung chuan ramthla mawi tak chu a suangtuah a.


Tlai khat chu khua a lumin, sipai lam dan anga lam lokal tlang chu tukverh bula thu chung chuan a hrilhfiah a. Khuma mu zawk chuan an khuang leh chhepchher vuak ri chu a hre thei ve bawk a, tukverha thu damlo fel tak hmuh leh sawifiah ang tho chuan a rilru mitthla chuan a hmu thei a.

Ni te, Chawlhkar te, thla te a liam a.

Tuk khat chu Nurse lo thleng chuan an inbualna tur tui a lo khai a. Nunna nei tawh lo tukverh bula awm, thlamuan hmel taka a muhil hlen ta chu a hmu a. A lungngaiin a hamhaih hle a. Damdawiina thawk dang chu kovin a ruang chu seng hawi turin a hrilh nghal a.

Ruang a senghawi zawh fel hnu chuan,  mi pakhat zawk chuan tukverh bula sawn phei ve turin a ngen a. Nurse chuan hlim taka siam rem felin. A awmdan chu a nuam a ni tih a hriatchian hnu chuan  kalsan ta a.

Chupa chuan, muang chang tak leh harsa tak chungchuan a kiu nghah chhan chung chuan tukverh atanga lang khawvel tak chu thlir a tum ta a. Khum sir a tukverh awm atang chuan harsa tak chungin a dak chhuak a. 

Bang lawng bak chu a hmu lo.

Chupa chuan nurse chu zawt chungin a damlo awmpui thi ta khan engtin nge tukverh atanga thil mawi tak tak a hmuh theih a zawt a. 

Nurse chuan chupa a thian boral ta kha Mitdel a ni a, Engmah a hmuh thei loh thu chu a hrilh a.

Chu nurse chuan, " a tihhlim duh vang che a ni mai thei" a ti a.  Hei hi click la lo en ve ngei ngei rawh aw

# Mi dangte tihhlim kawnga hma lak hian nasa takin kan hlim phah thin. Hmuhsitna leh diriamna kara kan awm pawhin. Lungngaih leh tawhsual tawh  te inhriatpui hi a chhawkna chanve a ni thei a. Hetih lai hian hlimna inhrilhhriat hian hlimna thuah hnih dawnna a ni.  

Vawiin hi thil thlawnpek a ni a. Chu vang chuan Tun hun an ti thin.


2006 September 7 (IPD date of DRDA Lunglei... Hna a awm lo hle. He thu hi khawi a mi nge a hriat loh a, mahse a thra ka ti hle)




No comments:

Post a Comment