DROPDOWN MENU

10 November 2014

39/2014 Contextual Mission

Mission leh Hnam nun mila rawngbawl

Thinlunga a tul a ni tih hriatna leh turtu awm avangin mi tam takin kal chhuakin hun an lo hmang tawh a, mi dangte tihfin tum leh hrilhfiah a, mi dangte tana malsawmna ni turin an hun, tha leh zung an lo seng tawh a ni. Khawvela sakhaw lian tak tak te zingah Mihring beidawnna avanga Pathian zawngin thlamuantu leh Thlamuanna an zawng \hin a. Kristiante erawh chu Pathianin min zawng chhuak zawk a ni tih thu hril turin Missionary kan tir \hin. Hei hi kan danglamna bik a nih rualin khawvela hnam hrang hrang mizia erawh kan ngaihthah thei lo ang. 


Buddhist Sakhua chu ramhnuai a\angin a in\an kan ti thei awm e. Ram hrang hrangah kalin lal ropui tak tak ten an lo atchilh a, an lo theh darh tawh \hin a ni. An ram lak leh an hneh chhuhna avangin sakhua chu a lo darh zau tual tual a, a hnu-ah missionary te an intir a, Buddhist sakhua hi a lo darh zau phah ta hle. An lalram leh an sulhnu chu ralchhe vek mahse an sakhua phun chu a reh ve ngai tawh lo a ni. Chuti ang bawkin sakhaw tam zawk pawh hian an mihring chakna an hmang hmasa a, chumi hnu-ah zirtirna an \an chauh \hinin a ni.

Mizorama Kristianna lo \hang duang leh Lalpa ram lo zau chak dan em em ka ngaihtuah hian Ram inawp (Colonialism) vang ni berin ka ngai ve tlat a. British ho khan min awp lo se, heti tak hian kan ngaisangin kristianah kan inpe dual dual hian ka ring lo a ni. Min hneh zet a, min awp a, rorelna leh Missionary te hmalakna chu a inkawpremin, an kal dun zel a. Sikula zirna leh nitin nuna inzirtirna chu an thawk dun ta \hin a. Pathian ram chu a duah ta em em a, Lalpa zawnchhuah ram ni hial khawpin kan lo awm ta a nih hi.

Tunlai khawvelah hian nunphung leh ngaihdan hi a danglam nasa tawh em avangin hnam nunphung leh mize mila Pathian biak leh chanchin \ha  hrilh hi a thupui a nih tawh avangin Missionary leh Kohhran te pawhin a ngai pawimawh hle tawh a. Pathian thu hrilhna hmanraw pawimawh tak atan chuan Skula Zirna (Education is a means of Evangelism) hi a ni a, chumi tur chuan hma kan la mek a ni. Pawng lak leh hnehchhuh hi dan kalh a nih angin zirna hmanga beih (indirect evangeism) hi kan kalphung chu a ni ta. Zirna chuan ngaihtuah thiamna a pek avangin zirlaiten duh an thlan thiam a, kristiana an inpek theih beiseiin Skul hmanga zirna hi kan kaldan a ni a. Ringlo mi zirlaite chuan mawl takin Lal Isua hi Chhandamtu a ni tih hi an pawm tawp ngai lo a. Finfiahna leh rinchhan tur an duh \hin a ni. Missionary te nun emaw Kristiante nunah emaw tehna sahal an khai nghal a, chumi hnu-ah Kan ram kristian ram hi an lo thlir \hin a ni. 

Hmana hnehna hmanga sakhaw ram lak a nih lai chuan an chak leh ropui avangin an ring thei \hin a. Tunah erawh kan ram ropui emaw ram retheih emaw lehkhachhiar thiam tamna nih vangin Kristianah an inpe ngawt lo a. Kan nun leh kan nihna hi an en a hmuh tur a awm si lo. Kristian nun zir-tir te te ten min chhiar a, ei tur leh hmuh tur an neih loh avangin kristianna hian ram a la chak lo fo a ni.  Lal Isuan, “Mi tirtu duhzawng tih hi ka chaw tui ber a ni” a tih anga A tirchhuaktu ten Kristian zia awm reng ka put a, nundan awm renga kan awm a, Pathian duhzawng chauh kan tih chuan nasa takin Kristianna hi a zau ang a. Hmanlai anga hnehtu ram ropui ni kher lo mah ila, Lal leh thuneitu hmangin chanchin \ha hi hrilh ve kher lo mah ila kan ram Kristian nun avang hian min awtin, min \awmpui ve thei ang.

Chuvangin Mission rawngbawlna hian hnam nunphung leh dinhmun azira kalpui a ni \hin a, Chakma leh Bru ten an hnam puala Mission Convention (CBC emaw BBC) emaw te hnena Kristianna chi \ha taka a tlak chhan chu an hnam nun mila zela, kan kalpui  vang a ni. Missionary te leh kan chanchin \ha hrilhna ram te, a tirchhuaktu ram te hian tih takzeta kan insiam \hat a ngai a. Inzir zel chunga kan ram lak dan tur kan rel fel hian a sawt leh zual hle  ani.

No comments:

Post a Comment