DROPDOWN MENU

Wednesday, November 19, 2014

41/2014 I'm their's

KA RUK A NI LO

Aizawl leh Saiha lama ka Unaute chhungkua, tu leh fate lo haw meuh chuan chanchin leh chin thran mak tak tak mai an lo hawn a, Tawngzia leh thluk pawh a dang narawh e. Inpawh tala Krismas hmang ni mah ila nuihzatthlak tak tak kan tawng ve a. Liamtir mai chu uihawm tak a nih avangin dah that nan ka han ziak a ni. 


Dawhthlak zan : He urlawk zanah hian chhungkaw nu ber kaihhruainain Naupang pasarih zet chuan masi putar thilpek tur beiseiin a list an siam a. An duh a hran avangin hriatfin a awlsam a, lungawi lo an awmpalh kan hlau a ni. An duhzawngte dahfin a hlauhawm avangin an Thlengah ngei chuan an hming ziahtir niin, an duhzawng chu kan dah ta a ni. A ruk a rala thilpe tur ni lovin an duhzawng tak a ruka pek mai lovin an mutthilh hlana pek kher kha a hlu tlat si a. 

Photographer rilru : Masi putar chu an pi duhtak leh an nu leh pa te a ni tih an hre vek a. Beiseina thar neiin malsawm thilpek chu an beisei vek tho a ni. Masi putar thilpek dan tak hi kan lo hrilh hriat loh avangin an hre chak a, chu erawh zawh en ena zawh tumin tumahin an ka an ang lo thung. Masi putar, an pi ni bawkin thilpek pek tur a chu pakhat hian a lo chang ru a. Camera nen pawh a inring mah se a meng hlei thei lo a ni. 

Chocolate bo : Naupang pakhat hian a unaute a kai tho dan dan a, An duh hrang hrangte hlim taka an en lai chuan a naupang ber chuan Barbie ngawt chu a lungawi pui thei lo. chocolate a nei ve lo tlat a. Zan mengrei ber chuan Uncle a mu har thei ber a, a riltamin a ei a ni ang tih chham hla hmangin zingah min kai tho pek a nih kha. A list a a awm ve loh avangin a hrethiam ta a. 

Ka ru lo : Nupui ruk tur pawh hmu ve mah ila Kohhrana ka rawngbawlpuite hian min hrethiam ang a, min phuar pawh ka ring chiah lo a ni. Zingah bengvar fal te an lo len nak nak laiin nupui ru thanin ka lo thang pek nge, Khawnge i nupui ruk tih zawhna ka tawng mauh mai. Nizanah a hmuh turin kan inlar lo a, min hmu bawk si lo. 

No comments:

Post a Comment