DROPDOWN MENU

10 December 2014

43/2014 Mail from Tahan & My Response

from Hrangthanfela, Revd.
Tahan Theological College,
Tahan-Kaleymyo,
Sagaing Division, Myanmar.


      Revd Hrangthanfela Kawlram Presbytrian Kohhran Lairam Synod hnuaia rawngbawl mek, tuna Tahan Theological College a M.Div final bei mek chuan ka lehkhabu ziak Tlakawrh kha a lo lei ve a. A tha a tih thu min hrilh a. A final thesis tur hi Counseling for Sick and the Berieved a ni. Heti ang lam hawi lehkhabu hi Tahan-ah a awm lova, a buai ru ang reng hle tih thu min lo hrilh a.


      Damlo na tuar te leh Lusunte kan endan ( Counseling perspective)a Rawngbawltu te, Upa te leh mi nawlpui pawh nise, kan tih fuhloh lai leh tih danglam ngai lai nia ka hriat te, min rawn thawn zawt ve mial a. Ka lawm hle. A thesis ah chuan "Tunlaia Kan Insiamthat a Tul zualna"  a mamawh a, Tin, hetiang lama kan mamawh te  hunawl neih apianga Emawl thawn thin turin min sawm a, ka va lkawm em. Heti ang lama zirna mumal tak beih hi kan mamawh tawh si a. 


Dear Revd Hrangthanfela,

A hmasain Ka lehkhabu min lo leisak ve avangin lawmthu ka hrilh a che. I email ka lo hmu ve chiah a, reference tur ka hriat te In lamah ka dah daih mai a, min lo hrethiam dawn nia. A rem chan velah ka lo collect ka tum ang e... Heti ang lama kan lehkhabu neih te hi Mizo Society. chhiatni thatni a intuam mawi thin te behchhan a ni bawk si lo. 

Mizorama na tuar leh lusun te kan en danah hian ngaihdan leh hmuhdan tam tak ka nei ve a, chungte chu;

1. Damlo leh lusun te kan chim hut hut a, Privacy kan pe tawk lo thin.

2. Damlo na (seriously ill) te kan  tlawh hian thi nghal tur ang mai a, kan en thin hi sim a hun tawh fo mai. A taksa lehn thlarau mamawh piah lama thu tha leh fuihna, tawngtaina leh Pathian thu kan fah mawlh mawlh nghal thin hi chu sim a tha hle

3. Damlo natna eg. Cancer, HIV/AIDS, SLE, Chronic etc te hi a tuartu dam lovin a hriat loh emaw hriat thut emaw hrilat hrih loh tur awm thei a ni. Heti ang Confidential chungchangah hian ngaihdan kan siam awlsam thin hle a. Hrilh tur nge hrilh loh tur tih pawh Medical/Physicians te hnen atanga hriat loh hi damlo chhungte/ damlo kantu (Visitor) te hian kan lo hrilh thut thin a. A tuartu tan a na thei lutuk a ni. 

4. Thihna leh Damlo natna bik te chu Damdawiina thawktu Health Counsellor emaw Health Social Worker te emaw hian awmze nei leh Professional zawka neih theih hi kan mamawh ta hle. Thihna a awmin sakhaw puithiam leh Kohhran rawngbawltute hian Grieve Counselling hi neih theih nise kan hlawkpui hle ang.

5. Damdawiin atanga beidawnna leh eng emaw avanga in lama inenkawl tura chhuahtir (Discharge) an nih hma hian Counselling bik pe thei Chaplain, Counsellor, Psychiatrist awm thei tawh se. 

Ka lo vei ruk a nih avangin ka ngaihpawimawh hmasa han ziak nghal ngawt a, ka lo chik zui ang a, Internet kaltlanga inthawn chawm tawn turin kan inhrilh a. Pathianin a hnathawh leh a theisis hi mal a sawm ang tih ka ring a, Mizo mamawh tak Thesis a thlang hi kan la chhawr ngei ka beisei.

No comments:

Post a Comment