DROPDOWN MENU

16 December 2014

44/2015 Christmas All around

ISOLATION HAS REFUSED TO ACCEPT ME


Chutia hna thawh tur awl taka ka awm lai chuan mipui chetla leh krismas inbuatsaihna hrang hrang chu ka thlir reng a. Mipui an phu nuaih nuaih a, Krismas inbuatsaihna atan neih belh tumin sum an seng a, hun an seng ral a, ui reng an nei lo. A eng thei a eng a, a de chi a phe zuai zuai a, Rawng hlui hliah khuh nan rawng tharin an tlak a, lang thei lai zawng zawng chu a thar vek emaw tih tur a ni. Chu ngei chu a ni an tana Krismas chu.


Chhungril inbuatsaihna lam a thar em tih erawh chu a hriat loh a. Lang thei lo lai a thar em tih hriat turin lang thei miau hek lo. Lang thei lo lai chu a hmuh theih loh avangin a thar lo a, a hlui loh pawhin a ngai a ni ang. Bible lama nun hman ai chuan Bible a lan dan anga hun hman hi a awl a ni. Edom rimtui leh Rangkachak, thilpek hlu leh inbuatsaihna nasa tak ai pawhin Thinlunga tawngtaina nena hmang tura inbuatsaih hi a hlu zawk tih hre mah se, chuti ang chuan hun hman reng an tum si lo. 

Hmuh theih lamah chuan naupang atang pitar putar leh mitdel chenin Krismas a ni tih a hai theih loh a, Bethlehem Arsi chungchang hriain entirna atan kan siam mawlh mawlh a, Duh taka a siam Arsi hliah tur khawpin kan ti eng a, a langsar ta zawk a nih hi.  Sorkar sum indaih loh kumah kan khawlai leh khawtlang, Biakin te a mawi zual sauh a, sum kan seng tam tih a chiang a, a tha e. Nimahsela, mi dangte tana sum sen erawh a tlem thung a nih hi. Kum dang enin Charity leh Alms/ Krismas thilpek thawm tiva a reh tlawk tlawk a, kan hlamchhiah mah mah a ni. 

Eitur nei lo leh mangang, chhuanchham zawk te thuam lum ai chuan khawlai chei a langsar a, riltam tak chung chuan heng inchei mawi zawng zawng hi an hmu mawi ve thei lo. "Sualin a chimbuai loh turin khawvelah Mal leh khawhar takin ka thi a. Khawvelah ka lo kal leh a, min lo lawm si leh chuang si lo" anih pawhin ka vui lo e, Rethei leh Pachhiate tanpui hi ka lawmzawng a ni tih reng in hre si lo" tih sawiri hi awm tlatin ka hria a nih chu.

No comments:

Post a Comment