Nupui hmu chuan thil \ha a hmu (Part One)
Thufingte bung 18 chang 22 thu a
“Nupui hmu chuan thil \ha a hmu a ni” tih hi chu kan hre bel hlura, a dawt chiaha awm “LALPA duhsakna a chang \hin” tih hi a mawi lai ber chu a ni. Lalpa duh dana nupui nei a, inenkawl a nih ngat chuan duhsakna chan chu malsawmna a ni. He Bible chang thuah hi chuan a hnung zawk, Theologian ten ‘b’ an tih deuh kher hi pawimawh zawk ka ti fo \hin.
 |
| when she was sweet 16 |
Lehkhazirna leh hnathawhna hmun hrang hranga awm mipa leh hmeichhia cheng dun an awm a, neih inang cheng dun an tam a, neih inang ten nawmchenna an hmang bawk a, nupa angin nulat tlangvalna an hmang fo a. Nupa nih tur ang zawng zawng tem kimin fa an nei ngam lo mai chauh a. Nupa fa nei thei lote ang an ni mai lawm ni tih rilruk a awl hle mai. Ni lo, Pathian hmaah thu an tiam lo a, thu an thlung tlat lo a ni. Khawvel thil tak pawhin man leh mual an inhlan loh vangin nupa an ni lo. Nupa anga an awm vang maiin Lalpa duhsakna chu chang tlak an ni hlawl si lo a.
Pathian leh a kohhran hmaa thu thlunga innei pawh tam tak an awm a, Lalpa duhsakna chang hman lova in\hen leh ta pawh tam tak an awm bawk. In\hen ta chiah lova hun hmang pawhin nuamin an hmang lo a, hrenga tang ang chiaha khawsa zui ta zel pawh an awm a, duhsakna chang tlak pawh va ni bik suh. Kum tina nupui thlak pawh an awm a, thil \ha an hmu reng a, Lalpa duhsakna chang tlak an ni reng ang em tih erawh ka sawi thei lo.
Mi mal dinhmun leh hriselna (natna bik) zir loh vangte, sakhaw thila inserh hrang te, kawppui neih peih hlawl lo te, chhungkua kurpui duh zawk tan chuan nupui hmuh a theih loh a, hmuh pawh an tum lo fo bawk (chutiang zinga mi chu ka ni a, nupui ka hmuh har hi a ngai tlat a ni). Chutiang pawh ni lova, chhuanlam siam dan tur hre zet, ngaihtuah pawh peih lo te, hmu chhun iai ta tlat te pawh an awm bawk a. Hmuh chhun phu tawka ngai lo tan chuan a ngaihna a awm lo. An phu tawk pawh an iai reng ang.
Innei tura inbuatsaih ngawt pawh hi hahthlak tak a ni. Inneih chu sawi loh, neih tur hmu tur pawh hian kan pehhel rei fu \hin asin. Zak chung chunga huaisen a ngai a, mittui a ngaih chang a awm a, lawm aia hlim hun a tam chang a awm bawk. Buai rap chang a awm a, thik thu chhiat lutuk emaw, thikthu chhiat loh lutuk emaw a hlauhawm bawk si. Nupui nei tur chuan ngaihzawngte titau thlem a ngai fo thei a. Sum tam tak, tha leh zung senga inlem a lo ngai bawk nen. Message reply loh vang emaw, call pick up loh vang emawa kan thupui \helh rawk pawh a awm theih a. Tihluat avanga inchhang kham ta pawh an awm a. Thik thu leh nunhlui avanga in\ha \hen tam tak an awm bawk asin. Chhungte kar thu avanga inmil thei miah lo tan chuan nupui hmuh zawh hi ava har dawn em ka ti \hin.
|henkhat chu an fimkhur a, mimal nungchang avangin nupui pasal an hmu thei lo a. Thlahtute lo chhui tawk lah bo lo. Nakina nawmsakna tur ngaihtuah reng renga kawppui nei ngam lo an awm laiin, nawmsak duh luat avanga nei ngam leh lo pawh a awm theih. Kawppui turte eizawnna leh zing thawh tlai thleng chhuia ngaihven tan chuan nupui pasal hmuh zawh a har viau ang. Kan chenpui chhungkua leh an mizia ter theih thlawt loh hi chuan kawppui hmuh a har khawp ang le. Fimkhur lutuk tan kawppui a hmuh theih loh a, fimkhur lo lutuk leh mize thup peih lo tan phei chuan kawppui hmuh chu ‘ka ha se!’ a ni mai.
Ngaihdamna tel lo chuan nupui pasal hmuh hi a theih loh tluk a ni. Duhthusam pawh hmuin nei mah se duhthu sam lohna lai a hmu tam ting a ni mai. Mi pahnih pumkhata insiam tur chuan inngaihdamna leh inhriatthiamna a awm a ngai bawk. Ngaihdamna telin insiamrem a ngai fo \hin a. Ngaidam thei lo tan kawppui a hmuh theih lova, ngaihdam beisei renga awm tan pawh a hmuh theih loh.
Ava khirhkhan teh hrep em! Nupui hmu tur chuan ‘Risk’ a tel a ngai a, at-huai a ngai fo bawk. Eng mah hriat lawk theih hek loh. |henkhat chu zan khat inhmuhnaa tlan dun ta lawp lawp a, nupui hmu nghal an awm a. |henkhat te lah til then dik loh vanga dik hlen ta an awm thung. Sawn thlak avanga innei a, kawppuia insiam an awm \euh a. Nupui an hmu tho, an innei tho bawk.
Thil \ha kan duh lutuk luatah hian kan senior zo ta em ni? Nupui hmu chuan thil \ha a hmu tawh reng a, Pathian hmaa thu thlung emaw, Mizo dan emaw, Indian Marriage Act hmanga innemnghet pawh ni se la, kawppuiah an insiam tho a. Thil \ha a ni tho e, a \ha lo erawh chu nupa, kawppui inenkawl dan, invawn danah hian a ni zawk a. Nupa inenkawla invawng \ha te chu an inneih dan chu a eng pawh nise, Lalpa duhsak chang tlak an ni zawk. Chu chu a ni pawimawh ni.
Lalpa duhsakna chang tlak (Part Two)
Min duh loh leh ngai kan awh tih \awngkam i hre fo tawh ang a, chau rau \awngkam mai a ni. Min duh loh hi chuan kan lo la na fe tawh \hin zawk nia. Nupui duh lutukin an tisual chawk a, ngaihven lo leh lutukin an tisual bawk. Tleirawl laia duhthusam zama chutiang nei ta an awm a nih chuan mi vannei tawp khawk an ni.
Kan duh ber te hi kan nei lo a nih pawhin; a dawttu kan nei ta a nih pawhin kan neih tawh chu kan duh ber mai tur a ni. Chuti ni lova kan inchhir leh a nih chuan engvangin nge duhthlanna kan siam ang le? Inchhir hni hne hi a sawt lo a, chu ai chuan inchhirna tur chu neih loh mai tur a ni. Pathian hmaah meuh thu tiamin engvangin nge an inneih kher a \ul ang ni?
Tu pawh nise, eng mi pawh nise, engtiang pawhin lo awm se a tuar ngam mai tur a ni. Hriatlawk ang mizia nei a ni lo pawh a ni thei a, a inthlak danglam thut a nih pawhin a tuar tlang ngam mai tur a ni. Pathian ring tlat chunga nupa nun hman tlat chuan inrem lo pawh a rem theih a ni.
I \hian \ha ber kha i rilru dik tak hrilh rawh. I nu leh pa i chenpuite kha i duhna hrilh \hin rawh. Thurawn hrang hrang la la, ngaihdan siam rawh. An ngaihdan ang vekin i kal thei lo tih hria la, ngaihdan i siam theih nan finfiah bawk ang che. Chumi hnua ngaihdan i siam tawh a nih chuan inchhir hni hne suh ang che. Ka peih tawh lo e.....
P.s. Nupui i nei dawn ta bawk a, eng emaw i blog-ah ziak ve ta che tih thu chu nupui nei rei ber tawh ang hrimin ka han ziak ve a ni e.
He blog chhiartu zawng zawngte ni 7 Feb 2018 (Wed) dar 2.00pm hian BCM Bazar Zobawkah min lo telpui vek turin ka sawm a che u.
No comments:
Post a Comment