30/2014 Ka che chhia

KA MICROSOFT DIARY 28/8/14

Tukin zing tawngtai inkhawmah Damlo tawngtaipui ngai min chah kha sawilan ve ka duh avangin Tawngtai Subject-ah a dam zawka ka han thawh heu a nih kha. Hria an awm a nih chuan an nui nasa ve khawp ang, mahse an hre lo a nih ka ring, tumah an nui chhuak lo. Ka ti diklo a ni tih ka sawi nawn duh ta lo a, Tawngtaina chhangtu Pathian chuan engkim a hriat kha maw. Khanu tawngtai khan min awia ka mu thlu pek a, mu thlu ah pawh Upa T kaihthawh ngai khawpin. Ka lumen vang vek a ni.


Silchar sangha sen chi kha Dil sangha eia ka ei tir zawh hnu lamah Bazara an zawrh a ni tih ka hrilh hreh leh si a, Phai sangha ei duh lo ngai lo khan a ei nasa mah mah a, kan lo nuih nasa in kan hrilh hreh insumah khan a lo hre thiam ta a ni. Naupang nuih mai mai mah nise a thinrim ber tum a ni awm e. A puar hrep lehnghal a, inchhirin awmzia a neih loh avangin ka ngawi ta ngawt a ni.


Office haw tura hman hmawh taka kan kal lai chuan “Ruah a lo sur thut a kawngsira park mai tur ka melh lai chuan hmunawl a awm ta hauh lo mai. Signage an tar “No Parking” tih chhak chiahah chuan ka park a, Signage chu bike chhakah ka hung sawn fel awrh tih chuan a bul dawr chu ka pan a. Traffic Police lo chawl, ruah surin a dan ve tho bul ka chuan ka chawl a. “I chetdan chu a mawi lo hle mai a” tih bak a sawi lo, mahse thil mawi tak chu a ni lo a ni. Chu Xerox dawrah chuan Higher Secondary ka awm lai a, ka Student hlui, min ngaisang em em mai hian min lo thlir reng a. Ka inchhir ber trum a ni awm e, Mahse ruah a sur thut vang pawh a ni ve pakhata tiin ka inthiam chawp a ni. Khatia Bike ka dah fel a, "No Parking” signage china ka park that lai, a huang ka zauh lai kha Classic restaurant tukverh atang chuan Zoram huapa Gospel Singers lar ber berte chuan min lo nuih reng chu a lo ni a. Helmet ka hlih hnu khan keimah a ni tih hriain, CRi chuan nui khur ding zawih zawihin min lo Call a. Ka va han zak em!!

Chhuanlam a awm tak si lo ah chuan Ruahsur nghah nan Inchunglamah Coffee in tur chuan ka fin ta a ni. Pensy a lo awm ve chu niin, Mi zahawm tak tak bula ka awm lai chuan ka va che thring em tiin biak chak hle mah ila ka ngawi hle hle mai. Ka ngaihtuahna-ah engpawh ti ila, mitten min hmu lo mahse Vana Pathian chuan min lo hmu ru reng thin si a. Khawvel mite hma-ah mah a zahthlak chuan Pathian hma-ah chuan sawi tur a tlem ve khawp ang.