LALPA KHAWIAH NGE I AWM?
Ka thiante, ka chhungte leh ka hnathawhpui te, i tana ka rawngbawlpui te hian ka harsatna zawng zawng min laksian sak thei lo a, chuti chung pawin ka tan an hlu em em a ni. Nang, engkim tithei phei chu ka tan i hlu zual a. Mahse, I rawngbawl avanga chan anga ka inngaih chang chuan ka mangang a, ka hnual fo thin. Harsat manganna ka tawhin ka ko che a i reh vawng vawng lawi si.
Ka thinlungah te, ka bible chhiarah te, i thilsiam hmangte hian thu i sawi thin kha a ni ngai a. Tunah hian i aw ka va hre thei ta lo ve. I thilsiam ni eng mawi tak hi en ngam lo ang mai hian Nang chu ka zawng che a, ka ko che a, ka en thei si lo che a nih hi. Hnai takah hmuh che ka duh a, min en khalh lawi si, hla taka ka hmuh che-in ka duhkhawp thin lo. Inhnemna dang ka lo zawng leh hman thin a, min ngaidam ang che.
Nangmah lovah chuan rinna ka nghat ngam lova, nghat turin ka chau si a nih hi. I thilsiam mawi tak tak ka hmuh chang te, ri ngaihnawm tak tak ka ngaihthlak chang leh damna ka neih a, emaw ka bawrhsawm chang pawh hian nang chu ka kiang vela lokalin min hnaih a, min tanpui reng turin ka beisei thin che asin.
Harsatna sutkian dan tur min hrilh lo anih pawhin a ngaihtuah theihna leh nachang hriatna min pe leh la, lawma awmdan tur min zirtir la, lungawia awmdan te hlei hlei hi ka thiam lo a ni. Vui lo turin dawhtheihna min pe la, tuarchhuak thei turin chhelna min pe ang che.
No comments:
Post a Comment