182/2016 Self Solution Therapy

MAHNIA HARSATNA SUTKIAN TUM DAN

Dr. Herbert E. Hawkes "Hamhaihna leh pawngpaw philina hi kan harsatna leh manganna siamtu leh a mei fawhkai \ha ber a ni" tiin a lo sawi a, awm nuam lo, rilru ippik leh buaina kan tawh changin kan chau a, engmah tih a tui lo fo thin a. Kan awm mai mai hi kan tawt up up a, hnathawh leh hlim hi a harsa thin a ni ti raw? 

Tanpuitu kan zawng ruai ruai a, thinlung taka min hrethiamtu, min ngaihsaktu kan hmu lo fo a, kan hmuh chhun te lah chu kan mi rinzawng an ni si lo a. Harsatna kan tawh, kan thuruk hrilhna tlak awmin kan hre si lo a ni. Kan mimal nun nen lama  inpawrh ruak vek tur chuan kan beisei ang mihring hi an vang ta thut thin a. Chutih lai karah kan harsatna tawh suking tura thurawn leh min chinfel sak tur mi thiam hmuh mai tur an vang a, kan bul hnaia an awm loh avangin kan hun tawn nen pawh a inmil lo fo thin a ni.

Beidawn tawpah kan tawngtai a, Pathian hnenah engkim kan hlan a, kan phurrit chu a la bo si lo a. Bei a dawng ngawih ngawih thin. Tanpui vartu hnai reng a ni a, mahse, Pathian chuan mahni intanpui apiangte a tanpui thin a ni si a. 

Chuti ang huna kan awm chang chuan Mahni intanpui dan tur hi chhiar la, a taka hman nghal tumin nangmah leh nangmah kha han intanpui teh le! Chhiar liam mai lova, ziak chhuak ngei turin i taima ang a, intanpui ngei i tum bawk tur a ni. I ziahchhuah hian rilrua buaina  (Mental Conflict leh chiai/phili a sukiang thei a nia) Chuti a nih loh chuan i harsatna kha sukian i duh tak tak lo vang a, i harsatna kha ngaiin i lungleng  ni ngei ang

1. I HARSATNA CHU ENG NGE?: I harsat buaina kha tu mah hrilh hriat tur i neih loh chuan nangmah kha inhrilh nawn la, Harsatna ber chu Hawrrawppui ngeiin han ziak nghal teh le.

2.  ENGVANGA LO AWM NGE? : i harsat buaina i hre tawh a, eng vanga lo awm nge ni a, nangmahah engtin nge buaina a nih dan chu point fel taka ziakin chhuak rawh le.

3. ENGTIA BAWHZUI THEIH NGE TIH HRIAT A TUL : Harsatna leh buai manganna chu a awmchhan leh i tana harsatna a nih dan i hre tawh a. Engti bawhzuia chinfel tur nge a nih tih ngaihtuah chungin Point number 2-a i ziah zat aia tlem lo khian, a indawt (Step) dan angin ziak rawh le

4. ENGTIA TIH THEIH NGE NI? ENG NGE THA BER ANG LE? :

A bawhzui dan tur i hriat ang chu i ziak chhuak vek tawh a, A bawhzui dan turah i tih theih chu i thai (tick) nghoh nghoh bawk a. I dinhmun leh a sutkianna pawh a chiang a ni.

5. ENG NGE KA LUNGKHAMA ENG NGE KA HLAUH BER :

I harsatna chu i chingfel thei lo a nih chuan eng nge lo thleng dawn a, thil lo thleng tur i hlauh dan indawtin ziak rawh le. A tam lam ai chuan i hlauh ber kha dah pawimawh la, a indawt zelin ziak ang che. I hlauh ber sutkian a nih chuan thil dang harsatna chu a chiang vek thei si a.

6. BAWHZUI NGHAL ZEL ANG CHE :

Engkim hi  chiang ta vek a, i dinhmun, harsatna leh a sutkian dan tur ni-a i ngaih zawng zwng pawh i hre vek a. I tih tur a awm ve ta, i hmalakna tur chu huaisen takin ti nghal ang che. Huaisenna hloh a awl tawh avangin zam chung chung pawha hmalak a hun a ni.  Harsatna chu nangmah ngeiin i chingfel thei a ni tih ring tlat la,  chinfel dan tur i ziak chhuak vek tawh avangin nangma tih theih chin chu huaisen leh inringtawk takin ti ang che.

6. TANPUITU ZAWN A NGAI FO:

I tih theih chin i ti vek tawh a, engkim, thil zawng zawng a tih theih vek loh a, i theih loh chinah chuan rawn leh tanpuitu tur mi tam tak an awm tih hre thar leh la. Doctor pawhin a damloh chuan Doctor enkawltu a mamawh ve tho a. Zirtirtu pawhin zirtirtu a lo mamawh ve tawh a, a la mamawh zel bawk. Mi thiam chuan a theihna a hria a, a theihna a tawp china tha zawk tur chuan mi thiam hnenah a tir (refer) leh ang hian mi pakhatin engkim a tih vek theih loh a ni. Chung chu hmu a, be tur chuan engtia hmalak chi nge a nih ziak la, nghak khawtlai lovin pan nghal bawk ang che.

7. BEIDAWNG SUH :

Khawvel thiamna leh hriatna hi chuan tawp chin a nei a, tanpui theih loh leh tanpui tlak loh, a tihngaihna a awm lo a nih pawhin beidawng suh. Engkimtithei Pathian a awm a, mihringte beidawn hnu-ah hian hna a thawk thei a. Mihring theihna a awm lai hi chuan a inrawlh lo ve fo a nia! A chhan chu Amahah inngat se min duh vang a ni. Pathian pawh i ring lo a, i beisei duh lo a nih pawhin beidawng suh. Khawvel tana tangkai taka hun hman tumin bei sauh sauh la, huaisen takin chu harsatna chu hmachhawn ang che. Mi dang tana entawntlak  i nihna khan a tihuaisen ang che a. Harsatna nei lo ang chiahin i lo awm thei ang.

#Mi pakhat harsatna neia, lungngai awm tak hi a lo kal a, a tawng duh lo a, harsatna leh tanpui a ngaih chhan pawh ka hre lo. A tawng duh tlat loh avangin tawng duh turin ka thiam thil ka hmang zo a, ka beidawng chiang hle. Thiamna ka neih tawh loh avangin ka thinrim lek lek zawk a.

 Ka dawhkanah chuan lo ziak zel turin ka ngen a. Ka hmuh loh turin a lo ziak zel a, va en talh pawh ka tum lo. A ziah zawhah chuan ngawireng a tho a, a lehkha ziah lai chu a thlep mawlh mawlh a, a chhuak ta daih a. Eng mah a sawi lo. Hepa thil tawn hi mi zawng zawng tan a tha ang ka ti lo a, ka ngaihdan ka tarlang mai a ni e. A lo tangkai tak mialah.

Mi ropui leh mi thiam te anga theory vawrh chhuah ka tum tih lam a ni lo a, mi thiam ka ni bawk hek lo. He lai hmunah hian ka dah tha ta mai zawk a ni, tanpui ngai si, tanpui duh miah lo leh sawichhuak duh miah lo te tan a lo tangkai tak mialah tiin.

PS. Thats Psyched will know the solution