THINGPUI SEN HANG: A LAILUM LUAHTU
Kan vengpa pakhat chuan “Thingpui senhang hi ka heh khawp a, ka nei reng a ni” tiin a sawi a. A thianpa pawhin “Kei pawh ka heh khawpa, thingpui senhang hi chu ka nei hman lo reng reng a ni” tiin a sawi ve thung a. A khawi zawk nge heh zawk ang tih pawh ka hre thiam lo. Duh ve tak chu an ni.
Tunlai mipa zaithiam zai thiam dang dai tak, Israela Pachuau chuan ‘Thingpui sen” tih a sak chu Youtube-ah (Link hi Click la) a dah a. Mizo hla phuahdan anga Chang nei pet pet pawh a ni lo, mahse Mizo irawm tak, hnam leh a nunphunga bet tlat hla a ni lawi si. A hla chhungah pawh hian thenrual ngaihna kaihhnawih thingpui sen pawimawhna sawiin, ‘thingpui sen’ a tih hi Thingpui sen hang a sawina turah ngai ila.
Ngaihlai in bang lo, Aw ka lenrual lungduh te u (Repeat)
A sakhming an ko *** che tiin
Suihlungrualin thalai kan fuankhawm
Tu dang kan ngai lo lenlai chena leng te pawh
Lo tel ve ru thingpui sen pawh kan nei asin
Ngaihlai in bang lo, Aw ka lenrual lungduh te u (Repeat)
Theihzawng nise riahrun rem ka nuam
Mahse a rem lo tuan alo tul leh si
Suihlung lo phang suh aw ka lenrual lungduhte u
Suihlung dam ten lam ang let zai ka lo rel e
Ngaihlai in bang lo, Aw ka lenrual lungduh te u (Repeat 2 times)
Thingpui senhang thatna chu Dr Thangchungnungan (MS Ortho) khan hetiang hian a sawi a. “Thingpui hang hian pumpui na a tireh a, pumpui na tur a veng a, Cancer a veng bawk a, thisen bal a tifaiin thluakte a tifim a. Hengte avang hian thingpui sen hang in hi uar ila, a man a tlawm a. Tin, Gout nei leh zunkawng tha lo ho tan phei chuan tuisik in chiam a har avangin thingpui sen hang in tam hi tum ila a tha” tiin (Link hi Click la) a sawi a. USA lama research kaltlanga finfiah thu pawh a tarlang.
Misual dotcom (Link Click la) -ah Mr Cheiri khan Thingpui sen hang thatna hetiang hian a ziak a, “ (a) Hriselna belhchhah nan. (b) Cancer vei theihna a ti hniam. (c) Thisen a thau sang lutuk tur a veng . (d) BP sang tur a veng. (e) Zunthlum a veng. (f) Tar har nan. (g) Rilru a ti veng. (h) Chaw ei sual a veng. (i) Vun natna thenkhat a vengin a tidam thei. (j) Ha nget a vengin a tidam thei hlauh. (k) Virus (natna hrik) thenkhat a tihlum thei. (l) Kan pum a kan paitawih tawh tisa a alo hman tangkaina hmun turah a kal mumal tir” tiin Dr Vanlalhuma ziak atangin Thingpui sena hlo (Chemical chungchang pawh chipchiar takin a ziak bawk. Mahse Lunglei Doctor pakhat hi chuan in lo turin thurawn a pe ve tlat thung.
Ka han sawi belh duh tak ber chu Mizo thingpui sen hang hi a thatna te, a tuina te, a hriselna leh natna vengtu a nihna lam ai hian Mizo nunphunga a pawimawhna hi a ni. Thingpui sen hang hi tui kan ti vek kher lo ang, mahse Mizo leh Mizo inkawm ho leh ti ti hian a lai lum a luah tlat a. Thingpui sen hang in tura insawm pawimawhna chuan thinlung lama inpawhna, inngaihsakna a entir tlat zu nia.
Thingpui sen hang hi in tam poh leh a tui a, in than poh leh in a nuam a, thinlung lam inpawhna zuk keng tel tlat a. Chuvangin thingpui sen hang in inlai chuan in inkawmin, in ti ti ngei ngei ang. Mahni chauhvin a tui lo e, a sehhmeh tur thian a mamawh asinn. Chumi hlutna hre tur chuan Thingpui sen hang hi chhuang reng mai rawh. Inpui tur i hmu zo lo a nih chuan inenfiah la, i nun kha a khawhar ru hle hian ka ring. Luhlul chhuaha i inhmu chhuak thei lo a nih pawhin, nangmah tal khan in zo vek mai rawh le.
Phan tih vek luklak, inlak changkang viau pawh a tha e. mahse man tlawm tui zawk si Zo thingpui fe ngei hmangin aw
No comments:
Post a Comment