MIZO IPTECHEI
Naupang mai ka la nih laia Iptechei ak thin kha chu tarsen pawisak vak nei lovah ka ngai thin a. Incheina aia thul mawnga dahah a tangkai zawk ka ring thin a ni. Kan venga mi nawlpui ngaihdan pawh a ni. Tunah chuan a ni ta hauh lo mai.
Phaia lehkhazir lo haw khan Mizo iptechei an lo ngaina viau zel a, an lo haw \um te khan an ak ngei ngei \hin a. Kum 2004 khan Shillong-ah ka rilru puthmang chu min thlaksak daih mai. Laitumkhrah kan kal haw chu, kan hmaa Iptechei ak nula leh tlangval chu kan han be ngawt a. Naga hnam an lo ni a, "Hnamdangte pawhin mawi tia an lo ngainat chu eng vangin nge a siamtu hnam zawk hian ka ngaihhlut loh ang' tiin ka ngaihtuahna ka thlak ta a ni. Anni chuan bazar an kalnaah te, Class an kalten an ak \hin a lo ni a. Ka ni tin pisa kaina hmunah hian sap hoten an lo ak chhuak ka hmu fo \hin. An nelawm hliah hliah hian ka hmuh phah bawk. Mipa lam hi chuan kan uar ta khawp a, hmeichhe lam hian an la nel lo deuh , chubakah, a ngai reng thawhchhuahpui hi an ning deuh a ni awm e. Pawisa leh Bag dang ngah vanga ning pawh an ni mai thei e. Pastor Bial Zaipawl hruaitu ka nih laiin hmeichhia leh mipa nen zai rawngbawl tura kan fehchhuahin kan thawhchhuahpui alawm. Kawng engkimah inring tawkin, danglam tak kan ni.
Senior hri : Keini vengah kha chuan nula upa leh Upa leh rawngbawltu te chanah kan dah zel kha a nia. Chapchar kut leh Mizo hnam thuam inbel hun bik awmah kan ngai a, chumi chauh chuan kan hawl chhuak \hin. Tlangval upa lam leh patling phanchang ten an ah chhuah kha chuan inhmeh viauah pawh kan ngai bawk. Inlaveite leh pawl chhuak, kohhrana awm lo te, Pathian chawimawi bik uar ta riaua kan hriatten an chhawm nung tura ngaihna kha a lo reh zo a. Tunah chuan hnam rilru pu chungin, mawi phah nan kan hmang a, kan hnam rilru put dan pawh a duhawm viau e.
Fashion \ha tak a ni : Thawmhnaw design hrang leh a thar, dangdai phochhuaktu te chauh chawilar tur a ni lo a. Kan \angkaipui em em, kan hnam zia-rang pho lang thei ni bawk si chu Iptechei hi a ni. Hnam dang khual tha dawnsawn changa ngaihhruih nana lo pek kan ching \hin a. A mawi hle a ni. Hnam thil a nih avangin Iptechei hian inhmeh loh hnam a nei lo a, hnam dang pawh an inhmeh hlei hlei a ni thin.
Chatuan thlenga mawi tur a ni : Biak inah emaw, bazar kalna leh hnathawhna hmunah pawh a mawi zel a. A zahawm em em bawk avangin Iptechei nena leng vel hi; a tei mai mai theih loh, pawimawhna eng emaw a ken tel tlat \hin avangin zahawmna a keng tel nghal a tih theih awm e. Naupang te pawhin Iptechei hi ak se la, a zahawm em avangin kan hmu upa tel tlat \hin a, kan hmu upa thei lo a nih pawhin Ipte chei ak thei ngat chu kan hmu nep ngai lo a ni. Phur hluai vang ni lovin, engtik lai pawha mawi a nih avangin inkhawmna leh khawi ilo kalna apiangah hian a mawi reng a, chhawm nun reng theih a ni.
Ai khatah min luantir : Mi hausa leh rethei tan pawh a inang reng nia, hmel \ha leh hmel chhia pawh a thliar hrang chuang law. Inang khat renga min awmtirtu a ni. Incheina sang leh hniam nihna a hril lem lo a. Sakhaw puithiam un pui pui te; Pastor leh Upa, naupang chhia pawh min hrut rualtu a ni ve tlat. Pathian biak in chu sawi loh, zu hmunah pawh zahawmna zuk awm tho a. Han fiah chhin teh le, Iptechei ak chung chuan zu lei tur pawhin zu min pe \ha ngam lo zuk tia.
Ei leh bar, hnam nun nghawng a ni : A siamtu chu Mizo te kan nih hre rengin kan ram siam ngaihsan nachang hriat hi hnam chawisanna a ni. Lei a awlsam em em a. A man a tlawm hle a, a tlo em em bawk si. zahawmna a keng tel lehnghal a, nun a vawng uluk zui. A mawi rei ber tihngam nachhan chu Ipte leh Bag dang hi kum sawm kan ak peih meuh lo. Chuvangin, Iptechei ah hi chin \hanah nei la, ngaiah i nei ang a, a tangkaizia leh a hlawkzia i hmu tulh tulh ang. Thil danga thlak tum duh suh, thil dangin a hlutna a ter phak chuang lo ang.
No comments:
Post a Comment