CHANVO KAN TIH HI ENG NGE LE?
Essay (thu tla darh) ziah dan kalphungin he hmun awl hi kan hnawhkhat teh ang. Ngaihtuahna min sen tam tir mahna! Ngaihdan hrang leh thil ni thei, ni lo thei bawk te hi kan ngaihtuah tlem ta lutuk a. Kan thil chik peih loh avangte hian kan lo dazat ta fo mai. Fimkhurna atan leh kan hriatthiamna atan i han sawi teh ang.
Mizo \awng chik taka ka thlir hian a \awng awmze lam aia kan ngaihpawimawh zawk a awm \hin a. A awmzia hlu tak, kan intheisem \hin pakhat chu Chanvo sem hi a ni. Chanvo ruat pawh kan ti thin bawk. Chanvo te hi inruat chi a ni em thlir chiang teh ang. Chanvo chu kan neih ngei ngei tur, keimahni puala dah hran pawh ti ila a dik awm e. Chanvo chu kan phu vanga neih a ni a, phu lo ten chanvo an nei ngai lo. Thil dik lo deuh a awm a nih loh chuan. Keimahni tana Serh hran a nih tawh avangin mawhphurhna a keng tel bawk. Kohhran leh a pengte zingah Chanvo kan semzai \hin a. Mi neih ngei ngei tur, an puala awm tur hi a hun hmaa semzai a nih chuan chanvo a ni lo fo \hin. (Hei hi Pathian thu-a Talent a tih nen hi chuan a inmil lo deuhah a ngaih theih ang)
Pathian rawngbawlna kawngah pawh hian kan rawngbawl dan azira kan chanvo tur a awm hrang thliah thliah a. Kan thih hnu piah lamah pawh Chanvo kan neih chu Lal Isua hi a ni a, Vanramah faka chawimawi hi kan chanvo, kan tih ngei ngei tur chu a ni. Keini phu vang lam ni lovin, Lal Isua hian fak leh chawimawi a phu em vanga fak mai tur kan ni thung. Tu mahin min khap beh theih a ni lo a. Leiah pawh hian kan rawngbawlna leh kan inpekna, kan thiamna leh nihna azira chanvo neih kan nei \hin a ni.
Committee emaw, hruaitute katlangin emaw chanvo kan insem \hin a, \henkhat phei chuan an la semzai bawk \hin. A phu leh a tlaka te tan chuan thil \ha tak a ni. Mi \henkhat chuan chanvo an ruatin tlak tlum duh vang emaw, induhsakna vang emaw beiseia chanvo semzai an awm ve thei bawk. Duhsakna anga ngaia inchawikan (Promote) nan kan hmang \hin bawk a. A sual tam pui lo vang.
Chanvo nihphung hre reng siin a ni lo zawk, a tlak loh zawk, a phu lo zawk pek mai hi a awl hle \hin a. An chanvo chu an phu emaw, phu lo emaw an chanvo a nih zel dawn avangin thil hmanhmawh thlak tak a ni lo an ti \hin. Mimal induhsakna avang emaw, inhuatna vang emaw hmanga khawih danglam chi pawh a ni lo. A thawhchhuah a nih loh pawhin a nihnain a ken tel sa a nih tlat avangin a danglam chuang lo awm e.
Phu miah lo leh tlak miah lo pawh hian chanvo zuk nei tho a. Lehlawi si a. An chanvo erawh a danglam \heuh thei awm e. Mi a lo pian veleh hian chanvo eng emaw takin a zui nghal \hin a. Chu chu inchhuhsak chi a ni lo a, duhsakna avanga inpek theih chi lah a ni hek lo.
Khaw’nge entirna nen hian a fiah deuh mahna! Naupang chu a lo piana kohhran membera lawmluh a nih a\ang hian chanvo a nei nghal \hin a. Lawmluh a nih hma pawhhin a nu leh pa avangin chanvo chhete a nei hram hram a.
Kohhrana a lo tel pawhin eng chanvo emaw a nei nghal \hin. Naupang mai a nih pawhin KNP-ah hming ziak thei tura chanvo a nei nghal a. A zaithiam a nih chuan a zai thiam vangin mipui hmaa zai tura chanvo pek a ni \hin a, zai turin ruat (pek) nih kher erawh a ngai lo thei bawk. Chanvo chu pe kher lo mah sela an Bathroom-ah tal zai theihna tura chanvo a nei \hin e, kan tihna a nih ber awm chu!
Kohhran member kan nih mai avanga Pulpit-a Thuhril tura chanvo inpek theih a ni lo a, rawngbawltu a nih hawt loh chuan chanvo a nei lo a ni. Rawngbawltu ni si lo, Evangelist leh hunpui bikah erawh sawi theihna chanvo a nei \hin. Kohhran member anih erawh chuan Kohhran hnatlanga tel theihna tura chanvo a nei thung. Kha nu, kha pa kha a rawngbawl dan a \hat a, a tlak a, a tlin phawt chuan Rawngbawltu atan mipuiin chanvo an pe thei a. Rawngbawltu a lo nih chuan thusawi tura chanvo a neih ngei ngei a ngai a, amahin a hnial a nih loh chuan. Chuvangin, thei sema sem ngawt hi thil tih chi ber pawh a lo ni lo.
A \awng awmzia leh nihphung chhui chuan, kan hriat reng tur chu Chanvo hi chu mi dikna, mi neih tur leh kan chhuh theih loh, an phu vang emaw, an \hat em vang emawa pek chi a ni. Chanvo nei tur chuan Daikil kara mi chhete pawh nise, pa hausa tawntaw nen a danglam chuang lo, an phu a nih phawt chuan.
Thil pakhatin kan sawi zawng zawng hi a \hiat vek thei a, chu chu ‘khawngaihna’ hi a ni. Induhsakna vang emaw, min duhsak se tih vang emawa chanvo hi inpek chi a ni lo kan ti a. Phu miah lo leh, tlak miah loh pawh Khawngaihna hmangin a phu vek thei. Miin a theihna leh nihnain a phu em vanga Chanvo hi pek tur a lo nih pawhin Thih hnu piah lamah erawh chuan Khawngaihna avangin chanvo a ngai tawh lo vang. Kkhawvelah hi chuan kan Birth Right (Kan pian vela kan chanvo te, kan phu vang te a awm a. Kristian tan chuan Isua hi kan chanvo a ni zawk si a)
No comments:
Post a Comment