4/2015 10 Collected Songs with lyrics

PATHIAN FAKNA HLA KA DUHZUAL 10; Hla thu nen

Pathian fakna hla-ah hian tha lo a awm lo a, mahse ka hla duhzual sawm tarlangin a thu nen i han phochhuak teh ang. typing hi ka nin em avangin ka peih lo fo a. Tun tumah chuan a hla thu chauh i han ziak chhuak dawn teh ang. Hun remchang hmasa berah a phuahtu leh a satu te chanchin leh a video/music link nen lo attached vek ka tum ang e.

Bial Zaipawl nen

1. KA PATHIAN NI AWM RENG I NI 
2. KAN THINLUNG HI KAN RAWN HLAN A CHE  
3. MIN PE TAWH ZAWK ANG  
4. KA DUHBER LALPA
5. KA DAMLAI NUN KAWNG 
6. DUHTHLANNA SANG BER
7. KA THUPUI BER 
8. EMAU DAI REH 
9. THISEN HLU
10. KA INPUMPEK E 

1. KA PATHIAN NI AWM RENG I NI (Doh is F)

Sual thim thuk taka pila ka bo laiin

Beidawng leh chauvin ka rum thin a

That tum thei si lo, thatna reng nei lo chu

A hmangaihnain min zawng hmu ta

Kei ang misuala tlu

Chhanchhuaktu ngaite tan

Sualna tlengfaia khawlohna ngaidam thei

Ka Pathian ni awm reng i ni si

Pathian thianghlim bawlhhlawhte tlengfai theitu

Kan ral hmang mei, hmangaiha khat si,

Diknaa rorel khawngaihna tawp ngai lo

A hmangaihnain min zawng hmu ta

Damlai hringnun lamtluang ka zawh mek laiin

Bawhchhiat leh chauh chang te awm mahse

Chak lote thian engkim tithei Lalpa chuan

Chatuanin min hruai dawn tih ka hria

2. KAN THINLUNG HI KAN RAWN HLAN A CHE (Doh is A)

He khawvel zawng leh a ropuina te,

Vana arsi zawng zawngte leh

Mita hmuh theih leh hmuh phak lohte nen

A kutchhuak an lo ni vek si

Tui thuk tak chungahte lei hnuai ril berah

A ropuina a inphum si

Engvang hian nge maw hringmi hmangaihna 

Kan tan a nun a rawn hlan le

Aw i hma-ah kan lo kun e, 

Kan rawn hlan a che  kan thiamna zawng2 te hi

Aw i hnenah i hnenah chauh 

Kan thinlung  hi kan rawn hlan a che

Kan thinlung  hi kan rawn hlan a che

Hringmi’n ropuina a tih zawngte leh

A ngaihhlut tinrengte hi

Thil hlu a tih leh a ngaihsan thilte

Mawina leh sanna zawng zawngte

Kan Pathian hmangaihna chhanletna turin

Thil hlu tawk reng a awm lo ve

Kan thiam kan theihna leh kan nunna zawng pawh,

Hlan zo ila, a hen si lo (repeat after chorus )

3. MIN PE TAWH ZAWK ANG  (Doh is G)

He leiah zawng ringtute,  Sual avanga hliam tuarin

Hnehchhiah leh chau takin kan awm thin

Lawmna reng nei lo hianin,  Hlimna bo hnu ka ngai a

Min hnemtu ka zawng ruai thin

Lalpa nghaktute chuanin,

kan chakna siam tharin

Mu anga thlazara thlawkin kan leng ang

Sualna thlite lo hrangin buaina ten min chim mahse

Thlemna ten eitur chu min pe tawh zawk ang

Lebanon tlanga vurten an hmun an kiansan ngai lo

Keini zawng Lalpa kan hlat fo che

Mahse hmangaihna banin lainatin min chelh reng a,

Hmangaihtu i ta kan ni

Theipui thing par vul lovin, Olive thing pawh rah lo se,

Lovin eitur chhuah dawn lo se la,

Ka lawm ang Lalpa-ah chuan, Ka lawmzel dawn Chatuanin.

Aw Isu i mawi ber si

4. KA DUHBER LALPA (Doh is D)

Hei leh chen kum tam min hruaitu

Ka Lalpa ka tan i va tha em

Malsawm tinreng ka chhiar seng lo

Hlim leh lawmna chatuan nun nen

I tel lo chuanin mitkhap kar pawh

Ka nungzo lo ka chau leh thin

Nang chauh i ni ka duh ber leh

Chatuan thlenga ka belh tur chu

Ka chhing mit khua fiah lo mahse

Ka thlarau mitin a fiah chhandamtu

Ka vui lo e, engpawh thleng se

Chatuan kahwvar min hruai thleng ang

Ka hahchawlhna leh thlamuanna

Innghahna beisei dang ka nei lo

Ka pumin nei rawh ka inhlan e

I angchhung muanna ka rawn pan e

Natna leh hrehawmna khawvel

Buai leh lungngaihna ramah hian

Ka ngaizual chhandamtu Lalpa

I kianga len hlan ka nghakhlel e

5. KA DAMLAI NUN KAWNG (Doh is D)

Ka damlai nunkawng hi Lal Isu

Chhiar dan ka thiam theih nan min kai la,

I ram ka thlen hmain sualna ten

Min beiin chauvin ka buai leh thin

Chaute hnena chakna pe thintu,

Keipawhin ka rawn pan che Lalpa

I kraws hlim hnuaiah min chawlhtir la

Ka thla hliamhnu hi tidam leh rawh

Beidawng leh lungngaia ka awmin

I thlarauvin min tiharh leh la

Chak lo leh khawhara ka awmin

Min thlamuanin min tiharh ang che

Khawvel mawinate lo vul mahse

Ka tan zawng i hluber Lal Isu

Damlai ropui leh nawmsaknate

Ka phum ang ro hluber ka nei si

6. DUHTHLANNA SANG BER (Doh is G)

Damlai lamtluang ka zawh laiin

Doral a lian thlemna karah

Thlarau zawngin peih mahse

Tisa erawh a chak si lo,

Ka hneh zo lo, ka tlu leh si thin

Aw tunah lawmin ka khat

Krista keimahah a nung tawh zawk si

Thiam loh chan reng a awm tawh long

Min tlantu nun a nih vangin

Mi rethei ka va han ni em!

Tu-in nge min chhanchhuak ang le

Thihna taksa atang hian

Tih theih dang reng ka nei si lo

Duhthlanna sang ber hlan mai loh chu

Thlemna thlipui a zual zel a,

Doral lian setan ramah hian

Mahse himna kulh Krista

Chatuan nunna ka thlan vangin

Kumkhua-in ka him reng tawh ang a.

7. KA THUPUI BER  (Doh is F)

Ramtiam lampanin chak lo tak chungin.

Nitin ka kal a,

Mahse Aw Lalpa chimbuaitu an tam ngei

Ka kal thiam lo.

Setanan nitin min ber

Nangmah kalbo san turin

Mahse chak loh ber lai pawn, Ka peng ngam lo

Lalpa nangin min chelh tlat rawh

I ta ka ni e, Chatuan atan

Ka thiamna finna zawngte,

Lalpa i tan a ni

Hei hi ka thupui ber nangmah fak hi

Tunah aw Lalpa hei hi ka hria a,

Lawmthu ka hrilh che,

Ka tlin loh anga nangin min pawmin

Min lo duh si

Ka sualna zawng zawngte hi

Miten hrereng thin mahse

Lalpa nang erawh chuanin i theihnghilh si,

I hmangaihna ka fak fo vang

8. EMAU DAI REH (doh is )

Emau daireh leh khawhar takah

Khualzin pahnihte khawhara an kal laiin

Tlai khua nguiin Zan thimin a nang dawn ta

Isua an sawm tlaikhua varpui turin

Kan hnenahawm ta che

Khua a tlaidawn ta e

Tlaini kawlah a liam dawn hi

Tlai khua i var za ang

Emau dai rehah hian

Sawmtu sawm hnar ngai lo Lal Isua

Tichuan an hnenah chengin a wmpui ta a

Thlamuanna reh thei tawh lo chu hnutchhiahin

An hnenah chengin a awmpui ta a

Keipawh Isu ka sawm che Lal Isu

Ka khawvel damlai ni a tlak hma ngei hianin

Min awmpuiin tlaikhua min varpui ve la

Ka thlarau lo nghak rawh i Lal Isua

9. THISEN HLU
Aw khawvel hian hria Lal Isua thisen hlu
Kalvari tlanga hlan tawh kha
A kut a ke a nakah thisen a  luang chhuak
Tahchuan Lalpa a lungawi tawh si

Aw ava hluin ava ropui em
Thisen hlu Krista thisen hlu
Misualte tana luang chhuak a ni si
Tahchuan Lalpa a lungawi tawh si

Pathian laka mi hrang lo ni tawh mah ila
Kross thisen chuan remna lo siamin
Batna lehkha thupeka ziak zawng zawng te chu
Kross thisen chuan a thai bo tawh si

“Thisen chhuak lovin ngai damna reng a awm lo”
Tiin dan thu lo thlung mahse
Pathian beramno thianghlim thisen hlu zarah
Ngaihdamna famkim chu kan chang ta

10.KA INPUMPEK E