5/2015 Say those words

A FING FING TE CHU MI A AN NI

Kum 2015 a lo herchhuah meuh chuan mak leh mak lo pawh hriat hran hleih theih lovin thil mak danglam a thleng nasa tawlh tawlh a. Ngaia neih hman lohvin thil dangin a thlak thleng thuai a, Chanchin tha lo leh danglam, dangdai te chu kan ngaihven zawng a lo ni ta. Pathian lama than harhna leh tui tharna nei ten Pathian lokal hnaih tawhzia an puang chhuak nasa a, khawvel chhiatzia leh Bible-a a sawi a thlen dikna a ni zel an ti a. A mawh love, Bible sawi a ni miau a, a la dik zel bawk ang chu. Mimal rilru erawh a zau tual tual a, a chaw mawlh tulh tulh a, inlamlet a, inchhuikir ai chuan mi dang demna leh hrem duhna rilru a lian tulh tulh a nih hi.

Khawvela mithiam leh mi ropui Pu Nehru-a meuh pawh khan a hunlaia “Mawlna  chuan thil inthlakthleng hi an hlau thin” a lo tih angin, siam that ngai leh a tha zawnga thlak danglam duhna hi mi thenkhat ten a chhe zawng ngaihtuahin an hlau thin. Chung mite chuan  dan tha leh Dan kengkawhtu te, Dan siamtute ring tawk ni fawmin ngaihdan an nei a. Mipuite himna turin an tha tichak a, hma la turin ke an pen fo thin a ni. A lehlam zawnga thlir thin te chuan Saphocles-a thusawi "Thilsual tih pawh hlau lo chuan vaukhanna mai mai khawiah va hlau nek suh" (Oedipus The King) tih ang mai hian chhiatna hi ven theih loh leh pumpelh theih lohah an lo ngai thung thin.

Pathian lam hnaiha ringtu ten Khawvar turin chuan thim chhah a zual a ngai a, zan hi a ral ang a, khua a la var thuai dawn tiin an hril lawk a. Pathian thu-a fingte chu van eng thuamin an inthuam a,Thim thiltih leh thim thuneihna chuan an nunah hmun reng a chan loh avangin khawvel thil thleng hi an lo hmehbel chat chat a, vanram ngaihna an lo nei si chu a nih hi. Thil thleng zozai ngaihtuah hian Pathian hrilhlawkna a ni a, thil thleng palh emaw thleng rual (Co-incidence) a ni lo tiin an sawi thin a. Pathian hnathawh chhui chhuak a, hrefiah tur chuan mawl tak a, thil thleng pawm mai hi a hahdamin a finthlak si a. Khawvel finna ang a, a chhan chhuichhuah lam erawh a kawk lo.

Kan tunlai khawvelah hian pawngsual hi a mak tawh lo a, mi hausa leh thil tithei ten  nep zawk mipuite pawisak nei miah lo, vervekna rilru avanga an dipdal tawh lai hian, mahni hmasialna thiam lo chu Mi a, mi mawl chan kan chang zo ta. Kan ngaihtuahna te hian  min hruai bo a, suangtuahna leh ngaihtuahna tha lo pui pui a pun phaha a. Chungte chu Social Media hmangin kan ngaihdan kan puang chhuak ta chuaih chuaih a nih hi. Kan hun leh kan thiltih tha lo tak tak te hi sawi mawi leh thup mawi nan kan hmang zo ta a. Kristian rama thleng awm lo a ni fo thin. Sum leh san, zahawm hlutna kan hai fo a, hausak leh mite hriat hlawh hi zahawmna emaw kan ti ta chu a nih hi.

Khawvel nunphung leh hun inthlak thleng te, thil thleng te hi hril a, sawi a, ziak thei kan tam ta mah mah emaw tiin ngaihdan maksak a lo pung ta a nih hi. Chutianga ngaihdan nei te ngaihdan chu a him lo ta. Kawtthler leh daiah dikna a tlu a, Samari mi tha anga ngaihsaka siam tha tute an awm lo nge, an ka hmang chauhin an sawi tih a awl ta.

Mihring finna sang zelah hian awlsamna a zawng a, pawisak reng a nei ta lo.  Khawvel finna te chuan min hruaibo zo ta a ni. Chu erawh khawvelah finna ni mahse Van lam finna a ni si lo. Thiamna sangzel hian pawisak a nei tlem telh telh a, duhamna a hring chhuak tam tulh tulh a nih hi. Lal hmel a hliah tir a, Lalpa chet hun reng kan ngaichang thei lo a, kan ngaichang hman ta lo a, mihring remhriatna kan hmachhuan zo ta a nih hi.

A FINGTE CHU (In Peotical words)
(Rom 13.10-12 Krista lokal lehna)

Tunlai kan thil tawn  zo zai hi

Thil thleng palh leh thleng rual a ni lo

A thutiam angin khua a var dawn ta

Tunah pawh a thleng tawh mek a ni

Khawvar turin Zan hi a ral thuai ang a,

A fingte chu van eng thuamin an inthuam a,

Thim thiltih leh thim thuneihna chuan

Hmun reng a chang dawn si lo

Pawngnek, vervek, hmasialna te,

Hruai botu suangtuahna a pung ta

Sawi mawi leh thup mawi turin kan hmanhlel

Sum leh san, zahawm hlutna kan hai

Hril sawi puang thei kan tam ta lua,

Hniak tam lam te pawh a him lo ta

Kawtthler leh daiah dikna a tlu a,

Ngaihsaka siam tha tute khawnge

Mihring fin hian awlsamna a zawng,

Finna te chuan min hruaibo zo ta

Thiamna sangzel hian Lal hmel a hliah tir

Lalpa chet hun reng kan ngaichang lo

(In tonic :---

|s  :- :s /-  :m :-  |l :s :- /fe.s :s :- |l :- :t /- :- :t  |l :-    :t /- :s :- |f :fe :s /- :s :m /d :s :d’ |d’ :- :s /s  :f :s    |s  .  l :t :- /- :l.s :f |f : :s /s : :s|)....Vnt Solfa ka copy thiam lo......>>>