224/2017 Ramthar Bahubali

My thought on Bahubali

Ka țhianpa tih ai mahin ka thawhpui ti ila a inhmeh zawk ang. Accountant a ni a, Tally hmangin Office sum a vawng țhin a. Internet muang taka Pawisa hmanna ziah luh a ngai țhin hi a buaina a ni. 
Thla tin hian hmunpui lam ațanga pressure an pek nat
avangin a hui pup pup țhin a. Vawi hnih vawi thum thlan tla bat bata a awm chuan a mangang tawh hle. Chutiang thla thar report hunah chuan Nachhawkna damdawi; Vitamin C, Paracetamol a ei a, a ngaih a țha em em țhin a ni. Tally Nachhawkna Damdawi ei mai bakah, an nuin a hauh chang chuan țhenawmte inah chuangkaiin Nachhawkna ei tur a dil ziah an ti, a hrechiangtu Pi Nui chuan a sawi miah lo. Mimal sum a kawl ngai loh vang pawh a ni mai thei, kawlsaktu leh chhuhsaktu an awm zawk a ni mai thei.

 A hming pawha kan koh phal loh a ni a, tunlai India rama Film lar, sum lalut hnem ber BAHUBALI-Banseia tiin kan ko mai a. A ban hi feet thum vela sei a ni a, mahse kilometer za chuang hi a ban hman tlat \hin, Mobile phone kaltangin a ni lehzual. Kan vengpa, Minister hial lo ni tawh chu MZP hruaitu a nih laiin Shillongah a awm a, Aizawla MZP buai laiin Motor pakhat kawngthlangah a nam liam tawh an ti. Mizo zinga bansei ber pawl a ni. Serkawn to Gwahati thlenga pawi khawih phak a ni a, hna thawk thei a nih avang hian Mizo zingah chuan ban sei ve pawl tak a ni awm e. Pawi khawih phak ti ila, a țha zawng nge a chhe zawng sawi thiam a har. A tlangval lai chuan a che rang em em a, minute hnih khat chhung lekin veng hrang hrang a fangchhuak thei a. A thlarauva fang nge, a sawi mai zawk tih erawh fiah chu a ngai ve fo țhin. 

Nupui a neih tak hnu hian a’n nei bik em em khawp a. Nupui pakhat a nei tawh a, a nei mek a,   a nei zel ang, a thlak ngam pawh ka ring lo. A nupui hi a vawi khat neihna a ni a, a nupui neih hnu hian  a nupui vek hi vawi thum zet a ru tawh a. Vawi sawm pawh ru leh mah sela, a hlimawm dan a ngaiin a thar leh zel a ti. Honeymoon a hmanpui ziah dan a\ang hian a hlimawm turzia chu in ngaihtuah thiam ang chu maw! A beng veilam hlai bikna chhan erawh sawi ngai lovin a hriat theih mai a. Tu nge a bengah pawt țhin tih erawh sawi ngai lovin a hriat mai a. A fapa pawh a ni mai thei a, chu erawh hriat vek theih a ni lo.

Swap Liana tih hmingin a facebool țhin a. Vur ramah pawh Ice cream zuara sumdawng chi a ni a, a hralh theih loh pawhin a ei zo vek peih dawn avangin. A chi lohna kawng pakhat awm erawh chu a peih rei ang em tih hi a ni. A dang a la awm thei a nih chuan Ghost-i dil a ngai ang. Ni lo, Gospeli zawk maw le. Lungngaihna nei ngai lo mi an awm lo ang a, ani erawh hi chu a lungngai a nih pawhin a phun ve sep anga, a hlim leh mai ang. Phur taka hnathawk țhin a ni a, mawngzang tak a ni. This is Good.

Sorkar duhdan anga kum 21 tling lova nupui nei a ni em tih ka ngaihtuah lo a. A duh dan ang ngeia nupui nei a ni tih ka hriat avang pawh a ni mai thei; a duh dan ti ila a duh loh dana anga duhtak chunga nupui ru a ni zawk ang chu. Nupui nei a ni tih hian a hrilhfiah phak lo. 

Mi a an loh chhan chu danglamna mak tak a neih vang a ni. Mite anga khawsak pawh a duh lem lo, amaha a nihna awm ang hian a khawsa ve nawk nawk a, a hlim em em zawk a ni. Mi a a ni lo a, mite awm dan angin a awm lo a, mi a ang ta lo a nih ber chu. Mite saptawng hman ang hian a hmang duh lova, sap \awng thiam pawh hi thiam lo ang chiahin a chhuah thei a ni. A bula awm na na na chuan sap țawng  ahman loh theih lova, sap ho pawh buai mawp nathamin a hmang hmiah hmiah a, kan nui mai a, han ngaihtuah chiang ila a ril ru phian zela hriatna hi zuk awm tlat zel a. He is so always! 

Gym-a kal țhin a ni, taksa leh hriselna lama kal lovin chaw eitui ah chiah a thawk a ni awm e. Chaw chhum tawh hnua chaw eia sawm chi a ni lova, ei turva awm dawn tawh loh avangin. Sawm a nih erawh chuan chhungkaw hmingțhatna a ni; țawngțai ila chaw nghei țawngțai a ngai tihna. A pute ina an riah hian zing exer a la ziah a, a fapa a hruai ngei ngei țhin bawk, fel tak a ni. Thla ruk dawn lai hlawh an lak loh laiin, an mangang deuh nge hralh tur an zawng a, a chin \han eng emaw nen a la swap hram nia. A fapa pawhin a pa keimah hi min hralh mai rawh u, a ti lo.

Lehkhathiam tia sawi tur a ni a, lehkhathiam lo zia hian a khawsa tlat țhin. sap țawnga țawng thei tia chhal ngam a ni. Sap țawng erawh a pawng nek fo a, a dik zawk hre rengin a dik lo zawk hmang lui tlat a nih avang hian min tihlim țhin hle mai. Chawpchilh taka hindi leh sapțawng pawlh a thiam em em a. A pawlh tlat avangin a dik lo a tihsak ngawt theih loh. A dik pawh hre reng mahsela kan lawm zawng sawi nan a hmang lui fo țhin. This is no Good.

Hetia a ni chanchin kan ziah tak chiam chhan chu ka hman em vang a ni. Ka thil ziah lai hi ka khawrpum thei si lo a, a lo khawrpum theih tak mialah. Ama țawngkam “Look before your manner”  tih ang tak hian amah hrechiang lo ten a chanchin hi in lo sawi mai mai ang tih ka hlau a. Keiin hre chiang lova ka ziah hi chu a pawi ti lo ang tih ka chiang a, amah pawhin “I am is your me” a tih avangin.

Hei pawh hi a chhiar ang a, heti hian a sawi leh hian ka ring "I finish reading your conversation i am is very almost upset but i read and again again lastly i am is very thank of my future story" tiin.

DAWT MUHLUM VEK A NI. PHUBA KA LAK VANG PAWH A NI LO. www.pfms.nic.in ah ka lut thei lova, sims website ah report ka pe thei si lo a. Net chak zawk nghah nan ka ziak ta mai mai a. A la luh theih loh fo chuan Movie ka en daih ang