Pathian chung lam koh chhan
(Phillippi 3.14, II Tim 1.9; II Tim 4.7; Hebrai 3.1; 6.1)
“Thih chu hrehin ka lungngai lo,
Chhandamtu’n min hruai dawn vangin,
Mahse Kutruakin ka kal ang maw?
Thlarau pakhat mah hruai lovin
Ka tawk dawn ka chhandamtu”
Sawihawnna :
Rom ram awp Makedonia ram chhunga khaw pawimawh ber chu Phillippi khua hi a ni a. Alexander the great-a pa, Phillip-a II hming chawia he khua hi phuah a ni a. Rangkachak laihchhuahna hmun a nih avanga he ram hi la a ni nghe nghe. Mahse kawngpui ten a pal tlang tak avangin khaw pawimawh tak a ni a. Paula hian a ngaihven ber khua a ni a, Phillippi mite pawh hian an ngaina ber an ti.
Tirhkoh Paula hian Phillippi khua kohhran ding hmasa te lehkha a thawn dawn hian kum 30 chuang thuhril Experience a lo nei tawh a. Pathianin Vana lawmman hmu turin a koh thu a sawi a (God Had called him Heavenward). Tirhkoh Paula hian Greek game pakhat intlansiakna ngaihtuah chungin he thu hi a sawi a ni. Zirtirna dik lo leng vel laka fuih a, a Jail tan chanchin hrilh pahin, an tuam hlawm avanga lehkha hi thawn a ni.
Bible chhuina :
Hmu tawh reng inti ka ni lo: Chhandamna chungchang thu ni lovin, Hma lama thil hmuh tur la awm, a um mek, nei tura a beih fan fan chu a ni. Felna lallukhum or Thawhleh huna famkimna nge, Krista thuruk inthup zawk ni ang tih an hre lo a.
Krista mi man chhan : A thianghlima, a famkimna tur leh mi dangte krista hnena hruai turin bel ruat a ni a.
Manah ka inngai lo : Lalpa manna chhan chu man pha rihin a inhre lo a, Hlawhtling tawhah ala inngai lo.
Chunglam koh chhan: Jentailte hnena Isua hming put darhna tur leh bel ruat a nihna chu thawk zo rih lo mahsela a chawl lo a, a thawk reng a ni.
BSI Study Bible-ah chuan “Chung lam kohna lawmman hmu turin”tiin a ziak a. MTKP lam pawh hian a sap tawngin “The High Calling of God” tiin a lo ziak bawk a. A koh chhan kha sawi tur nge, A koh chhan lawmman hmu turin tih thlur hnihin ka rilru-ah a awm reng a. Organisaer thuchhuah angin Koh chhan lawmman hmu turin tih kha nimin lamah ka titlu thei ta a ni. Pahnihin ka sawi pawlh dawna man nguntaka min ngaihthlaksak turin ka ngen che u.
Krista man chhan : A chhan a man zel theih nan a inchhuanna zawng zawng kha hnuchhawna theihnghilhin, a hma lama thil tha zawk awm (Bel ruat a nih ang takin)
Lawmmman hmu turin : Lawmman tawlh bo zawng, lawmman chan zawng ni lova, hmu ngei turin tiamchin lam chu a pan zel a ni.
Kohna hrang hrang a awm a, Entir nan
Direct Call: Hmaichhana kohna
Faifuk : Mihring leh Pathian kohna te
Telephonic :Telegram, Email, SMS, Whatsapp etc
Signage : Thil chhinchhiahna, chhiatna, hlimna, kawhhmuhna atangin
Need based Call : Mamawhna avanga kohna te, a tulna vanga kohna te
Signal : Zaizira kohna te,
Mumang : Josepha kohna te, Vision
Conscience : Reading, Bible, hla
Committee : Rorelna kaltlanga kohna leh a dang te pawh a awm ang,
Pathian hmanrua : Pathian hmanrua hi kan va hre lo tak em! Khawvela mihring thaw ve zawng zawng 7.6 Billion zet cheng zingah hian inang hi an va vang tak em! (Billion chu Mizo tawng chuan Peuh tihna a ni a.) Heng zozai zingah hian mi hranna nei \heuh, danglam bikna nei vek kan ni. Pathian min koh dan pawh a hrang \heuh hlawm a ni. Paula erawh hi chu ‘Bel ruat a ni a’ Jentailte zinga Isua chhandamna thu hril tura koh bik a ni. Damaska daiah koh bik a nih dan chu kan hmuh kha.
Mi danglam bik i ni : Kohna hrang hrang zingah engti turin nge min koh tih a hriat loh a. Mi mal tin hi kan dang \heuh a. Mi inang kan awm lo. Nangmah ang kha Pathianin a la siam chhin lo reng reng a (You are Limited Edition) Pathianin mi a koh dan inan lohzia pawh Bible-ah kan hmu a, nang leh kei min koh dan pawh a inang lo.
I danglam bikna, i \hatna leh i theihna azirin Pathianin a koh dan che leh a koh chhan che a danglam thei a ni. Bible-ah ngei pawh Paula koh dan te, Jona koh dan te, Matthaia leh a zirtirte a koh dan te chu a danglam \heuh a nih kha. Chuvangin, mite-a innghat ngawt lovin Pathian aw hriat hi a pawimawh a ni.
Kohna thuhmun kan dawng fo : Pathian chuan Amah chibai buk leh faka, atana nun hlan turin min sawm vek a. Min sawmna pawh thuhmun leh inang deuh vek a ni \hin. Bible thu hmang te, kan thinlunga thu awm hmang ten min ko a. Mihringte kaltlanga kohna pawh kan dawng \hin. Chung zawng zawng min koh chhan chu Chatuana nunna nei tur leh Felna lallukhum lawmmawn dawng turin Paula pawh hi a ko a ni ang.
Kohhran Chairman Upa B Sangmuana te pafa hian “Vawiin na na na chu mahni insengso, thil dang kalsanin Biak in hnatlang turin kan sawm che” an tih chuan kan chiang mai a. “Biak in kan sak chuan Pathian Chibai buk nan leh fakna tura thawk kan ni’ tih kan hriat phawt chuan kan hlim ang. Tlangau au vang emaw, Nu leh pa tur vanga thawk emaw, \henawmte hnatlan vang te leh rualpawl nana hnatlang thawk chhuak pawh a \ha tho a. Hnatlang koh chhan ber erawh a ni lo a. Thinlung lama Pathian fakna tur sa kan ni tih kan inhriat chuan Hnatlan chhan leh koh kan nih chhan a chiang mai a ni. Pathianin chatuana nunna neia, lawmman hmu ngei turin min ko a ni.
Krista koh chhan : Chhandamna thu hril tur leh Amah zui turin mi zawng zawng hi min ko a. Khawvel zawng zawnga kala thilsiamte hnena Lal Isua Chanchin \ha thu hril turin min ko a ni. Kan hril dan tur erawh chu DIRECT-Missionary, INDIRECT- rawngbawlna peng hrang hmangin. Pathian rawngbawl tura min koh hian eng AREA-ah nge min koh a, rawngbawl hna thawk tura min koh dan erawh a danglam vek a ni. Missionary-in kal vek ta ila, tunge thilpek leh \awng\aiin rawngbawl ang? TKP zawng zawng hi Pastor nih tum vek ila, tunge Pastor chuan a enkawl ang? TKP Office Bearer nih vek tum ila, rorel reng reng hian kan buai mai lawng maw? Engti turin nge min koh? Missionary turin; Tualchhung kohhrana rawngbawl turin; Thilpek leh tawngtaia rawngbawl turin ; Khawtlang leh ram rawngbawl hna thawk turin; Eizawnna kawnga rinawm taka thawk turin etc...
Engtin nge kan hriat ang :
Kris Valloton chuan “The two most important days of your life are the day you are born and the day you find out why” tiin a sawi a. Pathian hian awm ve tawp turin min siam lo a, awmze neia nung turin min siam a ni. Nunna awmzia leh kan nun chhan kan hriat loh chuan kan nung zo tak tak lo an ti. Nun awmzia hre tur chuan mahni inhmuhchhuah a, kan nihna hi hriat a ngai a ni. Kan nihna leh nun chhan kan hriat loh chuan engti tura siam nge kan nih a, kan danglam bikna chu enge tih kan hre thei lo ang bawk hian Pathian min koh chhan hi a danglam a ni.
Krista Kohna i hriat phawt chuan engti tura koh nge i nih chu i chiang mai ang. Engti kawng hian nge Pathianin a koh che tih hriat tum mai rawh. Rilru dang, ngaihdan dang, tum dan dang i nei a, I la fiah lo deuha a nih pawhin Pathianin a la hriattir zel ang che.
Thutiam neiin min ko : Pathian hian a thlawnin min ko lo. Thutiam neiin, a thutiam chu kan chang ngei ang. Pathian thutiam chu Chatuana nunna a ni. A tiamtu Pathian chu a rinawm em em a. Mi tin an thil tih ang zelin lawmman pawh pek a ni ang. Vanah Lallukhum chhe thei lo, Chawimawina lallukhum te, Felna lallukhum te, nunna lallukhum te kan la dawng ang.
Sual chhandam nana Isua ring mai turin duh lo a, Isua tana nun hlan ve tur leh Pathian thutiam tipuitling (Compliments) turin min ko a ni.
Lawmman hmu turin : Intlansiaka tel ngawt hi a tawk lo a, Intlansiak lawmman hmu ngei turin kan tel \hin a nih hi. Chutiang tur chuan zinga Exer lo lak lawk te, ei leh in tih \hata, rilru lam buatsaih a kawk \hin bawk.
Chutiang chiah chuanVanram kai \awk \awk turin min ti lo a, hremhmun tlak loh nan chauha Pathian hi ring turin min ti lo. A mawiah chauh i TKP zel ang u tih lam a ni lo.
Piangthar lote pawhin Isua an rin theih nan kan nunah te tarlangin, kan thiltih reng rengah hian Piangthar lo (Jentail) ten chatuana nun nei tura thawk turin min duh a ni.
Mite ang i ni lo a, mite pawhin nangmah an ang miah lo che a ni kan ti a. I danglam bik a, I mawi bik a, \hatna i nei hrang a, duhdan pawh i nei hrang bik anih hi. Thil inang pet pet, tam lutuk chu a hlu ngai lo. I nihna special bik ang ang khan Pathianin a ko che. I thawhhlawh ang zela lawmman pek turin a ko che.
Chuvang chuan i pianni a pawimawh a, engvanga piang nge i ni tih i hriatchhuah hun hi i tan a hlu ber a. Pathian kohna i hriat a, a koh chhana i chian chuan a hlu alawm. Engti turin nge a koh che tih chu a la hriattir chhunzawm zel ang che.
30th July 2018, Sermon @TKP Bazar Unit Zobawk
VNT TIMES
No comments:
Post a Comment