266/2018 Speaker-ah ka tang ve mial a

I Nunna turin tlanchhuak rawh

Genesis 19:17

Mizoram zai \hin Ngurthangvela’n “Setan, Get out” a tih ang deuh hian “Get Out” tih thupui ka hmang mai dawn emaw ni! Thahnem ngai taka hrilhlawkna au aw hi ngaihthah chi a ni lo  a ni. Pathian thu  thianghlima inbawlna lam hawia fiamthu nena chawhpawlh emaw, thupui bengberh tak thlan tum hi a rem ka ti lo a. He thu “ i nunna turin tlanchhuak rawh” tih hi ka lo thlang ta a ni.

Bible History :

Sodom khawsualzia chu Pathian chiah a awm lo tih ang vela khua kha a ni. Sodom khawsual avangte hian Sap \awng hian “Sodomy, Sodomise” an ti a. Mawngkawhur inngaihna sual an sawina a ni. An sualna chuan Pathian beng a thleng a, ni mahsela, a hmangaih Lota leh a fate an la awm tlat avangin hremna nasa tak chu Pathian a lekkawh nghal thei mai lo a. Pathianin Sodom khua tihboral a, thenfai a duh a, mahse Lota te chhung mi fel tak an awm avangin Warning a pe lawk a ni.

An sualna nasat dan tur hi ka ngaihtuah \hin a, Lota fanu Virgin, tuma la pawl loh pawh duh lova vantirhkoh kher kher pawl tum tlat te khan a sawifiah niin ka hria. An hmelhriat pawh ni lo, mikhual zin pawh a khaw nawta chhuakin, Lota te in a\anga pawhchhuah an tum kha a rapthlakin an khawtlang dinhmun a hril hlein a ngaihzawn theih a ni.

Zoramah hian Tuai, Patil te hi an pung nasa a, an pung pawh ni lovin an inthup peih ta lo hle mai tiin ka ngaihtuah \hin a. Kil khaw tinah hian parchhuak si lova kuhmum hi zuk awm tlat a. Tuai, Patil ni si, khawtlang hmaizah avanga la langchhuak lo, hurna sual avanga anpui kawp pawisa lo hi an va tam tawh awm em tiin ka ngaihtuah thin. Patil leh tuai leh a kaihhnawih chungchanga hmalatute hian Lungleiah mi 50 Target niin, 52 vel ziah luh an awm a... Aizawlah pawh a mak a maka tam an awm a.

Pathian hian a fate chu a hmangaiha tihnat a phal lo. Mi \ha avangin misual hrem a hlau a ni. A hmangaih, a tlansate himna hi chu a duh em em a, ruahmanna hi a nei \ha teh a nia.    Dan (Law) lamah pawh misual 99 hrem aiin mi tha pakhat hrem a hlauhawm zawk ang hian Pathian mit a\anga mi tha hrempalh hlauhawm turzia chu kan hrethiam maiin a hriat a ni.

Eng vangin nge? :

‘Tlan chhuak rawh’ tia ziah a nih hi ka ngaihtuah \hin. ‘Kal chhuak rawh, kal rawh’ pawh ti lovin “Tlan chhuak rawh” tih thupek a hrilh chhan hi a hman hmawhthlak tawh a ni. Kal mai mai chuan Pathian a hmanhmawh tawh a ni.

Tir satliah a ni lo a. Pathian hrem avanga an thih ve a hlau a ni. An nunna tur duh avangin tlanchhuah a ngai a, Pathian lam a ni lo, Lota te nunna atana pawimawh a ni. An nun theih nana hmun hima dah phawt a tum a. Chumi hnua hrem chu a tum a ni.

Lota te chhan dan :

“ Nimahsela, an la muang hle si a” tih ziah a nih ang hian Pathian a hman hmawh tawh em em laia khaw muan suar suar hi a hlauhawm hle a. Muang tak an awm chuan, chhut chiang ila, an tlai lam a ni zel \hin. Vantirhkoh ten an zakah kaiin an suan a, hmun him china dahin an tihtheih china tla turin an kawhhmuh a ni. Pathian hmanhmawh tawh laia keimahni lam kan lo inen hian kan khawmuang \hin. Khawvel kan lo la thlahlel \hin hi chu a makm ngawt mai. 

Chhuanlam siam mahsela Pathianin min hrechiang a, Paihthlakna tur min hre zel nia. Pathian thiltum kan \hulhtir thei lo a, keimahni zawk hian kan tuar let zel a ni. Lota te kha muang lo sela chuan hmanhmawh takin an tlanchhuah a ngai lo mai thei a, Pathian hremna hmu thei lo turin emaw, hawi let kher lo tur pawhin an hrilh mai thei asin.

Hmun him pan turin min duh :

Kan tana \ha tur hre zawktu chuan phaizawl en lova Zoar tlang pan turin min tir a ni. Hmun him zawk chu sualna hmun a\anga chhuah hi a ni. Sualna nena inzawm renga kan awm chhung chuan kan him thei lo a ni. 

Kan tana hmun him chu sualna laka inlakhranna hi a ni. kohhranah sualna a awm lo a ni lo. Sakawlh a hlauhawm loh tih lam a ni lo. Setana leh a hnawthawh hi a hlauhawm a, chumi laka him tur chuan tiih tur kan nei ve a ni.

Kan hlaphuahtu hmasate leh Bible chuan “Khawvelah himna a awm lo, thlamuanga awmna nen” an ti mai asin. Pathian laka kan awm hian sualna lakah chuan kan lo him reng alawm le.

Socrates, Plato, Thomas Moore, Confucianism thurin chuan Ideal State, Utopia leh khawvel thar, zoram thar an changchawia sualna an awm lo turin an ngai a. Ideal State-ah chuan mi tak tak awm turin an han ruahman a, Hlaphuahthiam Poet te phei chu thu tak phurpui lo an nih vangin a tel thei lo

Zoram thar emaw, khawvel thar emaw, Tlang thianghlim emaw a awm thei lo. Sualna laka kan fihlim hian a him mai.  HIV/AIDS hi mihring awmna apiangah a awm thei. Tuma tlawh pawh lovah pawh kan hmu a, a chhan chu anmahni khan mi dang an tlawh pawh tlat alawm

Hawilet suh, Hawi kir suh :

Kohhran leh Krista belin lei kohhranah i lawi a. Him tura i inngai a nih chuan i tisual ang. Sual laka kan filhim lova kan inchiahpiah reng chuan kan him chuang lovang. Khawvela cheng ni mah ila, kan nunhlui sualah chen reng a hlauhawm em em a. Khawvel thil lakah hawi kir suh u. Sualna lakah hawikir suh u. Fakna hla siamtu chuan “Thlemnaah lut suh la, luh chu sual a ni” ti hialin min hrilh asin.

Hmun him lam chu ni tin kan pan zawk tur a ni. Kan himna tur Zionah chuan hman hmawh leh chak taka ni tin kal mai tur. Chu chu kan nunna tur a nih avangin sual lakah tlanchhuak turin inngaihtuah buai eih lova kan kal chhuah mai a hun tak zet tawh a ni. Dik takin, ding takin, hmanhmawh taka hawikir lovin Pathian hnenah kan tlan mai tur a ni dawn lawm ni?

BCM Zoar, Old Ralvawng chu Bial Worship & Music Commt  leh Bial Zaipawl ten 2017 khan kan tlawh a. Sat, Sunday chun leh zanah Speaker atan min thlang ve mial nia!!