19/2015 Facebook Mizo update

#  K'u David Zawma'n " x te hmuh hi chuan eng emaw hi kan ti a,mi pangngai nihna a ni a; zah loh tur. An x te x leh chhawng kan hmuh a, kan la hnim ruih chuan mi x hi kan lo x chuang bik hle a ni" a ti. "Arithmetic thiam lo tih takah x hlutna hi tun thleng pawh hian ka la hre lo. x lo zawk hlutna hi chhut thiam ava pawimawh em" a ti.. lewl

#  Kohhrana inhmang lo, inkhawm ngai bawk si lo, YMA inhmang bawk si lo, ramhnuai mi ah pawh țang bawk si lo chu an chut duh

18/2015 BYFI Conference

I AM ONE OF THE DELEGATES

Being a baptist youth leader in the local area, I am one of the delegates at the Baptist Youth Fellowship India, National Baptist Conference 2015 at Serkawn. Representing on behalf of our local pastorate i.e Zobawk North; Mizoram TKP.  The venue is located here near our hospital, Serkawn. I dont want to report other things like Host Church BCM Serkawn, Mizoram TKP etc., but only some parts which came into my mind.

17/2015 Societal change

Siam dan pawh dang, nihphung pawh dang

   PA RORELNA TLACHHIA

Ka hua che :

            Mipa chu mipa a ni a, a bak zawng chu hmeichhia an ni. Tlangval ka ni a, nang chu nupui nei tawh pa i ni. Thil nihphung hi i hriatthiam loh avangin  thil nihphung i hre fuh thei ta lo a ni ber e. Pa dinhmun ka la hriatthiam loh avangin i khawsakzia hi ka hrethiam thei lo. Hriatchian che ka chak. Min kaihruaitu pa te hian min kaihhruai tha tawk lo tehreng emaw ni heti teh nuaia kan ram hi a awm ka ti thin. Nute pawimawhna tam tak an sawi a, an pawimawh em em tih chu khawvel hriat a ni a, an la pawimawh zel bawk ang. D.L Moody-an “Ka nu ang hi nu zawng zawng ni sela chuan tan in awm a ngai lo vang” tiin hmeichhe pawimawhna a sawi a. Napoleon-a meuh pawhin “France ramin a mamawh ber chu nu tha a ni” a ti a. A dik e. A letling chiah kan ni tawh a, “Kan Zoram mamawh ber chu pa tha ka ti ngam ngat”  kan rama nute hi chu an tha tawh lutuk a. Nu, hmeichhia chuti khawpa pawimawh te enkawltu chu an pasal te an ni, Bible min hrilh dan pawh a ni. Hmeichhe lu chu mipa a ni si a. 

16/2015 Two Sides of the Same Coin

                                HMAI HNIH NEI

Into the Semi Final

SMS :  Ka mut dawnah chuan ‘When i fall - Anne Murray tih hi min lo chip sak teh' tiin thupek aw lam ka dawng a. Eng nge a nih ka hre lo, ngaihtuah pawh ngaihtuah lo chuan ka muhil nghal a. “Gud Mornig, egtin jel?” tih SMS hian min tiharh a, ‘Morning, i Puitlig twh mi..hehe” tih te hian ka reply a. Ka inperh tho nghal dawn emaw ka tih laiin, Facebook lamah ka lut a. Thianpa status lungkuai lo zet “Ka mihring rin em2 in min phatsan maw, mai mai chuan e. Em em a na....” tih ni ta-in ka hria a. “Mi zawng zawng hi rin vek tur a ni a, Rin em em loh tur” tih hmang te a an comment lai chuan “Tumah ring suh, nangmah ngei pawh, chuti ni lo se i hlimthla pawh khan thimah chuan a kalsan lo tur che a nia” tiin khawi atanga ka hriat nge pawh hriat loh hian kan comment ngawt pek a.  SMS a lo thleng nghal a. “Ka gy hle mai ce” tih te mai hi. Gay kan ni lo, mahse thianpa hian min mamawh a ni tih ka hria a, tih theih erawh ka nei lo. Counsel thei tur dinhmunah ka ding lo a, Relationship Counsellor ni tur pawhin hriat ka nei lawi si lo.

15/2015 My favourite verse

                Thinlung ruak ; Pathian hruai theih

Bible :Sam 37:4-5/ 119:105

   LALPA chungah chuan lawm bawk rawh; Tichuan i thinung duh zawngte chu a pe ang che. I awm dan tûr chu LALPA chungah nghat la; Amah chu ring la, aman a ti vek ang.

    Mihring hi hlauhawm tak leh mak tak, chak tak danglam taka siam kan nih thu Sam-ah kan hmu a. A ni reng lah tak a, Pathian thilsiam te zinga kan danglam leh ropui bikzia te ka ngaihtuah thin a.  A thilsiam min tlawh, min kan thin ngawt vangin kan danglam bik tihna a ni lo. Nunna kan nei a, thilsiam dang te pawhin an nei a. Thlarau kan nei a, A hnena kal ve tur ngawt hi kan danglamna a ni lo. Sual tirhkohte pawhin thlarau an nei a. A kut ngeia siam a, nunna thaw kan thaw lut ngawt hi kan danglamna a ni mai lo. Ama anpuia siam kan nih hi a danglamna a ni a.

14/2015 My daily promise

Uploaded at Facebook on 17 March 2013 ·

DAR BI A DANG TAWH

Ka zing zin tur meuh chu, tui lai ka rap.
Varṭianah laikhum thlehnem ka bel a,
Chhun mu lo, zan mu lovin, hun bi ka chhiar.
Chunnun nemin a ze ngai a chhuah leh ta!!

“Mu tawh rawh khua I tlai ang e” tiin
A rin; thatchhe thu a chham chhuak leh ta.
‘A laikhumah a her vel ruai ruai a’
I samdal nun chu thleh nem belh tum lo.

Pachhiat loh nan mu thlu suh an ti ngai.
Nang zawng mut zai rel lo, thawhzai rel lo
Ka nu kan dar bi a dang tawh ngai

Mu tawh rawh, tho tawh rawh, ei rawh tih hi,
Hman an hril fo Mut dan rangkachak chu
Hma taka mut a, zing taka thawh hi.

14/2015 Aizawl zin thu

                    THINGTLANG vs KHAWPUI RILRU



    “Vawiin chu luiah ka kal dawn nge ka pem dawn” tih ang maiin khua a enin a hawi vual vual ang a, Sumo Counter a bia ang a, Ticket ala awm sia “Aizawl ka zin thut teh” tih min hrilh lai chuan ka lo ngaihtuah pek a. Kum hmasa lama Pension kan thlah tak kha ka bulah chuan a lo thu a. Ani hi Damdawi dawra hmeichhe zirlai naupang te te te, an hnung lama pawm thut thin. Fiamthu avanga hmeichhe rak hlim ngaihthlak nuam ti chi a ni. A fanu ngei pawh khawdang zirlai hmuhin a hmu nge, a hmel a hmuh theih loh vang zawk a dula pawm chungin a lo chawi kang leuh leuh tawh a ni awm e.

13/2015 Most welcome Cheque

           KA LAWMZIA HI

     Ka tuina zawng a nih vangin lehkha zir ni lo, lehkha chhiar hi nuam ka ti a, ka ngaihtuahna awm ang ang ziah chhuah te hi ka atna pakhat, fing anga ka inngaihna kawng awm chhun a ni a. Kei aia thiam, fing leh fel hian thu sang tel, a nuai bi leh chhiarsen loh an lo ziak tawh a. Thu tha tak tak leh chhawrnahawm tak, kan tu leh fa te tana rohlu, ram tana hmasawnna khawp hiala tha te an lo ziak tawh a. Vanram chahbi atana hman theih tur khawpa tha; Chhandamna kawng te an lo ziak tawh a. Hrehhmun atanga chhanchhuahna thu leh vanram thlenna hial khawpa thu tha te pawh an lo ziak tawh bawk a ni. An la ziak zel ang. Chung zinga tam tak chu a thu chhiar vek theih a ni lo a, a bu chhiar sen lah a ni hek lo.

12/2015 Lonesome Star

LOKESH SINGH

Hmuh loh hlau, hmuhfiah hlau siin!!

En ngawt chuan mizo a ni nge ni lo tih a hriat theih loh a, enga pawh chu nise a hmel a faiin, a zahawm a, a khabe hmul leh hmuihmul chawr deuh hmuh chuan pa upa lam, a dam tur zat ve aia tam a hmang tawh a ni tih a hriat hle. A hnathawhna hmun, a thuamhnaw leh a uluk dan en chuan mi namai a ni lo tih a hriat hle a ni. A tawng zung zung loh avangin a hnathawhna leh a thilsiam lai-ah chuan a ngaihtuahna a pe tih erawh ka hre thei. Amah chu Lokesh Singh a ni a, Gurhkali ka ni a ti. Gurkhali vek nupuia nei a ni. A nupui neih thu pawh kum 4 hnu-ah chauh a chhungten an hria a, an hmuh rualin an hre nghal a ni. Lungleia inbeng bel turin an lo let a.

11/2015 When conflict arises

THLARAU THARA RAWNGBAWL TURIN

    Pathian avangin a hminga in hruaitu te hian in hnenah thusawi tur kan nei a, ngun taka min lo ngaihthlaksak  a, min ngaihtuahpui turin kan sawm a che u. “Jerusalem khua kalsan suh u, Pa thiltiam ka sawi inhriat kha lo nghak rawh u” (Tirh 1.4)  tih min hrilh ang hian Thlarau thianghlim hnathawhna hmun hi a kalsan theih khawp mai. Rinhlelh leh hlauhna a lo awm chang hian kan zam mai thin a. Dem tur zawngin kan hmanhlel fo a, puhmawh leh chhuan lam kan zawng thin a ni. Mahse,   Pathian chuan a hun takah insiamthatna tura hriattirna leh chhinchhiahna min pe thin a. Chumi haider chu thil hlauhawm tak a ni.

10/2015 Old is Gold

AW MIN HRILH RAWH ZANIN NGEIAH

Kum tam tak a sur a sa, hlimna leh lungngaihna lo hmachhawn tawh ni mahsela ni tin hian danglam lo leh pangngai reng an neih chu beiseina thar a ni. Thil tha leh hlimawm beisei turin zingah tawngka leh chetze hmangin an infiam a, nunhlui bo mai tur an sawi thar leh fo thin a ni.

9/2015 You are my Literature

I LOVE BLOGGING

My first Publication

I live in my ownstyle, when I'm alone and desperate. Writing down all of my life, thoughts, feelings and exposing in this small blogspot world. May be useless. Even though, it spreads all over the world to those who open their heart and follow this link.

It's about my life, my style and my relations, who enter into my life whether they are close or far away now. It doesn't matter where they are. It doesn't matter who they are. It doesn't matter whether they had read or not read. It doesn't matter they feel ashamed of it or proud of themselves. But, i really enjoy this blogging because it is the only way of telling the world that i am still alive. 

8/2015 My Mentor in Faith

ENG BAHSAMSEI-A

Zopa mawlmang ve tak niin, kan khua-ah hian an lo sawikhawm a ni awm e.  Rambuai lai khan naupang fel tawh tak, tuium kherh rual a ni ve tawh a. Saiha lamah a awm tak daih avangin an khua pawhin an hre vak lo. Mi inngaitlawm tak, mite zai ngai em em a ni. Tihsual hlauh avanga mite rawn reng thin niin, tihsual erawh a neih ka hre lo. Kum 35 a nihin nupui a nei a, a hunlai chuan a tlai mah mah emaw tih tur khawpa leng tul a ni.

7/15 PS. ILU

LETTER NOT TO BE SENT

Beiseina thar nen khawvela ka hmachhuan awm chhun i nih lai hian hetia beidawnna ruam zawh ka thlan tak chhan chu “Ka ngaih em che avang te, ka lunglen theih lutuk vangte a ni” Khawharna hi chu ka nunzia a ni a, Nang ngaih vanga lungleng lutuk tur bika min siam hi Pathian ka chhuahchhal hial thin. Pathian chhuah chhal ngam nih erawh thil zahthlak tak a ni. Ka hlim ve chang te, ka lawmna leh ka lungngaihna te, ka chhuanzia te, mi ten an fakna zozai te hi hrilh hriat ve che ka chak em em thin che a. Chu chu a ni lawm ni inngaizawng te, inhmangaih te thlakhlelh ber chu? Ka kiangah i awm lo a, awm thei pawh i ni lo tih ka hria a. Ka vui lo. Vui thei pawh ka ni lo a, ka vui ngam hek lo. Mahse hmana inpawh tlang taka kan inhrilh tawn thin te erawh ka hrechhuak ziah thin. Khang hunah khan let leh thei tak ila aw! Nang chuan ka zia a ni lo tih changchawiin i hnar leh dawn tho tih pawh ka ralkhat rin hriat theih ruak ruak a ni.

6/2015 A la pangngai reng asin Cross is everything

A LA PANGNGAI RENG

(Orders remain unchanged)

Ka nundan ka thlir let a, ka rinna ka thlir let a, ka nunhlui te hian min vaw letin, ka chau thin a. Ka thil tih that te hian hlimna min pe ve bawk thin. Ka Incheina leh eizawnna, ka thiante leh ka ngaihzawng te hi danglam thinin, Mi ten min ngaihdan pawh hi danglam thin mah sela, min hmangaihtu hi chu a danglam ve ngai lo a ni. Ka hlat chang leh ka hnaih chang pawhin min hmangaih reng a, ka tihsual min ngaidamin a bula cheng turin min sawm reng thin. Hlauhawma ka awm chang te leh ka bo chang pawhin min veng a, min chhanhim a, min tanpuitu hnai ber a ni reng thin.

5/2015 Say those words

A FING FING TE CHU MI A AN NI

Kum 2015 a lo herchhuah meuh chuan mak leh mak lo pawh hriat hran hleih theih lovin thil mak danglam a thleng nasa tawlh tawlh a. Ngaia neih hman lohvin thil dangin a thlak thleng thuai a, Chanchin tha lo leh danglam, dangdai te chu kan ngaihven zawng a lo ni ta. Pathian lama than harhna leh tui tharna nei ten Pathian lokal hnaih tawhzia an puang chhuak nasa a, khawvel chhiatzia leh Bible-a a sawi a thlen dikna a ni zel an ti a. A mawh love, Bible sawi a ni miau a, a la dik zel bawk ang chu. Mimal rilru erawh a zau tual tual a, a chaw mawlh tulh tulh a, inlamlet a, inchhuikir ai chuan mi dang demna leh hrem duhna rilru a lian tulh tulh a nih hi.

4/2015 10 Collected Songs with lyrics

PATHIAN FAKNA HLA KA DUHZUAL 10; Hla thu nen

Pathian fakna hla-ah hian tha lo a awm lo a, mahse ka hla duhzual sawm tarlangin a thu nen i han phochhuak teh ang. typing hi ka nin em avangin ka peih lo fo a. Tun tumah chuan a hla thu chauh i han ziak chhuak dawn teh ang. Hun remchang hmasa berah a phuahtu leh a satu te chanchin leh a video/music link nen lo attached vek ka tum ang e.

Bial Zaipawl nen

1. KA PATHIAN NI AWM RENG I NI 
2. KAN THINLUNG HI KAN RAWN HLAN A CHE  
3. MIN PE TAWH ZAWK ANG  
4. KA DUHBER LALPA
5. KA DAMLAI NUN KAWNG 
6. DUHTHLANNA SANG BER
7. KA THUPUI BER 
8. EMAU DAI REH 
9. THISEN HLU
10. KA INPUMPEK E 

3/2015 Happy Birthday

Taylor Swift ang maiin Ex-Boyfriend (Boy friend chu ka la nei chhin lo hrim hrim tho a) Emaw Chhas te chanchin hi ziak reng suh min ti a, ka zawm thei lo a, mahse ka phochhuak ngam si lo a nih hi. Hriat loh leh hmuh loh turin Happy Birthday kan ti trang trang ang e. A lawmna tur ai mahin ka lawmna tur, ka awm nawmna a ni thrin si a. 

Ani lah chu a reh vung vung tawh mai si a leh! Present pe thei lo leh, pe ngam lovin awm mah ila, vui thei ka ni lo. Tawngkam khat chauha ka be ngam ta lo hi chu ka dawih vang nge a i inhawn tawk tawh loh vang ka hrethiam ta lo. Mihring beidawng laklawh tawh chu ramsa ai pawhin a buaithlak zawk tih hi a chiang fo thin.  Mahse a ni zawng he hlimthla ang mai hian a fim kak a, engmahin a pawlh dalh loh kha a ni miau a. 'She dwelt among the Untrodden ways' tiha ram pilril a, violet par mawi tak, tuma hmuh loh pawhin a mawina a hloh chuang lo ang kha a ni si a. A hmufiahtu tana a hlutna hi a hlu a, hmu lo tana mawi tih tur thu a awm si lo. Hmutu an tam avangin a mawi zual a ni chuang lo a, a mawina a ngai reng a ni.

Min hnial i tum ti raw? Khawvel inhnialna chak zawk awm theih lohna leh dik loh awm lohna thu pakhat 'Beauty lies in the eyes of the Beholder' tih hi sawifiahtu an awm thei lo a, an awm ngai lo ang. A mihring a zir a ni tlat si a. Engpawh huaisen taka hmachhawn mai hi hnehna a ni.

(Ka ziak miah lo a nia, a caption sei tak ve mai a nih hi)

02/2015 Simple Answer

Amazing God

Khawvela ka mi rin loh ber te zing a mi, ka ngaihsan loh (hmusit ni lo) mi dawthei ve tak mai ber kher, ka mi hriat chian em em. Ka theng thawnga thawk ngai miah lo a ni a, Nimahsela, ka rin loh lam, ka ngaihtuah ngai loh lam takin ka ngaihtuah zui a ngai tlat mai.

01/2015 Take your time & Enjoy

2014 Urlawk, Krismas, Ruai ni

URLAWK ZAN: Urlawk zana zaikhawm zo chu YMA Duty hmunah kalin harmei kan ai a. He hunah hi chuan a mawl apiang an pawn chhuak a, a fing leh inthup thiam erawh an tawmin ta niin a lang a, tawmim thei lo te pawh interek hran an thiam ta. Khawtlang tana mi hnawksak leh buaina siam reng an awm ngai ta lo.

KRISMAS NI : Krismas-ah naupangte leh nula leh tlangval, nu thenkhat ten mawi takin incheina tha ber ber nen naupiang chibai an buk a, hmuh an nuam hle a ni. Pa ho erawh ngaihsam rawngkaiin incheina lam an inthlahdah leh pek a nih saw. Biakin leh a vela thlala tura lo hmanhlel an thahnem hle a, inkhawmban thingpui leh inhnawhpuarna lam reng an ngaihsak lo. Zaikhawm an pung hluai lova, a thahnemngai fal ten phutna nei miah lovin an zai a, an lam bawk a. A heheu zualte erawh chuan tlailen bak lungkham nei lovin, a thei an inphur chhuak a, a theiin music zawmin an tlanliam ta a nih kha.