DROPDOWN MENU

07 January 2015

02/2015 Simple Answer

Amazing God

Khawvela ka mi rin loh ber te zing a mi, ka ngaihsan loh (hmusit ni lo) mi dawthei ve tak mai ber kher, ka mi hriat chian em em. Ka theng thawnga thawk ngai miah lo a ni a, Nimahsela, ka rin loh lam, ka ngaihtuah ngai loh lam takin ka ngaihtuah zui a ngai tlat mai.


Chu nu chu, ka duhtak mai; a tel lova awm thei lo ang hiala ka inngaihtuahpui a, min tihlimtu leh lawmna min siamsak thintu  chuan a lo coach ve tawh tih ka'n hre chiah mai chu ka thinlung hi a na zawk mai. A hma pawha enguala ka ngaih loh,engtin pawh humsual daiin lo hirha ve thin mahse ka pawisak loh thin teh lul nen. Tunah chuan kha hmeichhia ngei, danglam ngai lo tur kha ka phu loh tlangval, lawman min siam thintu chuan a lo hruai kawiin, a lo theh thrill ve hle tawh tih ka hriat hian ka rilru a na thar leh a ni. Lawmna min siamtu chuan natna min thlen lawi si a nih hi.

Chuta ka rilru a lo awm chu,Pathian aia setana ka thlan apiang hian Ka Pathian rilru han nat dan tur hi ka hrethiam ta. A hma kha'n phu lo viau in lo inhre mah ila, kha mihring pawh a duh theih chuan min lo phu lo zawk fe a ni ka ti ta a. Lungawi takin ka inngaisang a, ka inngai hlu thar leh a. Nuam veng veng tihna chu ka lo nei ta  ni.

Ka duhtak kha eng eng natna emaw nei turin ka ngai a ni mai lo a, eng harsatna nge min thlen theih ang tih ka ngaihtuah a. Ka duhtak kha ka duh ta lo a. Mahse,Lalpa chuan min thinhrik ve hauh si lo. Pathian min hmangaihna hi Hmangaihna mak tak chu a lo ni. Vawi sawmsarih hmun sawm sarih ngaidam turin min zirtir a,  Vawi 4900 zet chu ngaidam ila, la tisual leh tho mah sela, " kal la tisual leh tawh suh" tiin min la zirtir cheu nia. Sim si lova  ngaihdam erawh ka tum lo bur thin. Mahse Ka Pathian ngei chuan heti chung pawh hian min la ngaidam fo thin si a.

"Amen tiin, thufing pakhat 'Winning doesn't come cheaply, you have to pay a big prize' tih Jeev Milkha Singh sawi ang hian tawrh ve a awm loh chuan a hlutna hi kan hre thei si lo" tiin ka chhang ta ngawt a. Mifing, miril leh mi puitling a ni a, chhanna a mamawh lo, tawmpuitu mai a ni a mamawh ni!!

No comments:

Post a Comment