Nizan dar 11 vel khan thianpa Beiseia of Noway, ni lo, Serkawn khua chuan Tlabung a zin thu leh a pa an chawimawina ropui a tihzia hrilh turin min lo phone a. Zirtirtu atanga SSA ah pawhpen niin, Lunglei area aia Chakma, hnam hnufual zawkte awmna hmuna thawk turin duh a thlang a, pension thlengin a thawk ta a ni. Chakma mipui hmangaihtu tiin an chawimawi daih a, zirtirtute bialtu a nih atang hian "Chakma hian zirna-ah kan thangin, hma kan sawn a ni" tiin an sawi a. Chawimawiin ruai thehsakin, khaw sarih dawn mipui an kalkhawm thu min hrilh a.
Chumi pah chuan Ka lehkhabu ziah ve 'Tlakawrh" chu tleirawl nun beidawng tanpuina atana a hman tangkai thu min hrilh a, chumi a nih avang chuan Serkawn TKP hruaitu pakhat Pu Zodinsanga chu "Chhiar ve turin" a rawn a, a lo hawhtir nghal a ni awm e. Chu pa, Pu Z-a, tuna khawtlang hruaitu ni bawk chuan "Bible lo vekah chuan ka chhawrin, lehkhabu-ah chuan ka tangkaipui ber a ni" tiin a hrilh, min hrilh chhawn chu ka lawm hle a ni. Ani asin, PastorPension tawh te, Nazareth leh Durtlang Hospital-a chaplain thawk tawh te, Tahan lama M.Th zirlai te, MBA nula-UNO lama thawk ta te leh Chhinga veng Upa te min feedback avang hian ka lawm a. Pathian hnenah lawmthu ka sawi fo a ni.
No comments:
Post a Comment