194/2016 For Mamk

LOVE AGAIN OR NEVER?

Hmangaihna hlutzia chu hmangaihtu hian a hre chiang zawk thin. Hliam leh ser dam thei tawh lo thinlung lamah tuh a ni thin a. Thihpui tham ni lo mah sela thih huama beih chiam chi a ni a. Beih nasat avanga hlawhchhuah theih a nihna aiin chetzia leh nihphung atanga hlawhchhuah hi a daihrei zawk awm e.

Hmangaihna avanga thinlung hliama awm tawh te leh ngaihzawng pawh lo nei kur zut tawh te hian Experienced tha tak neiin hun an hmang vek kher lo a. Hliam nawn leh theih an nihna te hi a ropuina a ni. Hmangaihna hi mi pahnih inkar insiamremna a nih loh chuan a tluan tling ngai lo a. Inthenna a thleng fo. A tawngtu a zirin a thawk danglam thin hle a ni. 

            Hmangaih then tawhin Hmangaih a neih nawn leh chuan dam hawknatham niin a hria a. Inthen hlimah erawh mi dang nei leh thei tawh lo tur leh ngaihsak miah lo an ni duh hle.  Ngaihzawng hluite ngaihtuahin an chetzia kan thir ru reng thin a. An “Last Seen” emaw an “Status” emaw, an “Whereabouts” chu kan ngaihven reng thin a. Kan duh ang kan hmuhin min hnem leh chuang si lo a ni. Mutmu tuah hlei thei lova awm thin khan Hmangaihtu leh hmangaih a neih chuan tui takin a mut phah fo a. Engti lua lo mahse!

 Hmangaih neih nawn leh chuan a deh a dang zar thin a. Hmangaih hmasa (Ngaihzawng hmasa) kha chu mumang ang maiin kan ngai thin a. Engtin nge kha ti em em a kan lo tawrh a, min nghawng theih tiin kan ngaihtuah fo thin. Ni min lama mi thusawi tha tha ngaihtuah chungin na taka hliamin ka awm leh tawh loving I ti thin ti raw?

Tuna I hmangaih kha a hmasa zawk nen khan i khai khin ru thin. A tha alawm, Mi pangngai zia a ni. Mahse, a tihdik loh ngaihven reng reng leh a ngaihsak che em tih I ngaihtuah changa a hmasa zawk khaikhinna atana I hmang a nih chuan a fuh lo. I sim lo a nih chuan Amah zawk kha I beisei dan hrilh la, a insiam rem thei em em ang. A thei lo a niha I duh loh phah a nih si chuan I hmangaih ve lo a ni.

Hmangaih thar I neiha I thil hriat leh tawn zawng zawng theihnghilh nghal vek tura I inbeisei a, I phut bawk a nih chuan I hlawhtling lo ang. Hriatrengna hloh turin I hrisel lutuk a, natna (Amnesia) chu I vei lo khawp ang le. I theihnghilh ngai lo ang. Theihnghilh pawh tum duh ting tang suh, nun tikimtu leh tawnhriat hlimawmah ngai la, fimkhur nan erawh hmang ang che. A vawikhatna kha chu “Mawl taka thilthlawnpek” dawn a ni, neih let theih tawh lo a ni. A vawihnihna hi a takin a fim daih zawk asin. Thil nihna dik tak inphumru chunga vawi hnihna tawn hi chu a nuam deuh a nia.

A vawihnihna tawn hi zak duh suh, Doris Lessing khan “Lova Again” tihah kum 65 miin hmangaih thar a tawn thu a ziak a.  Chu a hmangaih chu kum 28 mi chauh a ni asin. Chumi hnuah pawh tlema upa deuh zawk kum 35 mi zunah a uai tho asin.  In vengah pawh chuti ang chu I hriat kha, hmangaihtu nei lo emaw, hmangaih neih ngai loh ai chuan kum khat chhung chauh neih pawh hi damchhunga khawhar reng renga awm ai chuan a hlu zawk alawm le.

Daryl Ott underhill chuan hmeichhia zawng zawng hian thawnthu ngaihnawm tak an nei vek a, chumi hmufiah thiam chuan khawvel hi hlim takin an hmang thin tiin a sawi a. A dik e, mipa pawh kan ni a. Mihring thatna leh duhawmna inhmuhsaka, inbelhchian a, insiamrem hi chuan kawng a kaw zuih zel nia!

I hmangaih tawn mek kha a vawi khatna chu a ni lo ti raw? Hliama I awm lai khan Rin hlawh  I duh a. Hmangaih dang neih pawh I duh a, mahse I ngam lo ti raw? Hliama awm tawh tan chuan a harsa a, nangmaha duha lo chhaitu pawh I nei a, I ngei phah ngawt zel a ni. In hmangaih ta ula, hliam nawn leha awm hlau reng rengin I awm a, huaisenna I nei tawh lo a ni. Mahse, hei hi chik takin ngaihtuah la, eng inlaichinna pawh nei dawn ula, nangma dinhmun kha chiang taka I inhmu thei dawn a, I inrintawkna I hlauh dawn lohva, hmangaih tlak zela I awm phawt chuan eng nge I hlauh?

Richard Marx hla Hmangaihna  zuna uai nawn lo turin tih hi phuailuai takin ka dah ang a, a sap tawng ngei khan lo ngaihtuah ang che. Hei hi chu a Rhyme, Syllable, meaning hian a nihna a ti bo vek a. Sap tawng kawi khat pawh thiam lo tan chauh a ni ka dah a ni.

Hmangaih ka lo ni tawh thin a

A nghawng pawh ka chhiar thiam

Ka dik lohzia min hrilhtu maw

Ka tuar dam thei lo ve.

Min siam ta

Hmangaihna  zuna uai nawn lo turin

I chanchin ka hriat zawng zawng te

Dawt leng an selah ngaiin

Lengdang pawmlai ka hmuh che khan

Kehchhia in ka rum zo a

Min siam  ta,

Hmangaihna  zuna uai nawn lo turin

Tawrh rual l

Hmangaihna  zuna uai tawh lo turin

Hmangaihna  zuna uai nawn lo turin

Ka kehsawm  zo ta

Ka  thinlung ka hlan nghal che a,

Ka hmangaihna hnawlin..

Lengdang  tang min belhsan ta si, Duhlai

Chhungrilah ka kehsawm

Min siam ta,

Hmangaihna  zuna uai nawn lo turin

Ka zaichhan hmangaihna

Tawrh rual loh

Hmangaihna  zuna uai tawh lo turin

Min siam tawh suh

Zun phur leh turin