44/2015 Just do it

TI VE PHAWT MAI RAWH

(Just do it for the sake of the Glory)

Bible Genesis 19.10-22; I Korinth 12.1-10

Kan thupui hi a sexy mah ma hem ka hre lo a, ngaihkawih talh kan tum a nih chuan heti zawng hian kan thlak ang. Pathian ropuina tur leh Pathianin hna a thawh theihna tur a nih chuan Ti ve phawt mai rawh ti ila a pawm a nuam deuh mah na. tunlai Company lar tak Slogan behchhanin Just do it for the sake of the Glory ti te hian a lang mawi deuh mahna

A sawi hawnna tur leh pawimawh hmasa hian thupui han hawng dawn ila, Ti ve phawt mai rawh kan tih lai hian, Tih loh ve phawt hi thil pawimawh hmasa a ni a. Thil sual leh tha lo, Pathian duhzawnga awm tur chuan a duh loh zawng, sual hi kan tih loh ve phawt a ngai a ni. Mahse he lam hi pawimawh viau mahse kan tih loh hmasak a ngai a ni.

1. Pathian ropuina turin ti duh lo mah la, a tum I dal thei chuang lo:

             Lota, mi fel tak, Pathian nena lengdun thin kha muang suar suarin, peih lo leh hreh tak chung pawhin a vantirhkoh, a miten an banah kaiin an suan lawp mai a ni. Pathianin hna a thawh theihna tur chuan kan tih theih tawk kha kan tih ve phawt a ngai a, hel hel mah ila, natna hmang te, thlemna hmangte, fiahna, tawrhna leh harsatna, buaina hmang ten Loh theih lohvin a min ko fo , kan tih ve tho a ngai a ni. Kan hel reng thei lo ang.

               

                Pathian remruatah hian kan tel ve loh avangin duhdan kan lo zam ve ngawt thiang lo. Ti tura min duh chuan duh loh sateh mah ila kan tih tho tho a ngai a, a tlai hmaa kn tih ve mai hi a ngai a ni.

                Hel hmang rilru leh rinhlelhna nen hi chuan tih ve mai hi a har a, mahni kan inkhawnngaih fo a, kan hmelma lian ber chu mahni inkhawngaihna an tih hi a chang chuan a dik fo asin. Ringhlelin peih lo mh ila kan tih ve tho a ngai a ni. Peih loh chang pawha kan thawh hram hram hian Pathian hi a lo ropui , a hnathawh hun a lo lang thin. Mihring lam theihna pawh kan lntir zet loh chuan engtin nge Pathian hian hna a thawh theih ang.

2. Hmun hima awma, a thu ngaihchan hi kan tih tur a ni:

 Hmun him leh nuama kan a m phawt loh chuan Pathianin hna a thawk thei lo, a chhan chu kan boral a hlau tlat a ni. Misual a hremna lamah leh a hnathawh avanga kan tawrh hi a phal lo a. Chuvang chuan min veng him hmasa fo thin a ni.

               

                Pathian thu, bible hmang te, hla leh Committee hmang te, Pathian mite leh thlarau mite hmang hian Pathian aw kan hre thei a. A aw kan hriatna ngaichanga kan tih tur kan hriat hmasak hi a tul a, chumi rual chuan tih loh tur pawh kan hre thei ang.

                Pathian aw hre thei lo khawpa kan ngawng tawh a nih chuan kan einfiah a ngai khawp ang le. Kan chhia leh tha hriatna hmangte, kan hmuh leh hriat, kan ngaihven reng pawh hi thil tul tak a ni fo bawk a ni.

                A mite a ngaihsak a, a ensan ngai loh avangin kan tana him leh tha hi chu a hre khawp ang. A fapa meuh pawh tawrhtir phaltu Pathian chuan kan tana tha tur lovin rem a ruat ngai lo a, kan tih tur kan tlanchhiatsan hi a thiang lo a ni.

3. Mi dangte ngaihsak turin min duh:

                 Mi dang tana malsawmna ni tur te, mi dangte tanpui leh rawngbawlsak turin Pathian hian min duh a. chute anga kan rilru pawh kan buatsaih hi a ngai a ni. Chan huama rawng kan bawl hian kan hlawkna tur zel a lo ni. Korinth-ah Kristian te chu thlarau hmun khat pua kan awm a ngai a. Thlarau hmun khat putpui theih loh kan nih chuan mi dangte tana malsawmna ni lovin hnawksak mai kan lo ni dawn a ni.

                Committee thu vawn nun kawngah te, committee duhdan te hi thlarau leh pathian rorelna a ni tih kan pwm loh chuan kan kal firfiak fo thin a ni. Hriatna, finna, hriatthiamna, tawng hriatloh hrilhfiah theihna te a pe a.

                Ka chik mai mai thin a, kan nitin nunah hian kan biak inkhawm danah te, mi dangte care lo lutuk hi kan tam ka ti fo thin. Kan kawt leh tuichhe luan kawngah te mi dangte tana harsatna siam tum emaw, ngaihsakna nei miah lova, hnawk tlat, tui luan tir, lei vung paih, insuk, motor sil te hian mi dang tan harsatna a siam em? Keinin  fel lohna kan hriat loh hi miten hnawksak an lo tih chuan Pathian aw ah ngeiin kan tih loh ve mi hi a tul fo.

                Kan thenawm khawveng tana inrel reng ai chuan an dam leh dam loh, an hun hman dan ngihsak a, ngaihven , tlawh chhuah te hi a pawimawh khawp mai. Phone hmanga han inbiak te pawh hi a tangkai thei ang chu.