DROPDOWN MENU

Monday, August 31, 2015

43/2015 DONT ASK!!

IF YOU WANNA TOUCH HER! ASK
(TOUCH HER, DONT ASK)

Shania Twain hi a pianpui hming chu Eilleen Regina Edwards niin kum 1965 August 28 daih tawh khan Canada zaithiam, khawvel hriat ni turin a lo piang a.  Barah te, tualchhung TV leh Radio ah te a zai thin a. A nu leh pa te Car accident a an thih atang chuan Resort-chawlhhahdamna hmunah te a zai a. Mercury records aiawh ten a thiamna an hriat takah chuan kum 1993 khan a zai record turin an inremsiam a. Hlawhtling nghal lo mahse Lange nena an inneih atang chuan awmzia nei ta hle a. Kum 1980 chhoa Rock leh pop music chawhpawlhin hla a phuah a, amahin a sa nghal thei ta zel a. Miten an duh em em a ni. Queen of country pop an tih hial hlawh turin maktaduai 80 chuang a hla a hralh tawh a. Grammy Awards, BMI Songwriter leh lawman chi hrang hrang a dawng tawh a.


Kum 1997 a Album pathuman come on over a tih chhuah chu maktaduai sawm chuang a hralh nghal a. Miten an duhin keini hial pawhin kan lo ngaithla ve thei ta a nih hi. Chu albuma hla pakhat "If you wanna touch her, Ask!" tih hi a ni kan sawi tum zawk tak chu. Hmeichhia a nih ang takin hmeichhe duhzawng chu min rawlruk a, mipa te hi mawl min tih vang pawh ni lovin hlim taka awm theihna tur chuan Thuruk pawimawh tak, ho hle si hre turin min hrilh ta a ni. Zawm thei ila, tu hmeichhe mi pangngai chinin nge, luangliam lo awm tehlul ang ni?

Ka peih leh lo: Hmeichhe bula awm a, an ngaihtuahna zawng zawng la a, kan zuna uai tir theihna tur,  Thuruk pawimawh tak mai, a ruka kan hriat tur chu hmeichhia ngeiin arukin; min rawlruk a. Hmeichhe thinlung chhungril bera hmun luah kan tum a nih chuan vawi leh khata Lalram lak ang ngawta hnehchhuh a, kulh chhunga luh nghal theih  ni lo ang hian. Zan khat thil thua hmeichhe thinlung hneh nghal vek theihna a ni lo a. A tahtawla lantir erawh a ngai fo thin. Amah kha ngaihsak a, a thinlung chhungril ber leh a ngaihtuahna zawng zawng ngaihthlak dan tur  zir hmasak tur a ni.  Chu chuan thian tha taka tan kan rinngam a ni tih min hriattir thei ang a, neihtlak leh rintlak a nih tih a hriat hunah chuan a rilru kan la peng ve taw hang chu. A neih zawng zawng min pek hma hian min ring ngam hmasa tur  a ni tihna a nih chu!

Rilru tak taka ngaihtuah chunga, bul kan tan a nih chuan hmangaihna kawngah bul kan tan tha hle a, awmzia a neih dan chu kan mit ngeiin kan chhiar thei ang. Amah hrechiang a, a rilru leh ngaihtuahnaa  awma, cham veng veng kan duh a nih a, hnaih taka awm zel kan duh a nih chuan kan hun kan seng hreh tur a ni lo. Kan hun tha ama tan pe ila, hmeichhia leh uite chu a chul nel peih peih tih hriatreng tur a ni. (chu thu erawh chu a beng hriata hrilh kher a chi lo hang, hrilh tum kher suh) A hre lutuk a, sawilan kher  a tul lo. Kan chul nel duh a, a thinlung chelh reng kan duh a nih chuan kan hrilh ang a, kan dil mai ang, a tul a nih chuan kan ngen ngawih ngawih mai tur a ni.

A khawngaihna avangin pawhin kan chetzia leh kan awmdan hian a la urthlu ve ang a, khawngaihna atangin hmangaihna chu a lo piang mai thei asin!  Kan pianphung te, kan mize danglam tak, a pawimawh ber hmangaihna leh dawhtheihna, ngilneihna te zawng zawng hi atan a nihzia a la hria ang a, chung thuam famkim nen chuan khan kan la kuangkuah mai thei asin! I kuah thei lo a, a phal ngang lo a nih chuan Jail tan huamin kuah ve ngawt mai la, Jail tan i hreh deuh a nih leh a der ta ngawt mai la, i kuah dan a zirin a zia mai thei. A hmeichhia a rapthlak viau erawh chuan FIR  a ti chhen ang ang, i la tang tho mai thei a ni.

(Ka ziak thui peih leh lo. Hmelhriat loh tana hun sen vak vak zawng ka phur lo, ka ngaihthlak atangin heti zawng hian ziah loh aiah kan ti mai teh ang. A mood ah ka cheng bawk si lo a. Kolasibah Bus in kan kal a, Driver hian Daduhi hla chiah neiin kawngtluangin a play a, " AW ana, a na em mai, I hmangaihna min hlan ve hi…"  tih vel a ni. Ngawi rengin kan ngaithla hlawm a. A tawpah Upa pakhat hian Tape a chhe thei si lo a, duh tawk teh u. "A na bawk si lo a" ti hian a khak ta a. A mood ah a cheng lo ni. Chuti ang vela  ho ta lutuk leh mood lo chu ka ni e…Mamk)




No comments:

Post a Comment