DROPDOWN MENU

25 August 2015

41/2015 Zoar Lamtluang

HIMNA ZOAR LAMTLUANG
Genesis 19.22, Luka 14.15-24

Thuhriltu Lalkhirha  :    Ka unaute u, He khawvel boral mekah hian himna hmun panin naktuk hian chhuah tur a ni a. Himna Zoar lamtluang zawha kal duh zawng zawng chu inbuatsaih a ngai a. Ka hnenah zaninah ngei hian hming pek luh nghal tur a ni e. Kan chhuah hma loh chuan Pathianin hna a thawk thei lo a ni.

Dawntawia               :    Tunge him duh lo awm ang; hming pek luh kher ngai em ni? Naktukah a duh apiang chhuak khawm nghal ila ni mai alawm.


Thuhriltu Lalkhirha  :    Tui hi a let dawn tawh lo tih kan hria a, tuilet aia hlauhawm Rilru chawmawlhna chu tui lian angin khawvel hi nasa takin a chim dawn a. Chumi laka kan him nan Zion Lawnglian hmangin kal tur  a ni e.

Tirhkoh Duapa         :    (Phun sap chungin) Kan lawng hi a kang thei reng reng lo ang a, a phui loh teh chuan  kan him leh awm chuang si lo a.

Tirhkoh Lalkhirha    :    Hun a thim tawh em avangin kan khawmuang thei lo ang, innghak khawmuang hman kan ni lo ang. Kan duhthlanna leh a taksa ngei inhlanna hmanga inpek leh Ticket Reserve a ngai a ni.

Dawntawia               :    Mei leh tui lianin min hualvel, mahse min dal zo lo tia fakna hla satute chuan tunge him nana Zoar chu kal duh lo ang le?

Hming an pe lut sap sapa, Thuhriltu Lalkhirha chuan hming a lo ziak a.

Dawntawia               :    A hmasa ber atan Dawntawia aw.

Excuse Liana            :    Excuse Liana

Excuse Mawii          :    Excuse Mawii pawh lo ziak ve teh

Thangmawii             :    Thangmawii pawh ka duh ve e

Tirhkoh Duapa         :    Duapa, a tirhkoh ber min hma khalh leh ta ve alawm le
Kamthrakunga         :    Kei pawh, Kamthrakunga aw

Thuhriltu Lalkhirha  :    Naktuk zing vartianah himna turin Zion Lawng tihfai a, hnatlan nghal tur a ni e. Tlai lovin, inthlahdah hman kan nih loh avangin thuam famkim nen i chhuak vek ang u. Zoar Lamtluang a thui si a, him tha tawka kan tuk a ngai dawn  a ni

Zing khua a lo var a.

Tirhkoh Lalkhirha    :    Khai, Khai khai, lo ngaithla rawh u. Himna Zion lawng ruahman fel turin  hnatlang lo chhuak tawh rawh u le

Thangmawii             :    Ka thleng hma ber e law? A kul a taia inhman chuan a tlai pawl ka ni ang tih ka hlau thei em a. Hman lo chungin ka lokal hlawk hlawk a, ka kal hma ber pawh ka ring lo asin le

Thuhriltu Lalkhirha  :    E lokal rawh, kal hma hi a that lohna reng reng ka la hre ngai lo asin

Tirhkoh Duapa         :    Hnatlang chhuak tur pawh hi kan awm dawn lo a nih hi a. Keini pathum em chuan kan leng tawk lek hian kan siam ve thei dawn emaw ni le?

Thuhriltu Lalkhirha  :    Lal Isua chakna hi ring mai ta che u. Upa min ber hi i zam mai thin a, mi dang hmaa kal tur in ni asin!

Dawntawia               :    Engtin nge thawh tur? Khawi ber hi nge ka lo tih theih awm ang?

Thuhriltu Lalkhirha  :    Tawngtaina leh inhlanna tel lo, rilru bawlhhlawh leh zam chung chuan he lawng hi siam chi a ni lo a. Inthian thianghlim hmasak a ngaih avangin I lo innghak khawm ang u.

Hun rei lo te chhung an nghak a

Excuse Liana            :    Nizan ka mu thei lo a, ka chhia va a chhuak thut a, ka thri thrai a tha lo riau mai a, hming kha ka ziak ve laklawh tawh si a. Kal loh aiah ka lo kal zawk a ni e. Chaw chhum a ngai a, ran chaw pek leh Ka pa enkawl ngai nen ka haw leh nghal a nih pawhin  min hrethiam a ni ang chu.

Dawntawia               :    Kan hre thiam reng zel che alawm.

Thuhriltu Lalkhirha  :    Hming ziak kan kim tawh em? Inhlanna kan nei phawt dawn em ni? Hming a lam nghal nghoh nghoh a. Awm, awm lo tiin an lo chhang zel a

Tirhkoh Duapa         :    Thulh mai chi em ni? Kan va tlem tak em!

Thuhriltu Lalkhirha  :    Khawiah nge Excuse La Mawii hi a awm?

Excuse Liana            :    Vawiin chu office ka chhutri thei si lo a, ka kal ngei ngei a ngai a. CL lak a uihawm bawk si a. Min lo hrethiam a ni ang chu tiin min chah a

Dawntawia               :    Thuamhnaw an chah a lo thlen dawn vang a ni leh ang. A pha mawi a, a tha ve hrim hrim

Thuhriltu Lalkhirha  :    Khawiah nge Kamthrakunga hi? (An ngawi deuh reng a)

Dawntawia               :    A hritlang lik lek a. A mit khing a chhiat ang bawk hian a theihna aiin harsatna hi a hmu hmasa thin a.

Thuhriltu Lalkhirha  :    Inthianthianghlim ila. Zion Lawng chu kan siam nghal mawp mawp dawn nia u. (Zai zirin an inthian a, uluk takin an mar  a dek dan dan a) Himna Zion Lawnga chuang tur chuan Lal Isua thisen hian intlen fai hmasak tur a ni a. Bawlhhlawh kai chu an chuang ve thei lo ang.

Tirhkoh Duapa         :    Himna turin kan chhuak dawn a, chuti chung pawh chuan chhuanlam an la nei thei a nia. Leiah hian Lawi chaw eia ruai ropui theh tur an nei zawk emaw ni dawn chu aw!!! Ruai ei chan ting tang hian kan tla hlum leh vek si ang tih ka va hlau em!

Dawntawia               :    Pawi lo, Pawi lo, Thi tur tho kan ni a, Vanram panna kawnga thihte chu duhthusam alawm. Kal hmiah ang.


No comments:

Post a Comment