57/2015 Masi Present

HMING LEM HMING LEM KA NEI LO

“No name, no name have I,

I live on pure water,

I live on pure vegetables”

Rimenhawihi pasal Zawlthlia zinbo avangin kawng a inkalh khung tlat a, tu mah an lut thei lova, pawn atangin hla-in an auva, an zawt a, an zai a, An hla leh zawhna ni bawk hi a saptawng pawhin sawiin sa-in chham eng ang mahse la, hming hi a pawimawh hmasa ber lohzia kan hmu a, Hming ngawt ai chuan hming putchhan leh a nihna hi a ni lo pawimawh zawk ni. 'In thira mi, in dara mi, Tu maw i hming min hrilh rawh,' ti a zai zawhna chu Rimenhawihi chuan

56/2015 Tlakawrh Feedback

Nizan dar 11 vel khan thianpa Beiseia of Noway, ni lo, Serkawn khua chuan Tlabung a zin thu leh a pa an chawimawina ropui a tihzia hrilh turin min lo phone a. Zirtirtu atanga SSA ah pawhpen niin, Lunglei area aia Chakma, hnam hnufual zawkte awmna hmuna thawk turin duh a thlang a, pension thlengin a thawk ta a ni. Chakma mipui hmangaihtu tiin an chawimawi daih a, zirtirtute bialtu a nih atang hian "Chakma hian zirna-ah kan thangin, hma kan sawn a ni" tiin an sawi a. Chawimawiin ruai thehsakin, khaw sarih dawn mipui an kalkhawm thu min hrilh a.

54/2015 Bawngpupar a vul leh ta!

 BAWNGPU PANGPAR A LO PAR LEH TA

"Bawngpupar a lo vul leh ta!" tih ngawt hi ka rilru-ah a awm a. Bawngpu pangpar ka'n tingawt a, Nihawi lem pangpar ti pawhin I hre zawk mai thei a. Pu Zoramthanga Serthlumpar tia I hria a nih pawhin I demawm chuang lo e. He pangpar hming dik tak hi eng nge tih pawh a hriat theih lova.  Kham bakbahai leh ram chhawr bawk loh turah ho khat neiin an lo par eng tuar thin a. Chu chu he thu ziah nan hian a tawk a ni. Mawi taka thlir mai loh chu tangkaina tur a awm lem lo a. Ram pangpar a nih avangin a par hi han thliakin, Pot mawi tak leh remchang takah pawh khawi thin mah ila, a mawi hlei thei lo fo. Rei a par theih ngai loh vang a ni. Chuti ni suh sela, mi koham leh sum mena meng ho hian an vai nasa ngawt tawh law'ng maw?

53/2015 ZU (Zet u zu)

Zu leh Mizo rinna?

“India ramah hian darkar khat chauh pawh Dictator ni ta ila, ka tih hmasak ber tur chu Zu zawrhna zawng zawng hi zangna dawmna awm lovin ka khar vek ang

 – M.K Gandhi”

“Haw la, zu zawrh khapna dan saw va hlip rawh, Khawi lai hmunah pawh zu hmuh tur a awm kha”

Zoram tharah hian Rinna leh Thlarau, Khawvel thilah chuan kan ṭhang na’rawh e. Kan thiamna leh kan finnate a sang zel a, kan buai phah fo bawk a nih hi. Chuti ang zingah chuan Mizoram tluana kan buaipui leh ngaihdan inmil thei lo awm chu ZU chungchangah hian a ni a. Mizoram tluan kan huamtir hian MLTP ACT emaw MLPC Act hian Hnam tenau, Lai, Mara, Chakma te a huam ta vek e tihna erawh a ni lo a. Nimahsela, an khawtlangah nghawng nasa tak a neih avangin a huam lo thei bik lo vang.

52/2015 Tattoo and Christianity

PATHIAN THU LEH TAKSA ZIAH RAN 

"You shall not make any tattoos in your body,

 nor print any marks because…"

                Leviticus bung 17.25 ah chuan Taksaa Chhinchhiahna reng reng dah hi Pathianin A phal lova. Hei hi Bible zir mi (Theologian) ka nih loh avangin sawi tam tur ka hre lova, ka hriat chhun erawh Mathew Henry-a chhuizauna (commentary) behchhanin Tattoo chungchang hi sawi ila. Pathianin Mihring te in chhuanna leh thlahtu bul chhuanna (myth) a phal lohna avanga ziah niin ka ngai a. Tin, tunlai hunah a tangkai tawh lo tih ni thin mah sela rilru lam insiamthatna tura thupek (Moral Commandments) a nih avangin a dikin, tun hun atan pawh hian a pangngai reng a ni. (In ngaihdan ka hre lo.)

51/2015 Khuarel leh Nghazuang ven

NGHAZUANG

            John Keats’n “ Leilung leh khuarel mawina hi chatuan daih a ni” a lo tih angin, he leilung mawina a hmutu mitah nge a mawi ang a, a mawi sa hrim hrim ni ang tih hrilhfiah nghalin “Thil mawina chu a hmutu mitah a awm” a lo ti sam leh et a. Khawvel inhnialna a la ni ta reng a nih hi. He thu chhiartute hi eng lamah nge ka hruai ang a , eng nge ka kawh hmuh ang a, khawi lipui ber ah nge ka chenpui ang tih ka ngaihtuah a. Hnem hnan tur leh puak chhuah tur ka hlui lovang tih ka hlau hle a, chhiartute ka ni lo; an beng ngei a (Chupawh ala ni lo) hriatna mawl te barh ka duh avangin.

50/2015 Hmangaihna thukzia leh sanzia hi

PATHIAN HMANGAIHNA

(Johan 3.14-17, Hebrai 6.17, Korinth 13.1-14 Thupuan 2.11)

“Hmangaihna famkim a lang thin,

Engkim huama tuarna hmunah chuanin”

Thuhmahruai : Sermon hi Mizo Kristian te zingah hian eng ruaiah a thawk tawh lo em ni chu awka ti thin a. Sermon ni lo, mi bengrawnga khung theihna tura hmuhtir hi a pawimawhzia hre ve phak tan chuan dah that piah lama, hmuhtir tum chhin teh ang. Sermon hi Ni tin zan tin, TV leh Radio, Internet leh chanchinbu hrang hrangah tha tak tak a tam em em a. Video hiala ngaihthlak tur te, lehlin tam tak hmuh tur a awm a. Zawm vek thei ila chuan Zoram damna tur leh, Mimal chhungkua ten kan chhawr khawp ang le. Mahse Mihring kan nih miau avangin a hunah te a hun lovah te sawi zel tur kan nih vang ni maw, kan la thlahthlam lo chu a nih hi. Kan ngaihthlak zaa sawm chauh hi kan hrethei a nih a, kan hmuh ngei zaa sawm riat hi kan hre thei an tih chuan engatinge hmuh theih tura kan sermon etc hi kan buatsaih thin loh le?

49/2015 Book Review

GILEAD AT A GLANCE :

Ka server muan avangin minute sawmhnih vel chhung chu edit awm aih lo khawpin Gilead ka chhiar a, kan bih thuak thuak  teh ang.

Thuhma:              Gilead lo chhuak tur hi ka ngaihven hle a. Bihchian lawk ka duh avangin Editor Pu Laltholeha Chhakchhuak leh President, Pu Puia Hauhulh te chu chanchin ka zawt a. Pu Tholeha kutchhuak hmaih ngai lo ka ni a, ka hmu chak tawh bawk a ni. Kan lawman entirnan  he Lehkhabu hi kan pe ve che  ani , yours Tholeha 12/8/13 tih a chuang kalh mai a. Ka lawm hle. Pek ve na na na chu Lei pawh ka tum chuang lo a.

48/2015 VULMAWI LEH TLAIZAWNG PAR

Photo Credit : Hmangaihi Khenglawt
(http://www.viewphotos.org/india/images.php?Saiha&id=2220)

TLAIZAWNG LEH TLEI ZAWNG

Ka office kal tur hi Tlawng hnar kanin ni tin ka tlan tlang ziah thin a, Tlawng ruam ka thlen hi chuan a lo vawt suka ngaihtuahna thar ka pu nghal chawp chilh thin. Khawvel hi a thianghlim bik ni hian ka hre tlat . Chu Tlawng luikam tawn tawnah chuan Tlaizawng, mawina tinrenga thuam, van rawng kai leh vanrimnam chek hian a lo par vul thin a, hnahhlui an tila, a tlakawlh  satliah mai emaw tih tura a ding fi thulh lai pawh khan a mawi thin a nia.

47/2015 HATIM - Sir, they called me but i'm social worker

HIGHER AND TECHNICAL INSTITUTE MIZORAM

One of my cousins told and conveyed message to engage in HATIM as a Guest Lecturer of BSW for 2 months since 4 September  to 31 October 2015 due to the absence of Sir C.Lalengzama, as he is going to attend course work (on Ph.D) in Social work.

I was happily decided to engage in it. I want to ask God. If God agreed, the HOD will granted my humble decision, luckily, not only with prior approval of Dr.B.Laldinliana who is Medical Superintendent of our Hospital but also Asst Gen. Secy of the BCM agreed.

46/2015 Internship report of the Hospital

SUMMARY REPORT

INTRODUCTION :

V.Lalruatmawii leh R.Vanlalsawmi te chuan Internship; Mobile ICTC, Christian Hospital Serkawn-ah ni 1.10. 2015 - 31.10.2015 chhung hian a thawh khatna an nei a. MSW degree, Bureau of Data Processing System (BDPS) Shillong affiliated by SHIATS Deemed University (Sam Higgibottom Institute of Agricultures, Technology and Sciences) Allahabad atanga zo an ni. Medical Superintendent, Dr.B.Laldinliana remtihna leh a remruatna angin October thla chhung hian HOD ruahman angin ka hnenah hun an hmang a, an report zinga thenkhat pawimawh bika ka rin kan update teh ang. Ni 30 chhungin Theory leh kalphung inbuatsaihna tana hman a ni.

45/2015 Expository Sermon

TAWRHNA HI PATHIAN LANFIAHNA A NI

Bible : Joba 1.1-8, 42.1-6,  38-41

Ka tawrh hi Lalpan a phal vui thei ka ni lo,

Malsawmna  dawn  chhiar  ka thiam lo,...

hlimna leh lawmna chauh ka chhiar thin,

Tawrhan leh lungngaihna zawng pawh hi.....

Malsawmna danglam a lo ni. 

Joba nihna :

Joba hi a hunlai kha chuan Pathian thu awih ber (Amah anga famkim, mi ngil, Pathian tih mi, thil tha lo laka insum thei mi tu mah an awm lo -1.1-8) leh Hausa ber a ni a (1.3). Nimahsela, tlakchhiatna in a nang a, fa mipa7 leh hmeichhe 3 chu a chan a, a neih zawng zawng  chan a, lusun khawharin a awm reng bawk a, chu mai ni lovin- Amah pawh natna hrang hrangin bawmin panchhia a bawhkhat tlat a ni

44/2015 Just do it

TI VE PHAWT MAI RAWH

(Just do it for the sake of the Glory)

Bible Genesis 19.10-22; I Korinth 12.1-10

Kan thupui hi a sexy mah ma hem ka hre lo a, ngaihkawih talh kan tum a nih chuan heti zawng hian kan thlak ang. Pathian ropuina tur leh Pathianin hna a thawh theihna tur a nih chuan Ti ve phawt mai rawh ti ila a pawm a nuam deuh mah na. tunlai Company lar tak Slogan behchhanin Just do it for the sake of the Glory ti te hian a lang mawi deuh mahna

43/2015 DONT ASK!!

IF YOU WANNA TOUCH HER! ASK

(TOUCH HER, DONT ASK)

Shania Twain hi a pianpui hming chu Eilleen Regina Edwards niin kum 1965 August 28 daih tawh khan Canada zaithiam, khawvel hriat ni turin a lo piang a.  Barah te, tualchhung TV leh Radio ah te a zai thin a. A nu leh pa te Car accident a an thih atang chuan Resort-chawlhhahdamna hmunah te a zai a. Mercury records aiawh ten a thiamna an hriat takah chuan kum 1993 khan a zai record turin an inremsiam a. Hlawhtling nghal lo mahse Lange nena an inneih atang chuan awmzia nei ta hle a. Kum 1980 chhoa Rock leh pop music chawhpawlhin hla a phuah a, amahin a sa nghal thei ta zel a. Miten an duh em em a ni. Queen of country pop an tih hial hlawh turin maktaduai 80 chuang a hla a hralh tawh a. Grammy Awards, BMI Songwriter leh lawman chi hrang hrang a dawng tawh a.

42/2015 HIMNA ZOAR TOBUL

HIMNA ZOAR

Genesis 19.22, Luka 12.15

 SAWMNA DUHAWM:           Bialtu Pastor Rev F.Lalsangliana

lehkha a lo thleng a. Ni 21-14 August 2015 hian Old Ralvawng-a BCM Zoar kohhran chu a Bial fan ruala tawiawm turin Bial zaipawl te min sawmna a ni. Bial zaipawlah sawi ho turin chhawp chhuah nghal a ni a. Old Ralvawng dinhmunte ngaihtuahin member-te chuan Pathian ram a din ngheh tulzia an sawi a. Inbuatsaihna nasa tak nen pastor hi tawiawm nise. Spiritual Camp pawh neih nise, a tul ang chu zaipawl committee in lo ngaihtuah se tih a ni a. Ni 17-20 August 2015 chhung chuan BCM Bazar ah zan riaka Bethel, Hlazir, Street play (Drama) leh a tul anga inbuatsaihna camp neih a ni a.

41/2015 Zoar Lamtluang

HIMNA ZOAR LAMTLUANG

Genesis 19.22, Luka 14.15-24

Thuhriltu Lalkhirha  :    Ka unaute u, He khawvel boral mekah hian himna hmun panin naktuk hian chhuah tur a ni a. Himna Zoar lamtluang zawha kal duh zawng zawng chu inbuatsaih a ngai a. Ka hnenah zaninah ngei hian hming pek luh nghal tur a ni e. Kan chhuah hma loh chuan Pathianin hna a thawk thei lo a ni.

Dawntawia               :    Tunge him duh lo awm ang; hming pek luh kher ngai em ni? Naktukah a duh apiang chhuak khawm nghal ila ni mai alawm.

40/2015 Tanpuina Dik

THIAN THA 

  Zova chu mi rethei tak a ni a. Chhungkaw pa ber niin nupui fanau enkawltu a ni. Chhungkua zawng zawng chawm chu ani ang thiam nei lo tan chuan a hautak hle a. Zova chuan thian pahnih Hlukungtea leh Thang bhaya a nei a.  Sangha mantu ve ve an ni bawk.

   Ni khat chu Zova fate chu an riltam em avangin an tap a. Zova chuan tihdan tur kawng a hre lo a. A thianpa Hlukungtea bulah kalin, an harsat dan leh  dinhmun zawng zawng hrilhin a tanpuina a dil a. Hlukungtea chuan a khawngaih avangin a sangha man zawng zawng zat ve chu a pe a.

39/2015 Dampuia tana phuahchawp

KE BAI ASSOCIATION

College Students’ Union hruaitu thlan a hnaih tawh avangin kan thiante Campaign puiin hun kan hmang nasa hle a. Semester; Internal test ai chuan kan la thu tak zawk fe awm e. Kan College SU hruaitu hi a pawimawh a ni ang hruaitu nih tuma chuh pawh an tam thei hle a. Mizoram Politicians lar tak tak hi kan SU hruaitu hlui an lo nih tawh vang pawh a ni mahna. 

KBA te hi thianho pariat chauh ni mah ila kan inlungrualin kan College-ah chuan kan leng ve halh hlah hle a. Over miah si lo hian tu mah kan ngai bik lo a, ngeiawmin kan awm lo a, ngei pawh kan nei lo a, mi dang kan mamawh hek lo. Min pawh tuma min zui leh min kawm te chu awm ve thin mahsela, kan khawsazia a danglam em avangin kan hnar ni miah lo hian an kiam leh mai thin a. Pawi pawh kan ti hek lo.

38/2015 Life begins at Forty

KA NGAIHTUAH VE CHHIN A

       Nupui nei tur hian min tur ve fo thin a, heti ang hian ka chhang liam ve fo tawh (click chhin la) engmah a ang lo a nih ka ring. Tur turin ka lo awm reng reng emaw ni tiin ka inngaihtuah ta thut a. “Neiha ka ni a, nupui nei lo ka ni; Neiha hian engmah neih ka neih loh avangin neih tlak ka ni lova. Neih engmah nei lovin neih ka duh hek lo. Neih lai ka neih loh avang erawh chuan neih tlak ka ni ve thei. Mahse engmah lo nei khan engkim neitu ka neih avangin engkim ka nei lawi si” Ka la ngaihtuah chhin loh thil a nih avangin ngaihtuah dan pawh ka thiam lo. Mahse, miin tul an tih chuan ka lo tul a ni ve tak anga tiin ka thiam dan danin ka ngaihtuah a. Nupui lo nei dawn ta ila, uiii leehhhh!

37/2015 Social Worker’s Point of View

salvation Camping AIAH

 COUNSELLING INTERVENTION

Thuhma :             Kohhran hmunpui ngaihdan ka hre lo a, tualchhung kohhrante ngaihdan ka hre hek lo, ka hriat erawh camping kan neih dan hi tihdanglam a hun tawh a ni. Kum tina khel lova kan neih fo ṭhin; camping kan kalpui dan hi thlak ta  ila, thil ṭha zawk a chhuak ang a, nun nghet kan neih phah thei ang.  Salvation camping, bul ṭan ṭhatna leh insiam ṭhat nana hre laklawh tawh, a thlakna tur hre si lo, a ngai rin duh lem lo ten ‘Revival camping’ emaw ‘Siamthar lehna camping’ tia kan thlak hian a nihna a thlak danglam phah lo a. Weekend bawra crusade lah kan zawng chhang  si lo  a nih hi. Pathian ruahmanna kan hai palh emaw, kan hman hmawh deuh emaw a nih chuan ngaihdam dil pawh kan hnial tur a ni lo. Kan kal dan, nihphunga kan lo neih fo tawh camping te, a remchan hun leh kan phak tawka kan nei ṭhinte hi ka sawisel hauh law. A thlakna tur emaw, a aia ṭha zawk/ hlawk zawk emaw, a awm em? Engtin nge kan hlawkpui zawk ang tih i ngaihtuah tlang teh ang u.

36/2015 Thanks Teacher; My Deva

Mass Media Exposure among Tribal Student Youth in Mizoram

Abstract

Today, we are living in the age of media and information.  The world lives on information. People are exposed to both print and electronic media. From the time we get up in the morning until we rest at night; either print media or electronic media anchors us.  In particular, youth are major consumers and audience of these media. Television is one of the most powerful media, which influences the youth. At present, it is very difficult to enumerate since almost all the remote corners are connected with satellite through dish antenna.  It is obvious that media are rapidly changing in the social life especially among youth. Therefore, the paper makes an attempt to explore the mass media exposure among Mizo youth of the age group from 14 to 24 years who studied in the selected three educational institutions namely St.Paul’s Higher Secondary School, Basileia Higher Secondary school and Women Polytechnique, Aizawl purposively by using structured questionnaire.  Further, the paper identifies the perceived factors influencing media exposure and also suggests some measures to use the mass media effectively among the tribal youth of Mizoram. 

35/2015 Hriat hlawh ve ta lo Sulsutu chu!

ZD Chuaudenga (1930- 2007)

Pioneer Missionary Nghilh loh nan 

by Upa R.Lalhmingsanga

Upa R.Lalhmingsanga, A ziaktu

BCM Bazar, Zobawk chanchinbu 'Thalai Aw' kum 25-na Silver jubilee Souvenir-a editorial board-in Pu ZD Chuaudenga pioneer missionary chanchin ziak tura min rawn thlang hi lawmawm ka tih rualin ka induh khawp lo hle mai a. An mi ngenna angin ka han ziak ve rawih mai a ni. A chanchin leh an rawngbawlna chanchinte hi kimchang takin ziak vek sen a ni dawn lova, a tlangpui leh tarlan atan a \ha leh pawimawhte chauh tarlan a ni tih min lo hriatsak turin chhiartute ka ngen a che u.

34/2015 TKP Day Momento

Editorial ka ziak ve ta!

Kan rilru-ah Souvenir tihchuan lehkhabu bak a kawk lo thung. Editorial board zinga upa ber chu Editor-ah  upa sa kahin; min pem buhbel ta ngawt a. Ka hupphurh dan chu sawi lo ila ka mualpho tam lo zawk awm e. Thil har ber tur chu mi buai leh hman lo, thu ziah tui  lem lo tak takte thu ziak tura sawm chhuah tum hi a ni tih ka hria a.

33/2015 Birthday puan hmawr

BOOBS

Sap ho ten Breast an tih, Boobs an tih bawk sawi hi chuan mawl deuh chhawihna tham a ni tih hi sawifiah vak a ngai lova. Hnute kan tih mai hi ‘Puan hmawr’ a nih daih dan te pawh a awm ve tho hi maw! Lal Isua puan hmawr ang kha a ni lo, khawiha dam phahna tur pawh a ni lo a, Pathian thilsiam zingah chuan hmeichhia hi an khirh mak dangdai ber hial awm e. Chung hmeichhe zinga an hmeichhiatna thuam famkim, hmanraw pakhat Boobs mawlh hian ngaihtuah a ti thui thin. A lem i en lai khian i hre lo em ni? I chhiar vang chauha hmu thei i ni!

32/2015 She said, 'It kills'

Duhthawh taka min fawpin min liak a,
Mawi hnai taka min thehchhuah hian ka vui.
Mamawh lai chauha min hria hi ka vui,
A dang chak hian i awm leh huam huam a.

Mi zingah rimchhia ka nih phah ta a.
Mi zingah min ngai thin ka hria a,
Mala i awmin min ngaizual thin a,
Min fawh changa ner lovin min duat a.

31/2015 National Seminar

I was just receiving Certificate of Participation in the National Seminar entitled  'Media and Maginalised' which was held on 25-26 June 2015 at the Administration Conference Hall, Mizoram University, Aizawl. This certificate proved that i was presenting "Mass Media Exposure among Tribal student youths in Mizoram" 

Ten years back, when i was doing my master programme in Social Work, i prefer to do research project (Dissertation) of  'Mass Media Exposure among the Mizo youths'. See the Project and abstract I was very gladful to my research guide Sir Deva (Asst Prof. Dr. Devinderan, Dept of Social Work). Now and the then, he never scolded me but encourage all the time, till now. Thank you once again, Sir Deva for your enthusiastic support and warmth guide since the begining. 

30/2015 Durra Chawngthu's

TLEITIRAH TLEITIRI

            “Engineering zir chu Mizo uisa ei thluakin a tlin ve lo ve” 

tiin kum 1927 vel khan sawi mah sela,  (a thusawi a dik lohzia kan hre tawh a, B.E tam tak an chhuak tawh a nih hi) Tleitir hmel\hatna leh duhawmna hre tur erawh zawngin a tlin khawp mai. Tleirawl duhawmna leh ngainatna, vanglai hun in\anna a nih avangin Tleirawlte hi an mawi hle reng a ni. He hlaphuahtu pawh hian Tleitir zawng zawng zinga Tleitiri bak a ngaihtuah thei lo tih chu Annie Laurie hla ‘Maxwelton’s braes are bonnie’  hla a ngaihthak a\angin a lang chiang hle a ni awm e. Kan rilrua kan vei leh ngaihtuah zawngte hi theihnghilh emaw ti \hin mah ila, eng emaw avangin engtin emaw a lo lang chhuak leh \hin.

29/2015 Suicide

Eng kan ti ta nge, Zoram hi ?

Mihring thihna tam ber zingah mahni inthah avanga thi

* 2014 a mipa leh hmeichhia hi ka hre thei lo a.
 Total pawh hian tihsual ka nei mai thei

hi 13 na a ni a¹ ngaihthah ngawt chi a ni ta lo. Mahni intihhlum (Suicide) hi kan zingah a lar chak hle a, Mihring nuai 11 chuang awrhah hian a langsar chak ta hle mai. Kum chanve kan kaia  percent chanve chu kan khum hnehsawh hle mai. Mi 60 a tling ti tih ta. A chhan awm theihna te, a ven dan leh a kaihhnawih sawi ka tum lo a. Mizo \halai, Internet User te zingah chah duh ka neih chu ka han tarlang mai dawn a ni. Kum tina mi 73 vel kan Mizopui an thihna hi AIDS, Malalria leh natna dang kan do ang hian tih tak zeta kan do a, nunna chhan nana kan beih a hun ta tak zet a ni.

28/2015 Pu Ruma ti ti

ZU HI CHIANG ZET ZAWTIN VAWI 3 KA DAM PUI TAWH

Pu Lalruma i hria em? Hre lo a nih pawhin ka dem lo che, a awmna hi kan vengah daih a nih avangin. Amah hi sa ngaina mi a ni a, sa talh kan tih \hin hi a ni thin. Kum 60 chuang khawvel hi a lo hlimpui tawh \hin a, lungngaihna lam erawh sawilan hi \ul a ti vak lo. Vawiin 3 July 2015 hian Auto Rickshaw-ah Darkar khat zen zawn kan chuang tlang a, biangbiak ngai lovin a kamchhuak ka ngaithla a, a pawlh mawi tawk turin Dr Hriatpuia’n a lo um e pah nen ka hlim kher mai.

27/2015 Rentin daih nun

TINRENG DAIH

Mizo \awng thiam tak chu ni ila ‘rentin daih’ ka ti ngei ang, Ka rilru luahtu pakhat chu tinreng daih tih hi a ni. Kohhran nawlpuiin kan mamawh tinreng daih pathum tarlan ka tum a. Tinreng damdawi, kawl damdawi kan tih \hin pawh kha a lo mak ta ngawt mai! Natna tlanglawn hrang hrangah kan dam phah ve nghal zel kha a nia. Kan rilru lama kan lo dawnsawn dan leh kan beisei dan hi thil pawimawh tak a ni si a. Kan nun hi Pathian rawngbawlnain a khat a, rawngbawl reng chung pawha kan rilru pek dan hi a pawimawh hle mai. Heng thil hmanraw pathum kan kawl lai hian rilru dik tak pu chungin a pawimawhna hre chhuak thin ila.

26/2015 Football Biahthu

FOOTBALL TEAM KA ENKAWL VE A

Thuhma: Zobawk hi Lunglei atanga Km15 hlaa awm a ni a, chu chu ka pian ka seilenna khua a ni. HPC Cup 2015 chu June 16 2015 khan Thuamluaia mualah neih a ni a. Lunglei District Village Council footbal team 63 zingah Team 50 chhuak theiin, chung zinga Team pakhat, enkawl ve tur chuan Games & Sports Association hotuten min ruat a, Manager hna chu ka pawm laklawh si a, a tawp thlen loh ka duh loh avangin hman lo chung chungin ka enkawl ve a. Zobawk North hi VC indang hlim kan ni a, VC te chu belh loh theih loh an ni ta a nih chu. Chuta ka thil zirchhuah tak te chu thailan ka duh a, sawiselna aia insiam that tum kan awm takin. Sum leh pai tel lo hian a huho rawngbawlna hi a kal thei lo a ni tih ka hrechhuak bawk. 

25/2015 Mizo tawng

Mizo |awng hmanga Hnam humhalh

       Mizo \awng chungchanga thu ziak turin ka inbuatsaih a, hun chep tak  karah ka vei zawng ka han ziak nghal mai a, mi fate chuan an nula vei zawng te, khawtlang an vei thu an ziak \hin a ni ngai a. Kei ve zawng, kohhran leh YMA chanchinbu te, zirlaibu te hian inang tlanga thu an ziah chhuah hun ka nghakhlel hle a.  BCM, Synod leh UPC, Salvation Army etc chanchinbu hrang hrang en hian a mumal lo a ni. Chu mai ni lovin mi mal Diary \heuhah pawh kan ziah dan a inan hunah chuan Mizo \awng hi khawvela \awng hausa a lo ni ve tawh dawn a ni. Chutih hunah chuan \awng avang hian ram leh hnam kan humhalh ngei ang a, \awng pai leh dik loh avangin inmalmak a awm tawh lo vang.

           

24/2015 Mizo Society

NUN SUAR ANG A CHIM ZO TA EM NI?

 Mizo hlaphuah thiam ber pawl pakhat hlaah chuan hla thu mawi leh \ha, thluk nalh em em kan hriat; 'mizo nun tluchhia- suang ang chim tih hi' hi kum tam ral ta ah pawh ala dik dawn chauh a nih hi. Hmasang a\anga in \an tawh pawh nise. Mihring nun hi chu buaina a khat, nuam sa tura inchhek khawl \hin kan ni. |halaite khawvelah hian malsawmtu malsawmna hre lo lekin kan hun kan hmang ral ta anih hi.

23/2015 Drama 15 Mins Play

KAWNG LEH THU TAK 

( Lawilo Tualzawl-ah chuan hna an thawk mawlh mawlh a)

Zauva       :         Tunlai khawvel hi ka thlir a, Pathian lokal hnaih tawhzia te an sawi tak na a, kum hlun tur in leh huan lo ram tha tak tak ngaihtuahin an tul em em vek lawi a, Pathian bera pawh hi an theihnghilh daih nia!

22/2015 Kristian thumal thar

KRISTIAN THUMAL THAR

Tunlai khawvel mi ten kristian leh kan sakhua an hmuh dan hrang hrang ka ngaihtuah a, thil ni thei awm ang te ka chhui ve thin a. Sawi tur tam chu nei lo mah ila, keini hi kan lo inenfiah theih nan heng thu pali hi kan tarlang ve ngawt teh ang. Thu leh hla lama tha tak, a that lohna sawi tur awm miah si lo; Kristian sakhua hi kristian nun leh nunpui dan hian sakhua tha tak a nihzia a lantir thei lo a ni. Albert Einstein-a Theory ang deuh a ni ta (Eng tluka chaka zin a, naupan lai hmuh leh theihna ang deuh) a thu lama dik thluam si, a taka dik emaw hmuh tur emaw awm miah lo ang hi a ni. 

21/2015 LT Zohranga

Lemziak lam hawiin.

      LT Zohranga hi Lunglei Ramthar veng Lungleiah chengin Nupui H.Biakthansangi nen kum 1989 khan Ramthar vengah inneiin, tunah hian fa pathum ; LT Vanlalpekhlui, LT Malsawmkimi leh LT Vanlalruatkimi neiin chhungkaw hlim takin an khawsa a. A ni Kohhran leh khawtlang, ram leh hnam tana inhmang tak niin tunah hian hunawl nei lo lekin mi dangte kaiharh turin hun a hmang mek a ni. BCM Zion kohhranah rawngbawltu niin, YMA secretary te ni tawhin, MAL Lungleiah hian hruaitu a ni a, Lunglei Dist TB Forum ah chairman niin, The Leprosy Mission Lunglei chapterah Finance Secretary niin rawngbawlna hrang hrangah a buai thei hle a ni.

20/2015 Mizo wildlife Photography

Mizo wildlife Photography 

  

Tlawnghnar ramngaw- Mobile

  Kan chhungkua kan chawm nan phung thlu hman lo lekin kan bei a. Pathian thilsiam dang hmangin kan intungnung hram hram a. Kan nunna hlu tak chu zuahin a la awm ve thei asin. Kan ram mamawh thing leh mau, nungcha te humhalh duh hle mah ila kawng dang zawh thei ka ni mawlh si lo. Kawng dang tha leh felfai zawk hmanga chhungkaw chawm ka duh mek lai hian kawng min kawhhmuh thei em ni? Ramsa pel leh ramngaw tihchereu hi kan duhdan a ni bik lo a, duhthlan tur kan nei lo mai zawk a ni. A tulna avang zawka a thim a var, a sur a sa pawh pawisa lova ei tur kan hmuh theih nana kan thawkchhuak hi kan ning ve hle a, thlakna tur erawh kan hre si lo a nih hi. Pathian thilsiam te hi humhalh pumhlum kan duh a, kan theih tak si loh avangin kan mamawh chu kan suat a, a inthlahpunna dal turin kan suat ngai hek lo.

19/2015 Facebook Mizo update

#  K'u David Zawma'n " x te hmuh hi chuan eng emaw hi kan ti a,mi pangngai nihna a ni a; zah loh tur. An x te x leh chhawng kan hmuh a, kan la hnim ruih chuan mi x hi kan lo x chuang bik hle a ni" a ti. "Arithmetic thiam lo tih takah x hlutna hi tun thleng pawh hian ka la hre lo. x lo zawk hlutna hi chhut thiam ava pawimawh em" a ti.. lewl

#  Kohhrana inhmang lo, inkhawm ngai bawk si lo, YMA inhmang bawk si lo, ramhnuai mi ah pawh țang bawk si lo chu an chut duh

18/2015 BYFI Conference

I AM ONE OF THE DELEGATES

Being a baptist youth leader in the local area, I am one of the delegates at the Baptist Youth Fellowship India, National Baptist Conference 2015 at Serkawn. Representing on behalf of our local pastorate i.e Zobawk North; Mizoram TKP.  The venue is located here near our hospital, Serkawn. I dont want to report other things like Host Church BCM Serkawn, Mizoram TKP etc., but only some parts which came into my mind.

17/2015 Societal change

Siam dan pawh dang, nihphung pawh dang

   PA RORELNA TLACHHIA

Ka hua che :

            Mipa chu mipa a ni a, a bak zawng chu hmeichhia an ni. Tlangval ka ni a, nang chu nupui nei tawh pa i ni. Thil nihphung hi i hriatthiam loh avangin  thil nihphung i hre fuh thei ta lo a ni ber e. Pa dinhmun ka la hriatthiam loh avangin i khawsakzia hi ka hrethiam thei lo. Hriatchian che ka chak. Min kaihruaitu pa te hian min kaihhruai tha tawk lo tehreng emaw ni heti teh nuaia kan ram hi a awm ka ti thin. Nute pawimawhna tam tak an sawi a, an pawimawh em em tih chu khawvel hriat a ni a, an la pawimawh zel bawk ang. D.L Moody-an “Ka nu ang hi nu zawng zawng ni sela chuan tan in awm a ngai lo vang” tiin hmeichhe pawimawhna a sawi a. Napoleon-a meuh pawhin “France ramin a mamawh ber chu nu tha a ni” a ti a. A dik e. A letling chiah kan ni tawh a, “Kan Zoram mamawh ber chu pa tha ka ti ngam ngat”  kan rama nute hi chu an tha tawh lutuk a. Nu, hmeichhia chuti khawpa pawimawh te enkawltu chu an pasal te an ni, Bible min hrilh dan pawh a ni. Hmeichhe lu chu mipa a ni si a. 

16/2015 Two Sides of the Same Coin

                                HMAI HNIH NEI

Into the Semi Final

SMS :  Ka mut dawnah chuan ‘When i fall - Anne Murray tih hi min lo chip sak teh' tiin thupek aw lam ka dawng a. Eng nge a nih ka hre lo, ngaihtuah pawh ngaihtuah lo chuan ka muhil nghal a. “Gud Mornig, egtin jel?” tih SMS hian min tiharh a, ‘Morning, i Puitlig twh mi..hehe” tih te hian ka reply a. Ka inperh tho nghal dawn emaw ka tih laiin, Facebook lamah ka lut a. Thianpa status lungkuai lo zet “Ka mihring rin em2 in min phatsan maw, mai mai chuan e. Em em a na....” tih ni ta-in ka hria a. “Mi zawng zawng hi rin vek tur a ni a, Rin em em loh tur” tih hmang te a an comment lai chuan “Tumah ring suh, nangmah ngei pawh, chuti ni lo se i hlimthla pawh khan thimah chuan a kalsan lo tur che a nia” tiin khawi atanga ka hriat nge pawh hriat loh hian kan comment ngawt pek a.  SMS a lo thleng nghal a. “Ka gy hle mai ce” tih te mai hi. Gay kan ni lo, mahse thianpa hian min mamawh a ni tih ka hria a, tih theih erawh ka nei lo. Counsel thei tur dinhmunah ka ding lo a, Relationship Counsellor ni tur pawhin hriat ka nei lawi si lo.

15/2015 My favourite verse

                Thinlung ruak ; Pathian hruai theih

Bible :Sam 37:4-5/ 119:105

   LALPA chungah chuan lawm bawk rawh; Tichuan i thinung duh zawngte chu a pe ang che. I awm dan tûr chu LALPA chungah nghat la; Amah chu ring la, aman a ti vek ang.

    Mihring hi hlauhawm tak leh mak tak, chak tak danglam taka siam kan nih thu Sam-ah kan hmu a. A ni reng lah tak a, Pathian thilsiam te zinga kan danglam leh ropui bikzia te ka ngaihtuah thin a.  A thilsiam min tlawh, min kan thin ngawt vangin kan danglam bik tihna a ni lo. Nunna kan nei a, thilsiam dang te pawhin an nei a. Thlarau kan nei a, A hnena kal ve tur ngawt hi kan danglamna a ni lo. Sual tirhkohte pawhin thlarau an nei a. A kut ngeia siam a, nunna thaw kan thaw lut ngawt hi kan danglamna a ni mai lo. Ama anpuia siam kan nih hi a danglamna a ni a.

14/2015 My daily promise

Uploaded at Facebook on 17 March 2013 ·

DAR BI A DANG TAWH

Ka zing zin tur meuh chu, tui lai ka rap.
Varṭianah laikhum thlehnem ka bel a,
Chhun mu lo, zan mu lovin, hun bi ka chhiar.
Chunnun nemin a ze ngai a chhuah leh ta!!

“Mu tawh rawh khua I tlai ang e” tiin
A rin; thatchhe thu a chham chhuak leh ta.
‘A laikhumah a her vel ruai ruai a’
I samdal nun chu thleh nem belh tum lo.

Pachhiat loh nan mu thlu suh an ti ngai.
Nang zawng mut zai rel lo, thawhzai rel lo
Ka nu kan dar bi a dang tawh ngai

Mu tawh rawh, tho tawh rawh, ei rawh tih hi,
Hman an hril fo Mut dan rangkachak chu
Hma taka mut a, zing taka thawh hi.

14/2015 Aizawl zin thu

                    THINGTLANG vs KHAWPUI RILRU



    “Vawiin chu luiah ka kal dawn nge ka pem dawn” tih ang maiin khua a enin a hawi vual vual ang a, Sumo Counter a bia ang a, Ticket ala awm sia “Aizawl ka zin thut teh” tih min hrilh lai chuan ka lo ngaihtuah pek a. Kum hmasa lama Pension kan thlah tak kha ka bulah chuan a lo thu a. Ani hi Damdawi dawra hmeichhe zirlai naupang te te te, an hnung lama pawm thut thin. Fiamthu avanga hmeichhe rak hlim ngaihthlak nuam ti chi a ni. A fanu ngei pawh khawdang zirlai hmuhin a hmu nge, a hmel a hmuh theih loh vang zawk a dula pawm chungin a lo chawi kang leuh leuh tawh a ni awm e.

13/2015 Most welcome Cheque

           KA LAWMZIA HI

     Ka tuina zawng a nih vangin lehkha zir ni lo, lehkha chhiar hi nuam ka ti a, ka ngaihtuahna awm ang ang ziah chhuah te hi ka atna pakhat, fing anga ka inngaihna kawng awm chhun a ni a. Kei aia thiam, fing leh fel hian thu sang tel, a nuai bi leh chhiarsen loh an lo ziak tawh a. Thu tha tak tak leh chhawrnahawm tak, kan tu leh fa te tana rohlu, ram tana hmasawnna khawp hiala tha te an lo ziak tawh a. Vanram chahbi atana hman theih tur khawpa tha; Chhandamna kawng te an lo ziak tawh a. Hrehhmun atanga chhanchhuahna thu leh vanram thlenna hial khawpa thu tha te pawh an lo ziak tawh bawk a ni. An la ziak zel ang. Chung zinga tam tak chu a thu chhiar vek theih a ni lo a, a bu chhiar sen lah a ni hek lo.

12/2015 Lonesome Star

LOKESH SINGH

Hmuh loh hlau, hmuhfiah hlau siin!!

En ngawt chuan mizo a ni nge ni lo tih a hriat theih loh a, enga pawh chu nise a hmel a faiin, a zahawm a, a khabe hmul leh hmuihmul chawr deuh hmuh chuan pa upa lam, a dam tur zat ve aia tam a hmang tawh a ni tih a hriat hle. A hnathawhna hmun, a thuamhnaw leh a uluk dan en chuan mi namai a ni lo tih a hriat hle a ni. A tawng zung zung loh avangin a hnathawhna leh a thilsiam lai-ah chuan a ngaihtuahna a pe tih erawh ka hre thei. Amah chu Lokesh Singh a ni a, Gurhkali ka ni a ti. Gurkhali vek nupuia nei a ni. A nupui neih thu pawh kum 4 hnu-ah chauh a chhungten an hria a, an hmuh rualin an hre nghal a ni. Lungleia inbeng bel turin an lo let a.

11/2015 When conflict arises

THLARAU THARA RAWNGBAWL TURIN

    Pathian avangin a hminga in hruaitu te hian in hnenah thusawi tur kan nei a, ngun taka min lo ngaihthlaksak  a, min ngaihtuahpui turin kan sawm a che u. “Jerusalem khua kalsan suh u, Pa thiltiam ka sawi inhriat kha lo nghak rawh u” (Tirh 1.4)  tih min hrilh ang hian Thlarau thianghlim hnathawhna hmun hi a kalsan theih khawp mai. Rinhlelh leh hlauhna a lo awm chang hian kan zam mai thin a. Dem tur zawngin kan hmanhlel fo a, puhmawh leh chhuan lam kan zawng thin a ni. Mahse,   Pathian chuan a hun takah insiamthatna tura hriattirna leh chhinchhiahna min pe thin a. Chumi haider chu thil hlauhawm tak a ni.

10/2015 Old is Gold

AW MIN HRILH RAWH ZANIN NGEIAH

Kum tam tak a sur a sa, hlimna leh lungngaihna lo hmachhawn tawh ni mahsela ni tin hian danglam lo leh pangngai reng an neih chu beiseina thar a ni. Thil tha leh hlimawm beisei turin zingah tawngka leh chetze hmangin an infiam a, nunhlui bo mai tur an sawi thar leh fo thin a ni.

9/2015 You are my Literature

I LOVE BLOGGING

My first Publication

I live in my ownstyle, when I'm alone and desperate. Writing down all of my life, thoughts, feelings and exposing in this small blogspot world. May be useless. Even though, it spreads all over the world to those who open their heart and follow this link.

It's about my life, my style and my relations, who enter into my life whether they are close or far away now. It doesn't matter where they are. It doesn't matter who they are. It doesn't matter whether they had read or not read. It doesn't matter they feel ashamed of it or proud of themselves. But, i really enjoy this blogging because it is the only way of telling the world that i am still alive. 

8/2015 My Mentor in Faith

ENG BAHSAMSEI-A

Zopa mawlmang ve tak niin, kan khua-ah hian an lo sawikhawm a ni awm e.  Rambuai lai khan naupang fel tawh tak, tuium kherh rual a ni ve tawh a. Saiha lamah a awm tak daih avangin an khua pawhin an hre vak lo. Mi inngaitlawm tak, mite zai ngai em em a ni. Tihsual hlauh avanga mite rawn reng thin niin, tihsual erawh a neih ka hre lo. Kum 35 a nihin nupui a nei a, a hunlai chuan a tlai mah mah emaw tih tur khawpa leng tul a ni.

7/15 PS. ILU

LETTER NOT TO BE SENT

Beiseina thar nen khawvela ka hmachhuan awm chhun i nih lai hian hetia beidawnna ruam zawh ka thlan tak chhan chu “Ka ngaih em che avang te, ka lunglen theih lutuk vangte a ni” Khawharna hi chu ka nunzia a ni a, Nang ngaih vanga lungleng lutuk tur bika min siam hi Pathian ka chhuahchhal hial thin. Pathian chhuah chhal ngam nih erawh thil zahthlak tak a ni. Ka hlim ve chang te, ka lawmna leh ka lungngaihna te, ka chhuanzia te, mi ten an fakna zozai te hi hrilh hriat ve che ka chak em em thin che a. Chu chu a ni lawm ni inngaizawng te, inhmangaih te thlakhlelh ber chu? Ka kiangah i awm lo a, awm thei pawh i ni lo tih ka hria a. Ka vui lo. Vui thei pawh ka ni lo a, ka vui ngam hek lo. Mahse hmana inpawh tlang taka kan inhrilh tawn thin te erawh ka hrechhuak ziah thin. Khang hunah khan let leh thei tak ila aw! Nang chuan ka zia a ni lo tih changchawiin i hnar leh dawn tho tih pawh ka ralkhat rin hriat theih ruak ruak a ni.

6/2015 A la pangngai reng asin Cross is everything

A LA PANGNGAI RENG

(Orders remain unchanged)

Ka nundan ka thlir let a, ka rinna ka thlir let a, ka nunhlui te hian min vaw letin, ka chau thin a. Ka thil tih that te hian hlimna min pe ve bawk thin. Ka Incheina leh eizawnna, ka thiante leh ka ngaihzawng te hi danglam thinin, Mi ten min ngaihdan pawh hi danglam thin mah sela, min hmangaihtu hi chu a danglam ve ngai lo a ni. Ka hlat chang leh ka hnaih chang pawhin min hmangaih reng a, ka tihsual min ngaidamin a bula cheng turin min sawm reng thin. Hlauhawma ka awm chang te leh ka bo chang pawhin min veng a, min chhanhim a, min tanpuitu hnai ber a ni reng thin.