DROPDOWN MENU

05 March 2015

11/2015 When conflict arises

THLARAU THARA RAWNGBAWL TURIN

    Pathian avangin a hminga in hruaitu te hian in hnenah thusawi tur kan nei a, ngun taka min lo ngaihthlaksak  a, min ngaihtuahpui turin kan sawm a che u. “Jerusalem khua kalsan suh u, Pa thiltiam ka sawi inhriat kha lo nghak rawh u” (Tirh 1.4)  tih min hrilh ang hian Thlarau thianghlim hnathawhna hmun hi a kalsan theih khawp mai. Rinhlelh leh hlauhna a lo awm chang hian kan zam mai thin a. Dem tur zawngin kan hmanhlel fo a, puhmawh leh chhuan lam kan zawng thin a ni. Mahse,   Pathian chuan a hun takah insiamthatna tura hriattirna leh chhinchhiahna min pe thin a. Chumi haider chu thil hlauhawm tak a ni.

    Mihring leh pawl awpkhawma kaihhruaitu (hruaitu) kan nih angin kan mihring thahnemngaihna hian kan lo kaihruai thin a. Thlarau a lo zalen thei reng reng lo thin a ni. Kan kal lehzel dan turah chuan Thlarau Thianghlim hi kan hruaitu a ni tawh ang a, keini hi a tha chhang dawltu kan lo ni dawn tawh a ni. Chutih hunah chuan kan thawhrimna te, malsawm tlaka kan insenso te hi a lo par chhuak thei dawn a ni. Kan ropuina tur ni lo, pawl hmingthatna  tur emaw ropui tur zawk ropui theih loh chhan inenfiah a ngai fo thin. Kan dinhmun inenfiah fo loh chuan mihring hi a ropui thei ngai lo a, hmasawnna lamah a than a thu a, a hnung tawlh ta thin a ni.

    Sawihona, inhmuhkhawmna leh harsatna sukiang tura rorel inhmuhkhawm hi a sawt em em a, tawngtaina phena thil tha tur sawilan hi a hlawk lehzual a ni. Tinungtu Thlarau chuan kan thawhrah tlemte te mal a sawm chuan  a hlawhtlinna a awm thin. Mihring- A hmanrua te hian tihnun tlaka thinlung kawngkhar erawh kan hawn a ngai fo thin. Kan inchhirna te, simna te leh insiamthatna te hi Pathian lawm tlak a nih phawt chuan Malsawm intanna bulpui pawimawh tak a ni. Kan harsatna te, kan buaina te leh lungkham kan neih te Pathian hnenah kan thlen chuan Ani chuan min chhang ang tih ring tlat chunga huai taka kalzel turin hun hman ngam a tul fo.

    Hruaitute hi Pathianin min tihchak tawh avangin hlau leh khur chungin kan kal dawn lova. Ama ropuina turin huaisen taka kalpui zel kan tum dawn a, Kan hruaia te nena kan tan ruala Pathian kan lama a tan tlat chuan Tunge min do thei ang? Tumah hi mifel leh hruaitu nih tling tak kan awm lo a, kan insit em em vek thin a ni. Tlinga min ruattu Krista pawh zah tur a ni a, thiltih in a chhunzawm a ngai a ni. Kan phak tawka thahnem kan ngai chung pawha Memberte duhkhawp kan pha lo hi pawi kan ti a. Mahse Pathian rawngbawl hi kan bansan dawn lo, kan ngam hek lo. Pathian thu-ah “Chuvangin, i hlau ang u, chuti lo chuan, a chawlhna a luhna thutiama la awm reng siin, in zingah tupawh tling lo angin in lo awm mial dah ang e (Heb 4.1)” kan hmuh angin kan tlinna chu Krista chauh a ni si a. “Keini zawng boral tura hnungtawlh pawla mi kan ni lova, nunna humhim tura rinna nei pawla mi kan ni (Heb 10.39)” tih a nih avangin Thlarau thara rawngbawl turin kan intat hriam sauh sauh dawn a ni.

    Lawmna leh hlimna, fakna leh a nuam lam ngawta  rawngbawl tur kan ni lova, sawichhiatna leh harsatna karah pawh lawm tak chunga Pathian rawngbawl hi kan tih tur a ni lo em ni? Kan duhdan leh kan beisei ang diak diaka rawngbawl hi kan tih tur a ni em? Kan rilrem loh zawng a awm pawhin  lungawi taka rawngbawl tur kan ni. Hruaitute leh memberte hi mize hrang hrang nei kan ni a, thiam dan leh duhdan, kalphung style hran nei kan ni a. Mite anga tling leh thiam, inpe zo kan nih ve loh avang hian In tawngtaina kan mamawh reng a ni. In duhthu leh i n thahnemngaihna avangin vawi engzat nge min tawngtaipui a, thurawn min pek ve tawh le?

    Min duh khawp lohna te hi Pathian avangin kan pawm a, insiamthat nan kan hmang dawn a, chuta tang chuan Pathian a lo ropui dawn a ni. “In hruaitu neih chungah te chuan lungawi rawh u; Amah Pathian ngeiin “Engtikah mah ka thlahthlam tawp lovang che u a, kal pawh ka kalsan tawp lovang che u (Heb 13.5)” a tih avangin Pathian kan lamah atang tih kan hria a ni.

    Hruaitu nih hi thil awlsam tak a ni a, hotu nih phei chu a awlsam leh zual a. In thei vek ang tih pawh kan ring e. Nimahsela, hruai theih tura awm mai a, thuawih tak leh tihnuam taka awm hi a lo harsa ber a ni tih kan hria a.Hruaitu te hian hruai theiha awm kan tum hmasa dawn a ni. Kan lo kal tawh dan chu engpawh lo nise sawilan vek a tul tawh lo a, kan kalzel turah erawh inenletna atan kan hmang dawn a. Pathian chauh a ropuina turin kan tihsual te min ngaidam turin kan ngen che u a ni.

Hebrai 13.17 - 18 thu hi Pathianin i tana a pekah che i ngai thei em?
    “In hotute thu awih ula, an thu thuin awm rawh u; chanchin sawi tur an nih avangin, lungngai chunga sawi lova, hlim chunga an sawi theihna turin in thlarau an vensak thin che u a ni; lungngai chunga sawi chu in tana pawi tur a ni si a. Min tawngtaisak rawh u; engkimah fel taka awm tumin, chhia leh tha hriatna thiang tak kan nei tih dik takin kan inhre si a”

No comments:

Post a Comment