MIZO SEX SEARCH
Ka Putchhuak blog (www. zofahchhngte.blogspot.in) hi tlawhtu an awm ve neuh neuh a, Google Search engine atanga an hmuhte leh blog address hria tlawh thin te an ni. Ni 28 chhunga Blog visitors mi 677 vel zingah mi 480 te chuan sex chungchang google kaltlangin an zawng a. Tichuan, Google Search engine atanga hetiang (ahnuaia mi ang thu/thlalak/video zawng) thinte hian ka blog chu an lo luh phah ve ta a nih chu. Queries (An thil zawn) za min hmuhtir zingah 87 zet chu Sex content an zawng a lo a nih tehreng chu maw le!Chung zingah chuan an zawn ber 30 te chu tarchhuak ila.
Mi heti zat zinga heti zatin ka blog an tlawh hi lawm tur nge lawm loh tur ka hre lo a, an duh ang erawh a awm ka ring lo. Sumdawnna hlawk tak ka hriatchhuah tak chu Google Adsense hmang thei ila, zahmawh leh bawlhhlawh rawngkai tarlang ta ila, Advertisement kaltlangin chhiah /fee chawi ngai zat zet chu kan huilut ve theiin ka ring ni. A hralh a kalphian dawn a nih hi.
Vantlang leh puipunna hmuna zahmawh leh a kaihhnawih haw viau si hi, Kohhran huang chhunga inthunun/phuar ngai reng kan awm a. Mahse, kan tapchhak mil tablet, phone leh computer lamah chuan a lo tla na fe a nih hi. Thlanlai ti ti leh fimthu chauhin a huam thin kha, kan kawtkai internet khawvelah pawh a mikhual ta lo hle. Khawvela kan la cham chhung chuan it zawng, mit la zawng leh thu lawilo lama kan uar ta lua a ni lo maw? A uar lo zawkte lah hi a buai leh hmanhlel an ni lawi si a, tawmim leh indai var peih lo zawk kan ni miau alawm le.
Hetih lai hian a tam zawk hi chuan an duh leh an zawn ang thu leh hla, video leh thlalak ka dah si lova, ka dah chhun te lah chu ka lehkhabu chhung Thalaite leh Sex zirchianna leh University-a ka disseration Mass media Exposure kaihhnawih Pornography chauh a ni si a, an hmu lo ve chiang ngawt ang. An duhzawng an zawn ka dah loh avang erawh chuan ngaihdam ka dil e. Google lampang hian Mizo tih zawn apiang min lo kawhhmuhsak vang a ni ber ang chu; heti zata tam an luh ni!
No comments:
Post a Comment