DROPDOWN MENU

10 November 2015

46/2015 Internship report of the Hospital

SUMMARY REPORT

INTRODUCTION :
V.Lalruatmawii leh R.Vanlalsawmi te chuan Internship; Mobile ICTC, Christian Hospital Serkawn-ah ni 1.10. 2015 - 31.10.2015 chhung hian a thawh khatna an nei a. MSW degree, Bureau of Data Processing System (BDPS) Shillong affiliated by SHIATS Deemed University (Sam Higgibottom Institute of Agricultures, Technology and Sciences) Allahabad atanga zo an ni. Medical Superintendent, Dr.B.Laldinliana remtihna leh a remruatna angin October thla chhung hian HOD ruahman angin ka hnenah hun an hmang a, an report zinga thenkhat pawimawh bika ka rin kan update teh ang. Ni 30 chhungin Theory leh kalphung inbuatsaihna tana hman a ni.


Objectives of placement:
1) ICTC, mobile ICTC leh blood bank hnathawh kalphung hriatchian
2) HIV leh TB damlote tana Care and support  treatment chungchang hriatchian
3) Counseling techniques, skills etc te hmang thei tura inbuatsaih
4) ART Treatment pawimawhna leh damdawi enkawlna chungchang hriat
5) HIV natna leh  kaihhnawih chungchanga harsatna awm thei hriatchian
6) HIV Natna hian mimal, chhungkua leh khawtlanga nghawng a neih dan zirchian
7) Hospital settings, hnathawh dan leh inenkawldan hriatchian

  

BCM STRUCTURES(Organizational Structures)
ASSEMBLY
AREA BAPTIST COUNCIL
PASTOR BIAL
TUALCHHUNG
ASSEMBLY EXECUTIVE COMMITTEE

NOMINATION COMMITTEE                                                        FINANCE COMMITTEE

                                          
                                                                                                       
                    CENTRAL



1.Central
2.Administrative
    *Archive &Library
    *Administrative Working
    *AADC(2)-Azl&Lti
    *AAWC(2)-Azl&Lti
3.Employees Pension Board
4.Fellowship Organisation
     *TKP/BKHP/KNP/BMP
5.Pastoral
     *Revival&Evangelism
     *Pro Pastor&Kohhran Upa
       Examination Board
6.Property Department
7.Theological Education
     *AICS(Aizawl)
     *JBS(Serkawn)
8.Worship&Musis Department
     *Baptist Choir
                 MISSION

1.Mission
2.Mission Board
     *Regional committee
     *Field Committee
 *FIELDS
   -Tripura
   -MP&MS
   -Arunachal W,E,Far E
   -Assam
   -Bengal
   -North India Mission Delhi
   -Jharkhand
   -Andaman & Nicobar Island
   -Nepal
   -Bhutan
   -Miria(Bangladesh)
   -Yinchuan(China)
   -Ghana & Kenya(Africa)
   -Chiangmai,Banluang,Naa Nongthum(Thailand)
   -Bandung(Indonesia)
   -Phinm Penh(Cambodia)
   -BBC,CBC,N.Mizo
*Partners
   -YWAM,WYCLIFF,IEM,NBCC,SNBA,FMPB,etc
                    SERVICE

1.Service
2.Baptist literature & Printing
     *BLP Management Comt
     *Publication Board
3.Christian Education
4.Communications
      *Audio Visual
      *Editorial Board
5.Education
      *HATIM
      *BHSS etc..
8.Medical & Health
      *Hospital Management

6.Relief & Development
7.Social Concern Committee
       *Public Guidance
       *Prevention & Care
       *Christian Counselling
       *BCO

               


 HISTORY OF BCM:
Mizoram Baptist kohhran (BCM) hi Rev.F.W.Savidge and Rev.J.H.Lorrain ten an lokal vawi hnihna-ah Serkawn, Lunglei chu hmunpui atan an thlang a, Lunglei hi Mizoram khawpui ber pahnihna a nih angin a awmna hmun, sik leh sa, hnathawhna atan a remchang hle. Tunah hian BCM hian member 164,486 neiin, Kohhran 606 a nei a, (i.e.BCM statistics 2013-14). BCM chu Mizoram kohhran lian tak niin, Presbyterian Church of Mizoram dawt a ni.

BCM ORGANISATIONAL STRUCTURES:
BCM Organizational structure hian committee chhawng li a nei a, Assembly chuan Area Baptist Council, the pastorate council leh Local Church te a enkawl thin a ni.

1. Assembly:        Assembly rorelna hi Mizoram Baptist kohhran rorelna sang ber niin, a pawimawh hle
2. Area Baptist Council:                 Pastor bial 2 emaw a aia tam infinkhawm chuan ABC a siam a,khawmpui te neiin hma alak mai bakah,Assembly ah rorel tur thu a thlen thei.Tunah hian ABC 14 a awm mek a ni.
3. Pastor bial:                                    Kohhran 2 emaw a aiia tam kohhran chuan pastor bial a siam a,pastor bial chuan ordained pastor neiin a tul angin a enkawl thin. 
4. Tualchhung kohhran:                Tualchhung kohhran hi Baptist inkhaidiat danah chuan pawimawh ber niin,member ten mahnia ro in relin, fellowship hrang hrang a awm a,chu chuan pastor bial kaltlangin target te hmunpui ah an chhunglut thin.

HISTORY OF CHRISTIAN HOSPITAL SERKAWN:
Christian Hospital Serkawn hi nursing school nena inkawp niin Serkawn, Lunglei, Mizoram a awm a ni. Hospital hi Mizo mipui ten “Serkawn Hospital” tiin an sawi thin a, Baptist Church of Mizoram kaihhruaina leh enkawlna hnuaia  awm a ni. Kum 1919 ah din niin, kum 1923 khan pangngai taka kalpui tan a ni,  Mizoram a hospital hmasa ber niin nursing school nei hmasa ber an ni bawk. Khum 100 len theihna tur atana sak a ni.

 Christian Hospital Serkawn hian kum 1919 khan  Miss E.O.Dicks (Pi Dawki) ho a hna tan a ni.  missionary nurse hi Baptist Missionary Society (BMS), London atanga lo kal niin, Pi dawki hian tihdamna hna hi ama in atangin a tan a ni.  Building te then hrangin, 10th February 1923 khan hawn a ni.

A nih na tak ah chuan hospital hi khum30 len theihna,hmeichhia leh naupang awmna tur atana siam a ni. Kum 1957 khan BMS deputed Dr.H.G.Stockley (Dr.Zomuana) leh a nupui, damdawia inenkawlna lama tawnhriat lo nei tawh, khawtlang tana thawk tura damdawi lam thiamna nei(resident doctor)te chu Serkawnah an rawn kal a. Nursing school hi kum1952 ah tan niin,  Auxiliary Nurse Mid-wifery (ANM) zir theihna tur atana duan a ni. Miss E.M.Maltby (Pi Zohnuni) hi nursing superintendent niin, ama kaihhruai na hnuaiah hostel hi enkawl a ni . Kum 1964 khan Dr.C.Silvera hi Mizo doctor  hmasa ber niin  medical superintendent hmasa ber a ni bawk a ni.

 Department chi hrang hrang 4 awm in , surgical, pediatrics, obstetrics leh gynaecology te an ni. Heng bakah hian khawpui chhungah clinic hawn niin,nitin inentirna hun hawn a ni,tin thingtlang leh school lamah te a remchan dan angin health clinic neih thin a ni a.  Nursing school ah hian zirlai 70 awm theiin, hospital tan hna leh damlo enkawl kawngah a zangkhai phah hle a, chutih lai chuan thawktu te tan pawha intuaihriamna leh phurna petu te zinga mi a ni.    


PRESENTATION ON COUNSELLING

ICTC Complex chhunga kan hnathawhna atana pawimawh tak mai chu intahhriamna atan Presentation pe tura inbuatsaih a ni a. Counselling hi a pawimawh avang leh hriat tawh a awm loh avangin thawktute intuaitharna atan present nawn a ni. Heti angin;

‘Counselling’ chu mi, chhan hrang hrang avanga a harsatna amah ngeiin a sutkian theihna tura tanpuina leh kawhhmuhna hi a ni. Heng harsatna atanga kawng dik leh kawng mumal tak a zawh theih nana a dinhmun hrethiam chunga kaihhruai a, duhthlanna dik a siam theih nana a rilru buatsaih a, a dinhmun atanga hmasawn tura puih a, a nundan leh nunphung thlak thleng te, mahni inthunun (self control) thei tura puih te hi counselling in a tum chu a ni.


GOALS of COUNSELLING;

1.Hlawhtling tur chuan rilru hrisel tak neih a ngai: Rilru hrisel tak nei tur chuan a chhehvel a mi te nen inrem taka nun ho a, inpawhna tha tak neih a ngai. Harsatna eng pawh a chungah thleng se a eng(positive) zawnga thlir thiam thei tur a kaihhruai thiam a pawimawh.

2.Counselling hlawhtlinna chu mi hman tlaka siam hi a ni: Mi tin te hi Pathian in a bik taka a siamte kan ni a, hlutna nei vek kan ni. Client hlutna hrilh hriat a, mi tangkai tak leh pawimawhna a nei tih hriattir a pawimawh.

3.Nunphung thlakthleng (Behaviour modification): Counselling in a tum ber chu Client te nunphung (Behaviour) thlak thleng hi a ni. An awmna hmun a zir a mahni inthunun thei tura kaihhruai.

4. Thutlukna fel tak siam tir a, a chunga harsatna lo thlengte ti belhchhah tu tur laka ven.


AREAS of COUNSELLING;

Counselling tih hian a huam zau thei hle a, counsellor hrang hrang an awm a, harsatna a zirin  counsellor thlan thiam a ngai a, counselling hrang hrang te han tarlang ila:

*Marriage and Family counselling.
*Guidance and Career counselling.
*Rehabilitation counselling.
*Mental health counselling.
*Substance counselling.
*Educational counselling.


ENGTIN NGE COUNSELLING ROOM KAN DUAN ANG?

*Clients tana hmun him leh remchang, mi dang in an tihbuai theih lohna hmun.
*Hmun reh leh bengchheng in a tihbuai theih lohna a ni tur a ni.
*Room zau tha leh ngaihtuahna a hman theih nan, amah chhawk zangkhai thei turin leh inbiakna tha tak a awm theih nan room furniture chu felfai taka rem tur a ni.
*Room thim lutuk hian ngaihtuahna a tihbuai theih avangin a tawk chauha light pek thiam a pawimawh.
*Room chhung chu felfai tak, dan pangngai ang taka rawng hnawih tur a ni.
*Counselling kan pek tur azirin room chhunga kan milem tar te, cheimawi te leh thildang kan dah tur te kan thlan thiam a ngai bawk.

COUNSELLING HUN CHHAWNG HRANG TE:
Harsatna neite counselling pek a nih dawn hian clients in a awmdan phung hrang hrang a tilang thin a, chung zinga pasarih(7) chu han tarlang ila:

*Stage 1:   Clients in mahni inhawng taka a sawi duhte a sawi theih nan counsellor in a lo dawngsawng thiam tur a ni a, a hun lo kal leh zel tura tan beiseina a siamsak thiam a pawimawh hle.

*Stage 2: Hemi hun lai hi clients chak loh lai leh a derthawng hun lai ber a ni a, a chhan chu amah a inngaihtuah nasain, a hun kaltawh a, a thil tawn ten a rilru a tihbuai thin vang a ni.

*Stage 3: A harsatna te sawipui chu pumpelh hram a duh thin, a chhan Chu midang in engtin nge an ngaih ang tih a ngaihtuah thin vang a ni.

*Stage 4: Clients hmasawnna tlem alang tan a,counsellor nen zawi zawi in inpawhna an nei chho tan a.

*Stage 5: Clients in a awmdan te tilang in, midang nena an inremlohna leh inmil lohna te a hrethiamin,midangte ring thei tura duhthlanna a siam hun lai tak a ni.

*Stage 6: Clients in mi dangte nena inremna leh zawi zawi a midangte ngaihsakna a neichho tana,hemi hunlai hian client hi dan pangngai(formal) taka counselling pek rih loh tur a ni.

*Stage 7: Clients in a rilru pe tan in,midang a ngaihsakna a tilang a,a tawp berah chuan chhunglam leh pawnlam atanga amah rawn thunun a,a awmdan leh a ngaihdan te hriatthiampui a,a thusawi te nguntaka lo ngaihthlak sak tur a ni.



TIHTUR LEH TIHLOH TUR TE:
DO’s:
*Clients chu tha taka lo dawnsawn tur a ni.
*Hawihhawmna lantir bawk tur a ni.
*Inhmelhriattir la, I hnathawh leh I hnathawhna hmun hming hrilh bawk ang che.
*A thil sawite ngun takin I ngaithla tur a ni.
*I hna leh I hun I vawng tha tur a ni.
*Client in hun nuam tak a hman theih nan inpawhna thatak  siam a pawimawh.
*Zawhna mawl te “AW” leh “AIH” ti a chhan theih tur ang te zawh thin tur.
*Duhthlanna a siam theih nan a tanpui.
*A tana thil pawimawh te hrilh hriat.
*Mitmeng a ngaihsakna lantirna tihlan lutuk loh tur.
*Inbiaktawnna chu hriatreng a, chhuinawn leh thin tur.

DON’t:
*Midang nen tehkhin suh.
*Thutiam neihpui loh tur.
*A tawrh let leh na tur atan duhthlanna diklo siamsak loh tur.
* Uchuak lutuk a khawngaihna lantir loh hram a tha.
*Thurawn pek loh tur.
*Hriattirna diklo hrilhloh tur.
*A tawng lai a tihbuai loh hram tur.
*A ti hlauhawm zawnga taksa chet loh tur.
*A diklo zawnga thlawp emaw fuih loh bawk tur.
*Clients nungchang chu kaihhruai tum lutuk suh.


                      COUNSELLING SKILLS:
1.Listening:Clients in harsatna a sawiin nguntaka lo ngaihthlak a,mit meng atangte,kan taksa chetdan te leh kan tawgkam chhuak te in ngaihsakna tihlan thin tur a ni.

2.Empathy:Harsatna neitu kha kan pawmthiam a chutih rualin amaha harsatna leh buaina awmte hmuthiam chunga clients tanpui hi empathy chuan a tum a ni.

3.Genuiness:Counsellor nena inpawhna tha neitur chuan zalen taka an inkawm a,tawngkam leh chetzia hmanga clients a tawrhpuina a lo tihlan khan an inkarah inpawhna tha tak a siam thei a,tawrhpuina engemaw a tihlan loh chuan clients kha a tibuai in, inrilohna a tuh thei a ni.

4.Unconditional positive regard:A tawngkam chhuak leh a landante a ngaipawimawhin eng ang dinhmun atanga seilian pawh nise a pawmthiam tur a ni.A ngaihsakna a tilangin,a duhthlanna a zahsak rualin kawngdik zawk a kawhhmuh tur a ni.

5.Questioning: Counselling ah hian question ziarang chi hnih a awm a:

(1) Open Question: Open question ah chuanin zawhna tawite ni lo, chhanna thui tak pek theih ang chi zawh thin a ni a, hei hian client chu a fuih thar in, counsellor tan thil pawimawh leh a kaihhnawih thil te hriatna hun remchang tak a ni.
Engtin nge?-Hemi zawhna hian a rilru leh ngaihtuahna te eng ang nge a ni tih ati lang fo thin.
Engnge?-Hriat tur pawimawh leh thudik zawk hriat nan a hman a tangkai fo bawk.
Engtik ah nge?-A tun hma thil leh a harsatna  rawn intan hun vel zawhna atana hman thin bawk a ni.
Khawiah nge?-A awmna hmun leh a chhehvel te a tarlang thin.
Engvangin nge?-Thil thlengte a chhan leh avang tifiah tu atana hman thin a ni. Mahse, counsellor in “engvangin nge” tih zawhna a hman nasat chuan client kha a ti hlauthawng in mahni inven duh tlatna rilru a puttir thei bawk.

(2) Closed Question: Closed question ah chuan zawhna mawl te te “AW” leh “AIH” ti a chhan theih tur zawhna te hi a ni.Hemi zawhna hian clients tanpui na kawngah kawng a sial thui hle thin.
Zawhna zawh dan ah hian fimkhur a ngai a, chiang tak leh felfai taka zawhna zawh thin tur a ni. Tin, Zawhna zawh tam lutuk hian a nilo zawngin a kaihhruai thei bawk.Clients in chiang taka a hriata, hahdam taka a awm theih nan zawhna leh zawhna zawh hun te  thliarhran thiam a pawimawh hle bawk.


 Counselling bul tum leh a kalhmang (Technique and Basic Steps in Counselling):
v  Counselling in a tum bul pui ber chu harsatna neitu (client) in a dinhmun leh a nihna chiang taka a hriat a, mahni intanpui thei tur zawng a kawng kawhhmuh.
v  Counsellor leh client te inhrethiam tawn taka indawra, harsatna sukiang tur chuan inpawhna tha tak an neih angai ani.
v  Tum mumal leh ngaihtuahna felfai tak nei chungin Client in a harsatna te amah ngeiin a sutkian theih nan a tanpui tur a ni.
v  A thiamna leh a theih na bik te zawi zawia hmasawn thei turin a fuih thin tur a ni.




           
            
Counselling hlawhtling tak nei tura hriattur pawimawh te:
 (Basic Principles of Counselling)
v  Harsatna neitu in a dinhmun hrechiang a hmalam pana a kal theih nana theihtwp chhuah a fuih leh kaihhruai hi a ni.
v  Amah leh a chhehvel a thil awmte nen a inlaichinna tha nei thei tur leh a suangtuahna leh a ngaihtuahna te zawi zawi a, a tha lam hawi zawng a hmalam pan tir hi counselling chuan a tum a ni.
v  Harsatna neitu in a harsatna a zira a dinhmun thlakthleng.
v  A harsatna te venpui a, lakkian sak a, hmasawn tir  hi a ni. 

Harsatna neitu khawvel hrethiam chunga nundan tha leh ngaihtuahna tha zawk hmuchhuak thei tura puih hi counsellor cuan a tum tur a ni a.

Counselling hi mi pakhat(one person) tan chauh emaw pawl(group) ang zawng pawhin a neih theih a, a tihdan hrang hrang a awm a, hmaichhan a inkawm te, pawl(group) ang te, telephone, email leh ziak te in counselling hi a pek theih a ni.

TUTE NGE COUNSELLING MAMAWH?
Mahni inhriatchianna atan leh kan nuna harsatna thlengte engtin nge kan hmachhawn anga, kan harsatna te kan thlakthleng theihna tura tan min puitu tangkai tak chu Counselling hi a ni. Midangte nena kan inlaichinna kawngah te, mimal nun chawikang turte, ze thalo tak tak neite tan counselling hi a tha lama nun thlakthleng tu pawimawh tak a ni. Tin hna ah te,ruihhlo chindawklak te, thlarau lam nunah te, mipat/hmeichhiatna lamah te, a tha lo zawnga nun inthlakthleng thut te, lungngaihna leh manganna, engemaw thil hloh leh hneh loh nei te tan counselling hi a tangkai hle a ni.

CASE STUDY –I
INDIVIDUAL IDENTITY:
K.Laldawngliana(Dawngtea) hi 8th October 1989 khan Lungrang ah a piang a,an unau hi 4 ni in amah hi a upa ber a ni,an naupan laiin a nu leh pa inthenin , a chang chuan a nu bulah a awm a,a chang chuan a pa bulah a awm thin bawk,a unau te hian nupui/pasal nei vek tawhin ,a nu hi Lunglei ah a awm a,a pa te hi Tlabung zodin ah an awm.Pawl 5 thleng sikul a kal a,Hetia a awmkual hnu hian a Ni Lalnutui ami in awmpui in,tunthleng a enkawl tu ber chu a Ni hi a ni.

FAMILY BACKGROUND:
A pa hian nupui dang neiin, a nupui a fa bik 1 an kawl bawk a, a nu tak hi chhul lampang tha lo a nih avangin han buai zeuh zeuh changte a nei thin bawk a. A pa bula a han awm hian a nu hrawn hnen atangin ngaihsakna aiin ngaihsaklohna leh tawngkam mawi lo tak tak te a dawng thin a, ei leh in kawngah te huphurhna tawngkam te a dawng ve leh zeuh thin. Tin, amah hi mi harhvang tak niin, a chang chuan chaw ei dawn a koh ngai hial a han len vang vang te a nei thin a, a nu hian han vuak ve zeuh thin changte pawh a nei thin a, mawi lo taka han tawngkhum chang leh kut han thlak changte nei thin mah se, apa hian a chhan ngam ngai lo. A nu tak hi han bel dawn se, amah enkawl thei dinhmun ah a ding lo a, a Ni te bulah ah hian a awmzui  ta a ni.
Hetia a Ni te bula a awm hnu hian sikul kal bansan in a Ni te chu an hna tul tulah a pui thin a, Vawk leh Ar te, Kel te a vulh thin. Zingah a tho a, vawk chaw a chhum a, chumi zawhah kel veng turin ramhnuai lamah a kal leh thin. Amah chauha ramhnuai kal chu a hlau ve thin hle a, nitin Kel ven a ngaih avangin Pathian ni-ah pawh inkhawm lova Kel a ven a ngai thin. A chang chuan thiante nena infiam a, inkawm pawh a chak ve thin hle. Hetiang dinhmuna a din lai mek pawh hian Pathian a hlat ngai lova, rawngbawlten a chhuak thin a, Biak in enkawl chu a hna berah a ngai a, a kutah a dah tawp thin. Tunah hian a ni te in Venglai Lunglei atanga admit a ni.

HISTORY of PARALYSED:
Dawngtea hi Football ngaina tak a  ni a, tournament a awm dawn avangin an practice a, exercise an laknaah a thianpa chuan rawn tauh palhin a tlu a, Civil Hospital Lunglei panpui nghal a ni a. Hetih lai hian a kawng chin hnuai lam chu a che thei tawh lo va, Aizawl ah refer ni mahse  kal lovin an khaw lamah an let leh a, hemi hnu hian Christian Hospital Serkawn ah awm in, CT Scan leh MRI ti turin Aizawl an pan leh a, hemi tum hian Nurse pakhat chu midang anga insawiin a natna zawng zawng chu zawt in a Paralys a ni tih a inhre ta a, hetia a natna a hriat hnu hian a beidawngin  mahni intihhlum duh hialna rilru a pu a ni. Christian Hospital ah 8th October 2004 ah  rawn let leh in tun thlengin hetah hian enkawl mek a ni.
 
PROBLEM IDENTIFICATION:
Paralyse avang hian amahin a kal thei lova wheelchair a hmang a, nurse ten bualfai thin in an enkawl thin, a taksa ah natna hrang hrang a tawk thin a, vawi 21 zai a tawk tawh a, kala  lungte awm, tha na, mit a lungte awm, mit zai, mit tha lo te a nei a ni.
Christian Hospital Serkawn ah hian kum 11 a awm tawhin, in lama a let leh chuan amah enkawl thiam an awm loh avangin damdawiinah hian a awm ta chawt a, 8th Oct 2004-8th Oct 2014 thlenga a bill chu Rs 10,85,262 (Nuai sawm, sing riat sangnga leh zahnih sawmruk pahnih) niin Bill Countera awm ten an sawi a ni. Hospital a awm man hi  thawktu ten an dil ngai lova, rawngbawlna a ngaiin theihtawp chhuahin an enkawl thin. Tin, ram pawn leh ram chhung atang te leh mi thahnem ngaite hnen atangin tanpuina pawisa a dawng  thin a, heta a dawn atang te hian a theih ang ang in a bill te hi a rul ve thin a, a Ni te chhungkua hian  an theih ang angin an rulh sak thin bawk.
A pa hnen atang hian tanpuina pawisa tam tham ve deuh chu vawi khat a dawng tawh a, an rawn tlawh changa an pek te hi a awm man rulh nan chuan a tlem tham thin hle. A chhungte leh a unaute hian an ngaihsak lutuk lova, phone atanga an inbiak hi an ngaihsakna lantirna chu a ni mai a, a Ni te hi a innghahna awmchhun chu a ni.
ASSUMPTION:
Heti ang dinhmunah hian dingin natna khirh takin tlakbuakin beidawn rum rum changte, khawhar ngawih ngawih changte nei thin  mahse Pathian chungah a vui ngai lova, a chhungten ngaihsak em em lo mahse a vui ngai hek lo, hlim hmel a pu reng a, a naupan lai atanga Pathian alo belh tlatna chuan a nun chu kaihhruai chho zelin a theih ang ang in rawngbawlnaah a in hmang a, Pu C.Lalzarmawia pawhin a rawngbawlnaah a hruaiin a tawiawm fo thin. Ni tin tawngtaina a nei ziah a, Mobile phone leh social network hmanga Pathian thu te thawnchhuakin heti anga a rawngbawlna atang hian midangte pawhin Pathian an lo hmuh phah ve mek bawk a ni. Tin, doctor leh nurse, thawktu dang ten hmangaih leh duat tak in, hriatthiamna nen an enkawl a, a lakah tu paw’n that an chhuah vek a, Pathianin thian hmangaihtu tak tak a pe ve mek zel bawk a ni.

CASE STUDY –II
Case study tura thlan damlo pakhat hi Chawngte atanga lo kal niin silai inkah vanga admit a ni a, tawng leh inbiakpawhna avangin harsatna neih a ni a, chutih lai chuan discharge a lo nih bawk si avang in chhunzawm theih a ni ta lo a ni.



REPORT OF THE MOBILE OUTREACH:
Pre-test leh post-test counselling neih thin a ni a, chung zingah chuan Ni 30th Oct 2015 khan Mausen, Mualthuam North leh Ramlaitui-ah mobile ICTC team leh MHIP migrants project nen fehchhuah niin, HIV positive post test counselling khaw pathumah mi pathum neihpui an ni a. Heng zinga mi pahnih te hi ART kan hruai thleng thei a, kan lawm hle. Heng experience tha leh remchang tak kan nei hi kan hma lam hun atana experience tha tak a ni.


EVALUATION:
Christian Hospital Serkawn a ni 30 chhung, kan hun zat chanve kan hmana kan chhinchhiah bik lo tarlang ila;
1.      Thawktu hrang hrang kan kawm atangin thawh hona boruak a tha hle in kan hria.

2.      Hun vawndik kawngah hospital dangte aiin hun an hmang tha hle.

3.      Thawktu ten min lo dawnsawn dan kawngah an hawihhawm hle a.Hetiang a nih chuan damlo leh tlawhtu leh midangte chungah pawh an hawihhawm ang tih a rin theih a ni.


4.      Religious based hospital a nih angin thawktu te inpekna a sang hle a.Holiday leh work culture ah pawh inthlahdah an awm lovin kan hria a.Nimahsela,tha zawk leh sawt zawka thawk zel tur chuan burned out,stress leh ngaia neih a awl thin avangin stress management leh burned out veng turin sports,outing leh programme dang siam hi a tangkai thei hle.

No comments:

Post a Comment